Éxodo 22:17 - Q'eqchi Bible

¹⁷ Ut wi li yuwa'b'ej ink'a' taaraj xk'eeb'al re, tento ajwi' naq li winq tixtoj jo'nimal li natojmank chirixeb' li tuq'ixq.

Li Santil hu

¹⁷ Ut cui li yucuaꞌbej incꞌaꞌ ta̱raj xqꞌuebal li xkaꞌal re, tento ajcuiꞌ nak li cui̱nk tixtoj li joꞌ qꞌuial natojman chirixeb li xkaꞌal li toj ma̱jiꞌ cuanjenakeb riqꞌuin cui̱nk.

Éxodo 22:17 ပူးပေါင်းရင်းမြစ်များ

Génesis 34:12

Xaqab'omaq xtz'aq linsumlajik, us ta q'axal terto, ut laa'in tink'e eere li teepatz' we. Ab'anan k'ehomaq li ixqa'al cho'q wixaqil”.

1 Samuel 18:25

Ut laj Saúl kixye reheb': “Yehomaq re laj David chi jo'kan: «Moko tumin ta traj li awab'ej, ka'ajwi' o'k'aal xtz'uumaleb' xtz'ejwaleb' laj Filistea, re taa'eeqajunq sa' xb'eeneb' li xik' neke'ilok re», cha'qex”. Ab'an li rajom laj Saúl: naq laj David taat'ane'q sa' ruq'eb' laj Filistea.

Deuteronomio 22:29

li winq li xyoklaak rik'in li ixq tento tixk'e lajeeb' roxk'aal chi tumin plaat re li xyuwa' li saaj ixq ut tixk'am cho'q rixaqil, xb'aan naq ak xb'atz'unle chik, ut ink'a' naru tixjach rib' rik'in chiru chixjunil li xyu'am.

Génesis 23:16

Laj Abrahán kixk'ul xch'ool ut kixb'is li tumin kixxaqab' laj Efrón, chiruheb' laj Hit: jun o'q'ob' chi tumin plaat, jo' neke'b'isok wi' eb' laj k'ay.

Génesis 30:20

Ut aj Sabulón kixk'e cho'q xk'ab'a', xb'aan naq kixye: “Li Yos xk'e inchaab'il maatan. Anaqwan ch'olch'o naq tinxra linb'eelom, xb'aan naq waqib' li ralal xwank wik'in”.

Levítico 20:6

Ani taapatz'oq rik'ineb' li musiq'ej ut rik'ineb' laj q'e, ut tixmux rib' sa' xk'ab'a'eb' a'an, laa'in tintz'eqtaana ut twisi sa' xyanqeb' li rech tenamitul.

Deuteronomio 18:10

Miwank junaq sa' eeyanq li tixnumsi li ralal malaj li xrab'in sa' xam, malaj tixb'aanu li q'ehib'k ut li rilb'al li yu'am chaalel rik'in xka'yankil eb' li chahim. Maajun eere tixb'aanu li tuulak malaj xmoyb'al xsa' li uhej.

1 Samuel 28:3

Ak kamenaq chik laj Samuel, ut chixjunileb' laj Israel ke'yaab'ak chirix ut ke'xmuq aran Ramá, sa' li xtenamit. Laj Saúl ak kirisiheb' sa' xyanqeb' laj Israel chixjunileb' laj q'e ut eb' laj aatinanel rik'in kamenaq.