Éxodo 20:5 - Q'eqchi Bible

⁵ “Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Li Santil hu

⁵ Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Éxodo 20:5 ပူးပေါင်းရင်းမြစ်များ

Números 14:18

Li Qaawa' jwal timil najosq'o'k ut q'axal nim xchaab'ilal li xch'ool. Naxkuy li maa'usilal ut li q'etq'etil, us ta ink'a' naxkanab'eb' yal chi jo'kan li wankeb' xmaak, naxk'e b'an chi xtojb'al rix xmaak li yuwa'b'ej sa' xb'eeneb' li alal k'ajolb'ej toj sa' li rox ut xka xteepal riyajil li tenamit.

Deuteronomio 5:9

Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Deuteronomio 4:24

xb'aan naq li Qaawa' leeYos a'an jun xam nasachok ut jun Yos aj sowen.

Éxodo 34:14

“Maahupub' aawib' chiru jalan chik yos xb'aan naq «aj sowen» naxk'ab'a'in li Qaawa': a'an jun Yos aj sowen.

Josué 24:19

Ab'an laj Josué kixye reheb' li tenamit: “Laa'ex ink'a' texruuq chi k'anjelak chiru li Qaawa', xb'aan naq a'an santil Yos, a'an jun Yos aj sowen li ink'a' texkuy rik'in leeq'etq'etil chi moko tixkuy leemaak.

Salmos 109:14

Chijultikamanq chiru li Qaawa' li xmaak li xna' xyuwa', ut ink'a' chisachmanq li k'aru kimaakob'k wi' li xna'.

Josué 23:7

Meeb'on eerib' rik'ineb' li tenamit a'an li toj wankeb' sa' eeyanq. Meeyaab'a xk'ab'a' li xyoseb' chi moko teeye jurament sa' xk'ab'a'eb'. Meeloq'oni ruheb' chi moko teehupub' eerib' chiruheb',

Deuteronomio 6:15

xb'aan naq li Qaawa' laaYos, li wank aawik'in, a'an jun Yos aj sowen. Wi taab'aanu chi jo'kan, taachalq li xjosq'il li Qaawa' laaYos sa' aab'een ut tatxsach chi junajwa.

Nahum 1:2

Li Qaawa' a'an jun Yos aj sowen ut aj eeqajunel; na'eeqajunk ut k'ajo' li xjosq'il. Ink'a' nasachk sa' xch'ool li xmaakeb' li xik' neke'ilok re.

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

Números 14:33

ut eb' leeralal eek'ajol te'xb'eeni rib' sa' li chaqich'och' chiru ka'k'aal chihab' ut te'xtoj rix leeq'etq'etil, toj reetal tex'oso'q chejunilex chi junwaakaj sa' li chaqich'och'.

Salmos 79:8

Ink'a' taxaq chijultiko'q aawe li xmaakeb' li qaxe' qatoon; xb'aan xnimal laarahom seeb'a chaq aawib' chi qatenq'ankil: q'axal ra wanko, ink'a' chik naqakuy.

Éxodo 23:24

Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Romanos 8:7

Li nak'amok wi' li xrahinkil li naraj li tz'ejwalej, a'an wank sa' xiik'ilal rik'in li Yos: li tz'ejwalej ink'a' naxk'e rib' rub'el xwankil xchaq'rab' li Yos, chi moko taaruuq aj ta wi';

Romanos 1:30

aj q'ab'aneleb', xik' neke'ril li Yos, aj hob'oneleb', q'etq'eteb', xninqaleb' ru naq neke'xb'aanu rib'eb', aj yoob'aneleb' maa'usilal, aj q'etoleb' raatin xna' xyuwa',

Jeremías 2:9

Jo'kan naq toj yooqin chi jitok cherix laa'ex ut chirixeb' leeri leemam -chan li Qaawa'-.

Isaías 44:19

Maak'a' neke'xk'oxla, maak'a' xnawomeb' chi moko neke'xtaw xyaalal re xyeeb'al: “Xink'at li xtoqolal li che', xinyiib' linwa, xinpomok tib' sa' ru xxamlel ut xinwa'ak. Chiru li rela' li che' xinyiib' jun li tz'i'b'eetalil yos, ut anaqwan yookin chi xloq'oninkil yal jun kurul chi che'!”.

