Éxodo 20:17 - Q'eqchi Bible

¹⁷ “Maarahi ru li rochoch laawas aawiitz'in. Maarahi ru li rixaqil, li winq ut li ixq li neke'k'anjelak chiru, chi moko li xb'ooyx, li xb'uur; tik maak'a' ab'i e taarahi”.

Li Santil hu

¹⁷ Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Éxodo 20:17 ပူးပေါင်းရင်းမြစ်များ

Romanos 13:9

Tz'iib'anb'il sa' li Santil Hu: “Chara laawas aawiitz'in jo' naq nakara aawib' laa'at”. Sa' li chaq'rab' a'in neke'tz'aqlok ru chixjunileb' li xkomon, qayehaq: “Matmuxuk sumlaak, matkamsink, mat-elq'ak, matrahink ab'i e”.

San Lucas 12:15

Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Efesios 5:5

Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos.

Romanos 7:7

K'aru tqaye chi jo'kanan? Ma maak li Chaq'rab'? Ink'a'. Ab'anan laa'in ink'a' raj xinnaw li maak wi maak'a' ta li Chaq'rab'. Relik chi yaal naq ink'a' raj xinnaw xrahinkil ru li ink'a' us wi ta ink'a' naxye li Chaq'rab': “Maarahi ru li ink'a' us”.

Efesios 5:3

Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel.

San Mateo 5:28

A'ut laa'in ninye eere naq chixjunil li tixka'ya junaq ixq ut tixrahi ru, ak xmux a'an sa' xch'ool.

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

Habacuc 2:9

Ra chaalel sa' aab'een li xanujob'resi laawochoch rik'in li xawelq'a re raj xkolb'al aawib' chiru chixjunileb' li raaxiik'!

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Jeremías 5:8

Chanchaneb' laj k'ol kawaay ninqeb' xtib'el: li junjunq nakaano'k ru re xchapb'al li rixaqil li ras riitz'in.

Li xHu LAJ JOB 31:9

Wi xkoho linch'ool chirix junaq ixq malaj xinrahi ru rixaqil li was wiitz'in,

Hechos 20:33

Laa'in ink'a' xinrahi xplaat, chi moko x'oor malaj xb'aatal anihaq.

Hechos 5:4

Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe? K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

San Mateo 20:15

Ma ink'a' naru tinb'aanu laa'in li nawaj rik'in li k'aru we? Malaj xik' nakawil naq chaab'ilin?».

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Isaías 33:15

A' li nawank sa' tiikilal ut naxye li yaal, li ink'a' nab'ihomo'k rik'in b'alaq' chi moko natuminaak ru; li ink'a' naraj rab'inkil li k'aru naxye laj kamsinel ras riitz'in, chi moko naraj chi ril li maa'usilal.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

Salmos 119:36

Tenq'ahin chi xk'eeb'al inch'ool chirix laawajom; ink'a' taxaq chinsik' li b'ihomal sa' b'alaq'.

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

Li xHu LAJ JOB 31:1

Laa'in xinye li waatin naq ink'a' tinrahi ru eb' li tuq'ixq.

1 Samuel 15:19

k'a'ut naq ink'a' xapaab' li Qaawa'? K'a'ut naq xachap li k'aru reheb' laj Amalek ut xab'aanu li ink'a' nawulak chiru li Qaawa'?”.

Josué 7:21

sa' xyanq li k'aru xqachap sa' li tenamit Jerikó xwil jun li ch'ina'usil t'ikr re Senahar, lajeeb'k'aal chi tumin plaat ut numenaq tana jun liib'r chi oor, k'ajo' naq xe'wulak chiwu; ut xink'uulaheb' cho'q we. Muqb'ileb' sa' ch'och' anaqwan, sa' xyi linmuheb'aal, ut chi rub'el wank li tumin plaat”, chan.

Génesis 3:6

Toja' naq li ixq kiril naq li che' atawaal xlowb'al li ru, ch'ina'us na'ilok ut q'axal chaab'il re tawok na'leb': kixch'oq b'i' jun ru li che', kixlow ut kixk'e re li xb'eelom; ut a'an ajwi' kixlow.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

Génesis 34:23

Eb' li xwakax, chixjunileb' li xketomq ut li k'aru wank reheb' tqeechani laa'o. Ab'anan qak'ulub'aq li raatineb' re naq te'kanaaq sa' qayanq”.

Génesis 14:23

naq maajun li noq', maajun xk'aamal xaab', chi moko k'aru aawe tink'am laa'in, re naq ink'a' naru taaye: «Laa'in xinb'ihomob'resink re laj Abrán».

Deuteronomio 5:21

Maarahi ru li rixaqil laawas aawiitz'in, chi moko chara ru li rochoch, li xch'och', li winq ut li ixq neke'k'anjelak chiru, li xb'ooyx malaj li xb'uur, chi moko li k'a'aq re ru wank re», chan li Qaawa'.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

1 Samuel 12:3

ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

Proverbios 6:29

Jo'kan ajwi' naxk'ul li naxch'ik rib' rik'in rixaqil li ras riitz'in: chixjunil li nach'e'ok re li ixq a'an, ink'a' taakuymanq li xmaak.