Éxodo 20:14 - Q'eqchi Bible

¹⁴ “Matmuxuk sumlaak.

Li Santil hu

¹⁴ Mexmuxuc caxa̱r.

Éxodo 20:14 ပူးပေါင်းရင်းမြစ်များ

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

Deuteronomio 5:18

Matmuxuk sumlaak.

Romanos 13:9

Tz'iib'anb'il sa' li Santil Hu: “Chara laawas aawiitz'in jo' naq nakara aawib' laa'at”. Sa' li chaq'rab' a'in neke'tz'aqlok ru chixjunileb' li xkomon, qayehaq: “Matmuxuk sumlaak, matkamsink, mat-elq'ak, matrahink ab'i e”.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Levítico 20:10

“Wi junaq winq taamaakob'q rik'in rixaqil li ras riitz'in, te'kamsiiq li winq ut li ixq xb'aan naq xe'xmux li xsumlajikeb'.

Levítico 18:20

“Matyoklaak chi xk'atq li rixaqil laawas aawiitz'in, chi moko tatwanq rik'in li ixq a'an, re naq ink'a' taamux aawib'.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

2 Samuel 11:27

Ab'anan naq kinume'k xq'ehil li rahil ch'oolej, laj David kixtaqla xk'amb'al ut kixk'ul sa' rochoch; kisumlaak ut kiwank ralal rik'in. Ab'anan li k'aru kixb'aanu laj David ink'a' kiwulak chiru li Qaawa'.

San Mateo 19:18

—B'ar wank a'an? chan li winq. Kichaq'ok li Jesus ut kixye: —Matkamsink, matmuxuk sumlaak, mat-elq'ak, matyoob'ank tik'ti',

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Santiago 2:11

Li kiyehok: “Matmuxuk sumlaak”, kixye ajwi': “Matkamsink”. Wi ut ink'a' nakatmuxuk sumlaak, ab'an nakatkamsink, laa'at nakaq'et li Chaq'rab'.

Malaquías 2:15

Ma ink'a' tab'i' jun ajwi' chi Yos xyoob'tesink re li ixq, li xtz'ejwal ut li xmusiq'? Ut k'aru naxsik' li Yos rik'in li junjunq? Naxsik' naq te'wanq ralal xk'ajol q'axtesinb'ilaqeb' re A'an. Cherahaq b'i' eerib' chiru leeyu'am ut meeb'alaq'i leesum'aatin li xexsumlaak wi' sa' leesaajilal.

Génesis 39:9

Maajun nim xwankil chiwu sa' li kab'l a'in. Laj eechal we maak'a' k'a' re ru ink'a' ta xk'e we, ka'aj chik laa'at, xb'aan naq rixaqilat. Chan put ru naq tinb'aanu li nimla maa'usilal a'in ut tinmaakob'q chiru li Yos?”.

Números 5:12

“Ye reheb' laj Israel: Mare junaq ixaqilb'ej tixmux li xsumlajik.