Isaías 44:15

Chi jo'kan eb' li poyanam taawanq xsi'eb', te'q'ixinq chiru xam, malaj rik'in li che' a'an te'xchiq li kaxlanwa. Malaj ut te'xyiib' junaq jalam u chiru, re te'xwiq'ib' rib' chi xloq'oninkil ru.

Salmos 81:15

Tikto raj tinsacheb' ru li xik' neke'ilok reheb', tintaqsi raj li wuq' chi xsak'b'al eb' laj xik'il uuchinel reheb'.

Li xHu LAJ JOB 5:4

Eb' li ralal xk'ajoleb' maajun natenq'ank reheb', ut maa'ani naraqok aatin sa' tiikilal chirixeb' sa' li raqb'a aatin.

2 Reyes 23:26

Ab'anan li Qaawa' ink'a' kikotzk li xnimal xjosq'il sa' xb'een li tenamit Judá xmaak chixjunil li kilajxb'aanu laj Manasés re xchiq'b'al xjosq'il li Yos.

2 Reyes 17:35

Naq li Qaawa' kixk'ojob' li sumwank rik'ineb', kixye reheb': “Ink'a' teeloq'oni ru eb' li jalanil yos; meewiq'ib' eerib' chiruheb', chi moko texk'anjelaq ut texmayejaq chiruheb'.

1 Reyes 21:29

“Ma xawil naq laj Ajab xkub'si rib' chiwu? Jo'kan naq ink'a' tintaqla li rahilal naq toj yo'yooq; toj chiru b'an chik xyu'am li ralal tink'e li rahilal sa' xb'een li xjunkab'al”.

2 Samuel 21:6

Q'axtesihomaq qe wuqub'eb' li ralal ut laa'o te'qakamsi chiru li Qaawa', aran Kibehá re laj Saúl, li sik'b'il ru xb'aan li Qaawa'”, chankeb'. “Us, tinq'axtesiheb' eere”, chan li awab'ej.

2 Samuel 21:1

Naq laj David kiwank cho'q awab'ej, kiwank we'ej chiru oxib' chihab'. Toja' naq laj David kipatz'ok re li Qaawa' ut a'in kixye re: “A'an xk'ulmank xb'aan naq laj Saúl ut eb' li ralal xk'ajol ke'xkamsiheb' laj Gabahón”, chan.

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Deuteronomio 7:10

Ab'anan naxrahob'tesiheb' sa' li xjunxaqalileb' li xik' neke'ilok re, ut chi junpaat naxsacheb' ru. Maak'a' xkuyum rik'in li natz'eqtaanank re, ut naxk'e chi xtojb'al rix li xmaak.

Levítico 26:29

Toja' naq laa'ex teetzeka chik leeralal eek'ajol.

Levítico 26:1

“Meeyiib' eejalanil yos chi moko jalam u; meewaklesi sa' leetenamit junaq loq'laj pek chi moko let'exinb'il pek, re naq texwiq'laaq chiruheb', xb'aan naq laa'in li Qaawa' leeYos.

Levítico 20:5

laa'in tinjosq'o'q sa' xb'een a'an jo'wi' sa' xb'een li xjunkab'al, ut twisi sa' xyanqeb' li rech tenamitul rochb'eeneb' chixjunil li xe'xmux rib' chi xloq'oninkil laj Molok.

1 Corintios 10:22

Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

San Juan 15:18

“Wi xik' nekexril li ruuchich'och', chenawaq naq laa'in xb'enwa xik' xinril cheru laa'ex.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Mateo 4:9

kixye re: —Chixjunil a'in tink'e aawe, wi taahupub' aawib' chi woq ut tinaaloq'oni.

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

Ezequiel 8:3

Li winq a'an kinxchap chi rismal linjolom. Toja' naq li xmusiq' li Yos kinxtaqsi sa' iq' ut, sa' moy u, kinxk'am sa' li tenamit Jerusalén, toj wan wi' rokeb'aal li xneb'aalil li rochoch li Qaawa', sa' xjayal releb'l iq', b'arwi' wank li jalam u li nachiq'ok xjosq'il li Qaawa'.

Proverbios 8:36

Ab'an li natz'eqtaanank we, naxsach rib' xjunes; li xik' na'ilok we, naxsik' li xkamik”.

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

Li xHu LAJ JOB 21:19

Nayeemank naq li Yos naxrahob'tesi eb' li alalb'ej xmaakeb' li xyuwa', ab'anan jwal us raj naq a' li ink'a' us xna'leb' tixtoj rix li xmaak, re naq tixjal ru li xyu'am.

