Éxodo 20:2 - Q'eqchi Bible

² “Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Li Santil hu

² La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Éxodo 20:2 ပူးပေါင်းရင်းမြစ်များ

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Levítico 26:13

Laa'in li Qaawa' leeYos, li kin'isink chaq eere Ejiipt re naq ink'a' chik wanqex rub'el xwankilaleb'. Kint'upi li kareen b'ak'b'ookex wi' aran ut kexink'e chi b'eek chi taqenaq leerilob'aal.

Salmos 81:10

Miwank jalanil yos sa' eeyanqil, meewiq'ib' eerib' chiruheb' li jalanil yos.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Levítico 19:36

Tento naq tex'oksinq b'isleb' li tz'aqal nab'isok. Laa'in li Qaawa' leeYos li kin'isink chaq eere Ejiipt.

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Levítico 23:43

re naq eb' leeralal eek'ajol te'xnaw naq kiwisiheb' chaq laj Israel aran Ejiipt ut keb'ink'e chi wank rub'el kok' muheb'aal. Laa'in li Qaawa', leeYos”.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Deuteronomio 13:10

Taateni chi pek toj reetal taakamq, xb'aan naq xraj aawisinkil sa' xb'e li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Levítico 26:1

“Meeyiib' eejalanil yos chi moko jalam u; meewaklesi sa' leetenamit junaq loq'laj pek chi moko let'exinb'il pek, re naq texwiq'laaq chiruheb', xb'aan naq laa'in li Qaawa' leeYos.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Salmos 50:7

“Ab'i, at intenamit, ok we chi aatinak. Ab'i, Israel, tinch'olob' li yaal chawu. Laa'in li Qaawa', laa'in laaYos.

Romanos 10:12

Chiru li Yos juntaq'eeteb' laj Judiiy ut eb' laj Griego, xb'aan naq jun ajwi' li Qaawa' sa' xb'eeneb' chixjunileb', k'ajo' xchaab'ilal rik'ineb' li neke'yaab'ank li xk'ab'a'.

Romanos 3:29

Ma ka'aj ta wi' cho'q reheb' laj Judiiy li Yos? Ma ink'a' tab'i' cho'q reheb' ajwi' li junch'ol chik? Ch'olch'o naq li Yos xYoseb' ajwi' li maawa'eb' aj Judiiy.

Jeremías 31:1

“Chiruheb' li kutan a'an laa'inaq li xYos chixjunileb' li ralal xk'ajol laj Israel ut a'anaqeb' lintenamit”, chan li Qaawa'.

2 Crónicas 28:5

Li Qaawa' li xYos kixq'axtesi laj Ajás sa' ruq' li awab'ej re Aram, ut kik'ame'k sa' li tenamit Damaask. Kiq'axtesiik ajwi' sa' ruq' li awab'ej re Israel, ut q'axal ra kixk'ul.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 15:13

Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Éxodo 20:1

Toja' naq li Yos kixye chixjunileb' li aatin a'in:

Éxodo 29:46

Ut eb' a'an te'xnaw naq laa'in li Qaawa' li xYoseb', li xe'wisi chaq sa' li tenamit Ejiipt re naq tinhilanq sa' xyanqeb': laa'in li Qaawa', li xYoseb'.

Levítico 11:45

Laa'in li Qaawa', a' li ki'isink chaq eere Ejiipt re naq laa'inaq leeYos. Jo'kan naq santaqex xb'aan naq santin laa'in”.

Jueces 2:1

Naq li x'ánjel li Qaawa' ki'elk chaq Kilkal ut koho Betel, kixye reheb' laj Israel: “Laa'in kin'isink chaq eere Ejiipt ut kexwoksi sa' li ch'och' inyeechi'om reheb' leena' leeyuwa' naq kinye reheb': «Maajaruj tinq'et linSumwank eerik'in.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Jeremías 16:14

“Ab'anan chalk re xkutankil naq ink'a' chik taayeemanq: «Loq'oninb'ilaq li Qaawa' li ki'isink chaq reheb' laj Israel sa' li tenamit Ejiipt»,

Jeremías 34:13

“Laa'in, li Qaawa', xYos laj Israel, kink'ojob' jun Sumwank rik'ineb' leena' leeyuwa' naq kiwisiheb' chaq Ejiipt, b'arwi' ke'wank chaq chi munil. Ut kinye reheb':

Ezequiel 20:7

Ut kinye reheb' naq li junjunq xtz'eqtaanaaq li yiib'anb'il yos nab'alaq'ink reheb' ut mixtz'ajni rib' rik'in li tz'i'b'eetalil na'leb' neke'xb'aanu eb' laj Ejiipt, xb'aan naq laa'in li Qaawa', li xYoseb'.

Ezequiel 20:19

Laa'in li Qaawa' leeYos, chankin reheb'. Paab'omaq linchaq'rab' ut k'uulahomaq sa' leech'ool li waatin li nink'e cheyu'ami.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Levítico 25:38

Laa'in li Qaawa' leeYos, li kin'isink chaq eere Ejiipt re xk'eeb'al eere li ch'och' sa' xteepal Kanahán ut re naq laa'inaq leeYos.

Levítico 25:42

Xb'aan naq a'aneb' inmoos, laa'in kin'isink chaq reheb' aran Ejiipt, ut moko naru ta xk'ayinkileb' jo' na'uxk re junaq aj mun.

Levítico 25:55

xb'aan naq eb' laj Israel a'aneb' inmoos, tz'aqal weheb' ut aj k'anjeleb' chiwu; laa'in kin'isink chaq reheb' Ejiipt. Laa'in li Qaawa', leeYos.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.

Jueces 6:10

Ut kinye eere: Laa'inin li Qaawa' leeYos. Meexiwak chiruheb' li xyoseb' laj Amor, b'arwi' wankex anaqwan. A'ut laa'ex ink'a' xepaab' li waatin»”.

1 Reyes 18:39

Naq ke'ril a'an, chixjunileb' li poyanam ke'xhupub' rib' chiru ch'och' ut ke'xjap re chi xyeeb'al: “Li Qaawa', a'an li tz'aqal Yos!”, chankeb'.

2 Reyes 17:7

A'in kik'ulmank xb'aan naq eb' laj Israel ke'maakob'k chiru li Qaawa' li xYoseb', li ki'isink chaq reheb' sa' li tenamit Ejiipt ut kixmaq'eb' sa' ruq' laj Parahón, awab'ej re Ejiipt. Ke'xloq'oniheb' li jalanil yos,

2 Reyes 17:12

Ke'xloq'oni ruheb' li jalanil yos, us ta yeeb'il reheb' xb'aan li Qaawa': “Meeb'aanu li yib' aj b'aanuhom a'an”.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Salmos 81:11

Laa'in li Qaawa', laaYos, laa'in kin'isink chaq aawe sa' li tenamit Ejiipt. Chate laawe, ut laa'in tinnujob'resi.

Ezequiel 20:5

“Ye reheb': «Jo'ka'in xye li Qaawa': Naq kinsik' ruheb' laj Israel cho'q intenamit, kinye injurament chi anchal linch'ool reheb' li ralal xk'ajol laj Jakob ut kink'utb'esi wib' chiruheb' aran Ejiipt. Kintaqsi li wuq' chi xyeeb'al reheb' naq laa'in li Qaawa', li xYoseb'.

Oseas 12:10

Laa'in kin'aatinak rik'ineb' li propeet, k'iila sut kiwaatinaheb' sa' moy u, ut sa' jaljookil ru aatin kexwaatina chi xtz'uumal reheb' a'an.