Éxodo 20:26 - Q'eqchi Bible

²⁶ Jo'kan ajwi' ink'a' tattaqe'q rik'in taqleb'aal sa' xb'een lin'artal re naq ink'a' taak'ut aawib' aran».

Li Santil hu

²⁶ Te̱yi̱b lin artal chi ma̱cꞌaꞌ xtakleba̱l, xban nak cui te̱yi̱b riqꞌuin xtakleba̱l naru te̱cꞌut e̱rib nak yo̱kex chi takecꞌ”, chan li Dios.

Éxodo 20:26 ပူးပေါင်းရင်းမြစ်များ

1 Pedro 1:16

xb'aan naq tz'iib'anb'il sa' li Santil Hu: “Santaqex xb'aan naq santin laa'in”.

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Éxodo 28:42

Taayiib' ajwi' xweexeb' rik'in liin, re naq te'xtz'ap rib' chalen xk'aamal xsa'eb' toj sa' xb'een ra'eb'.

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

Ezequiel 43:17

Li xyi li artal a'an kaaxukuut ajwi', ut numenaq kaahib' moqoj li roq ut numenaq kaahib' moqoj li ru. Li roqha' li wank chi xsutam li artal, wan rox k'utub' li ru ut jun k'utub' xteram li b'ool chi junqre. Li xtaqarib'aal wank sa' xjayal li releb'l saq'e.