Éxodo 20:20 - Q'eqchi Bible

²⁰ Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Li Santil hu

²⁰ Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

Éxodo 20:20 ပူးပေါင်းရင်းမြစ်များ

Deuteronomio 13:3

maapaab' li propeet a'an malaj li xyehom laj matk'. Xb'aan naq li Qaawa' leeYos yooq chi xyalb'al eerix, re xnawb'al ma relik chi yaal naq nekera li Qaawa' leeYos chi anchal eech'ool ut chi anchal eeraanm.

Proverbios 3:7

Maaye aawib' naq k'ajo' aana'leb'; chawoxloq'i li Qaawa' ut chatz'eqtaana li ink'a' us.

1 Samuel 12:20

Ab'an laj Samuel kixye reheb': “Mexxiwak. Yaal naq xeb'aanu li nimla maak a'in, ab'anan meetz'eqtaana chik li Qaawa' ut chexk'anjelaq chiru chi anchal eech'ool.

Isaías 8:13

A' li Nimajwal Yos, li q'axal Sant, A'an teexiwa ut teeroxloq'i ru.

Proverbios 16:6

Wi nakatrahok chi yaal, taakuye'q laamaak; wi nakawoxloq'i li Qaawa', tatnajto'q rik'in li maak.

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Deuteronomio 4:10

“Laa'ex kexwank chiru li Qaawa' leeYos chi xtoon li tzuul Horeb ut aran li Qaawa' kixye we: «Ch'utub'eb' chiwu li tenamit re naq te'rab'i li waatin ut tine'xpaab' naq toj wanqeb' sa' li ruuchich'och' a'in, ut te'xk'ut ajwi' li aatin a'in chiruheb' li ralal xk'ajoleb'».

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Génesis 20:11

Kixye laj Abrahán: “Xinye sa' inch'ool: Mare sa' li tenamit a'in ink'a' neke'xxiwa ru li Yos; ut tine'xkamsi xb'aan li wixaqil -chankin sa' inch'ool-.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Deuteronomio 6:24

Chirix chik a'an li Qaawa' kooxchaq'rab'i chi xyu'aminkil chixjunileb' li chaq'rab' a'in ut roxloq'inkil ru li qaYos. Chi jo'kan sa toowanq ut yo'yooqo, jo' wanko toj sa' li kutan a'in.

Isaías 41:13

Xb'aan naq laa'in li Qaawa', laaYos, chapchookat chawuq' inb'aan. Laa'in ninyehok aawe: “Matxiwak, laa'in nintenq'ank aawe”.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.