2 Crónicas 25:14

Naq laj Amasías kisutq'iik chaq chi xq'axb'aleb' ru laj Edom, kixk'am chaq li xyoseb' laj Seír; kixxaqab'eb' cho'q yos sa' rochoch, kixwiq'ib' rib' re xloq'oninkileb' ru ut kixk'at ensens chiruheb'.

2 Reyes 17:41

Eb' li tenamit a'an neke'xloq'oni ru li Qaawa', ab'an neke'xk'anjela ajwi' ru li jalanil yos. Toj anaqwan ajwi' eb' li ri xmameb' li ralal xk'ajol neke'xb'aanu jo' li xmama' rixa'aneb'.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

Deuteronomio 32:41

Naq tinji' re linlemtz'unkil ch'iich' ut tin'ok chi raqok aatin, tink'e reeqaj reheb' li xik' neke'ilok we; ut eb' li neke'tz'eqtaanank we tink'eheb' chi xtojb'al xmaakeb'.

San Juan 9:2

Ut eb' li xtzolom ke'xpatz' re: —At Tzolonel, ani kimaakob'k? Ma li winq a'in malaj eb' li xna' xyuwa', naq kiyo'laak sa' mutz'il? chankeb'.

Deuteronomio 5:10

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

Ezequiel 18:19

Mare laa'ex teeye: «K'a'ut naq li alalb'ej ink'a' naxtoj rix xmaak li xyuwa'?». Ink'a', xb'aan naq a'an xb'aanu li us ut li tiikilal, xpaab' ut xk'anjela ru chixjunileb' linchaq'rab'; jo'kan naq ch'olch'o naq taawanq xyu'am.

Ezequiel 20:7

Ut kinye reheb' naq li junjunq xtz'eqtaanaaq li yiib'anb'il yos nab'alaq'ink reheb' ut mixtz'ajni rib' rik'in li tz'i'b'eetalil na'leb' neke'xb'aanu eb' laj Ejiipt, xb'aan naq laa'in li Qaawa', li xYoseb'.

Ezequiel 39:25

“Jo'kan naq laa'in, li Qaawa', ninye chi jo'ka'in: Anaqwan twuxtaana ru chixjunileb' laj Israel, eb' li ralal xk'ajol laj Jakob. Tink'ameb' chaq wi' chik sa' li xna'ajeb', re naq taaloq'onimaaq linsantil k'ab'a'.

Números 25:11

“Laj Pinjás, ralal laj Elehasar ut ri laj Aharón laj tij, xraq linjosq'il sa' xb'eeneb' laj Israel, xb'aan naq sa' eeyanq laa'ex a'an li tz'aqal xinxra. Jo'kan naq ink'a' xinchoy xkamsinkileb' laj Israel naq yo linjosq'il sa' xb'eeneb'.

2 Reyes 5:18

Ab'anan chixkuyaq taxaq inmaak li Qaawa' rik'in li tinb'aanu: naq li awab'ej aj eechal we taaxik chi loq'onink sa' rochoch li yos Rimón ut tinxchap re xwiq'ib'ankil rib', jo'kan naq tinwiq'laaq ajwi' laa'in. A' taxaq li Yos chikuyuq inmaak”.

2 Reyes 5:27

Li xsaqlepil laj Nahamán tixletz rib' chawix ut chirixeb' laawalal aak'ajol chi junajwa”. Ut naq laj Kejasí ki'elk chiru laj Eliseo, nujenaq chi saqlep naq koho, jo' ratz'amke xsaqsaqil.

2 Crónicas 7:19

Ab'anan wi' laa'ex tineetz'eqtaana ut ink'a' chik teepaab' li waatin ut linchaq'rab' ink'ehom chepaab', wi texxik chi xloq'oninkil ru jalan chik yos ut teewiq'ib' eerib' chiruheb',

Ezequiel 18:2

“K'a'ut naq junelikex chi xyeeb'al li jaljookil ru aatin a'in sa' xteepal Israel: «Eb' li na'b'ej yuwa'b'ej xe'xk'ux li al uub'; ut eb' li alal k'ajolb'ej xulum aj chik li ruuch reheb'»?

Daniel 3:18

Ab'anan wi ink'a' tooxkol, ch'olch'ooq chawu, at awab'ej, naq ink'a' took'anjelaq chiruheb' laayos chi moko tqaloq'oni ru li jalam u xak'e chi yiib'aak”, chankeb'.