Éxodo 21:1 - Q'eqchi Bible

¹ “A'aneb' a'in li chaq'rab' li tento taak'e reheb':

Li Santil hu

¹ Aꞌan aꞌin li chakꞌrab li tento teꞌxba̱nu li tenamit:

Éxodo 21:1 ပူးပေါင်းရင်းမြစ်များ

Deuteronomio 4:14

Moqon kinxtaqla li Qaawa' chi xk'utb'al cheru li raatin ut li xchaq'rab', re naq teepaab' sa' li ch'och' teereechani laa'ex.

Deuteronomio 6:20

“Sa' jun kutan tixpatz' aawe laawalal: «K'aruheb' li chaq'rab', li taqlahom ut eb' li aatin a'in li xk'e chepaab' li Qaawa' li qaYos?», cha'aq.

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Malaquías 4:4

“Misachk sa' eech'ool li xchaq'rab' laj Moisés laj k'anjel chiwu, linchaq'rab' ut eb' li waatin li kink'e re sa' xb'een li tzuul Horeb, cho'q re chixjunileb' laj Israel.

Ezequiel 20:25

Toj reetal kink'e ajwi' xchaq'rab'eb' ut xtaqlankileb' li moko us ta, li ink'a' nak'ehok yu'am.

Ezequiel 20:11

Aran kinq'axtesi linchaq'rab' ut kink'e chi xnaweb' li waatin, li tento te'xyu'ami eb' li poyanam re naq te'wanq xyu'am.

Salmos 147:19

Naxpuktesi li raatin re laj Jakob, naxk'ut li xchaq'rab' ut li xtaqlahom chiru laj Israel.

Nehemías 10:29

ke'xjunaji rib' rik'ineb' li xkomoneb' ut eb' laj k'amol xb'eheb', ut ke'xye raatineb' sa' jurament naq junelik te'xpaab' li Chaq'rab' xk'ehom li Yos re laj Moisés laj k'anjel chiru. Ke'xye naq te'xyu'ami ut te'xk'anjela ru chixjunil li raatin, li xchaq'rab' ut li xtaqlahom li Qaawa' li qaYos.

2 Crónicas 19:10

Eb' laj Judá eerech tenamitul te'jitoq cheru chirix k'iila paay chi ch'a'ajkilal, a' yaal ma chirix kamsij ib' malaj chirix li q'etok Chaq'rab' malaj q'etb'a aatin. Laa'ex xb'enwa tento teech'olob' xna'leb'eb' chi chaab'il re naq ink'a' te'maakob'q chiru li Qaawa'. Chi jo'kan A'an ink'a' taajosq'o'q sa' eeb'een ut rik'ineb' leeras eeriitz'in. Wi teeb'aanu chi jo'kan, maak'a'aq eemaak laa'ex.

1 Reyes 6:12

“Sa' xk'ab'a' li ochoch yookat chi xyiib'ankil, nawaj xyeeb'al aawe: Wi nakatwank sa' xyaalal, wi taab'aanu li naxye li waatin ut taapaab' chixjunil linchaq'rab', laa'in tinb'aanu li kinyeechi'i re laj David laayuwa'.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Deuteronomio 5:31

A'ut laa'at kanaaqat arin wik'in ut laa'in tinye aawe chixjunileb' linchaq'rab', lintaqlahom ut li waatin tento taak'ut chiruheb', re naq te'xpaab' sa' li na'ajej tink'e chireechaniheb'», chan li Qaawa'.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Deuteronomio 4:45

A'aneb' a'in li aatin ut li chaq'rab' kixye laj Moisés reheb' laj Israel naq ke'elk chaq Ejiipt,

Deuteronomio 4:8

Ut k'a' chi tenamitul q'axal nim, wank xchaq'rab' tz'aqal tiik jo' ta chixjunil li chaq'rab' li yookin chi xq'axtesinkil eere anaqwan?

Deuteronomio 4:5

Chek'e reetal: jo' chanru li Qaawa' linYos xye we, jo'kan ajwi' laa'in tink'ut cheru li chaq'rab' tento teepaab' sa' li na'ajej ok eere chi reechaninkil.

Números 36:13

A'aneb' a'in li chaq'rab' ut li aatin kixk'e li Qaawa' cho'q reheb' laj Israel, chi xtz'uumal re laj Moisés, sa' xtaq'ahil Mohab, chire li nima' Jordán, sa' xjayal Jerikó.

Números 35:24

toja' naq li komonil taa'aatinaq chirix laj kamsinel ut li rech'alal li kamenaq, jo' naxye li chaq'rab' chirix li rahilal a'in,

Levítico 20:22

“Paab'omaq chixjunil linchaq'rab' ut lintaqlahom, ut k'anjelahomaq ru chixjunil. Chi jo'kan ink'a' tex'isiiq sa' li na'ajej li texink'am wi' laa'in.

Levítico 19:37

“Jo'kan b'i' paab'omaq chixjunil linchaq'rab' ut lintaqlahom ut k'anjelahomaq ru. Laa'in li Qaawa'”.

Levítico 18:26

A'ut laa'ex aj Israel ut eb' laj ab'l tenamit li wankeb' sa' eeyanq, paab'omaq linchaq'rab' ut lintaqlahom ut meeb'aanu junaq li yib' aj b'aanuhom a'in,

Levítico 18:5

“K'uulahomaq sa' leech'ool linchaq'rab' ut lintaqlahom. Ani taapaab'anq re, taayo'yooq. Laa'in li Qaawa'.

Éxodo 19:7

Koho laj Moisés, koxch'utub'eb' li xcheekel winqilaleb' li tenamit ut kixye reheb' li k'aru kitaqlaak wi' xb'aan li Qaawa'.

Deuteronomio 15:12

“Wi laawas aawiitz'in aj hebreo, winq malaj ut ixq, tixk'ayi rib' aawe, waqib' chihab' ajwi' taak'anjelaq chawu; ab'an sa' xwuq li chihab' taakanab' chi ach'ab'anb'il.