Éxodo 20:12 - Q'eqchi Bible

¹² “Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

Li Santil hu

¹² Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Éxodo 20:12 ပူးပေါင်းရင်းမြစ်များ

Colosenses 3:20

Ex alalb'ej, chex'ab'inq chiru leena' leeyuwa' rik'in chixjunil, xb'aan naq a'an li nawulak chiru li Qaawa'.

Deuteronomio 5:16

«Chawoxloq'i laana' laayuwa' jo' chanru xatxchaq'rab'i wi' li Qaawa' laaYos, re naq najtaq roq laayu'am ut sahaq laach'ool sa' li na'ajej tixk'e aawe li Qaawa' laaYos.

San Marcos 7:10

Xb'aan naq laj Moisés kixye: «Chawoxloq'i laana' laayuwa'», ut: «Ani tixmajewa li xna' xyuwa' tixtoj rix li xmaak rik'in kamk».

Proverbios 30:17

Li naxtz'eqtaana li xyuwa' ut ink'a' naxpaab' li xna', taa'isiiq xsa'eb' li ru xb'aaneb' li so'sol ut taat'upiiq li xtib'el xb'aaneb' li t'iw.

Levítico 19:3

“Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

San Lucas 18:20

Laa'at nakanaweb' li chaq'rab': «Matmuxuk sumlaak, mat-kamsink, mat-elq'ak, matyoob'ank tik'ti', chawoxloq'i laana' laayuwa'».

San Mateo 19:19

chawoxloq'i laana' laayuwa' ut chara laawas aawiitz'in jo' naq nakara aawib' laa'at.

Proverbios 20:20

Li naxmajewa li xna' xyuwa', jwal ra tixk'ul naq taakamq: taaxik sa' jun na'ajej q'axal q'oqyinkil ru.

Éxodo 21:17

“Li tixmajewa li xna' xyuwa', tento taakamq.

San Marcos 10:19

Laa'at nakanaw li chaq'rab': «Matkamsink, matmuxuk sumlaak, mat-elq'ak, matyoob'ank tik'ti', matb'alaq'ik, chawoxloq'i laana' laayuwa'».

Éxodo 21:15

“Li tixsak' li xna' xyuwa' tento taakamq.

Deuteronomio 32:47

Xb'aan naq a'an maawa' yal aatin li maak'a' ta taa'ok wi' eere, a'an b'an eeyu'am: sa' xk'ab'a' li Chaq'rab' a'in taanajto'q roq leeyu'am sa' li ch'och' toxeereechani junpak'al li nima' Jordán”, chan laj Moisés.

Proverbios 3:16

Rik'in li xnim uq' naxyeechi'i aayu'am najt roq, ut rik'in li junchik naxyeechi'i aab'ihomal ut aaloq'al.

2 Reyes 2:12

Naq laj Eliseo kiril li kik'ulmank, kixjap re chi xyeeb'al: “At inyuwa', at inyuwa'! Laa'at qana' qayuwa' cho'q qe laa'o aj Israel!”. Ut naq ink'a' chik nak'utunk laj Elías, laj Eliseo kixq'ich li raq' sa' wiib' jachal,

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Deuteronomio 25:15

Tento naq taawanq junaq xpekul laapeex tz'aqal tb'iso'q: taawanq junaq aab'isleb' chi moqoj, tz'aqal tb'iso'q, re naq taanajto'q roq laayu'am sa' li ch'och' tixk'e aawe li Qaawa' laaYos.

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

Proverbios 30:11

Wankeb' poyanam neke'xmajewa li xyuwa' ut ink'a' neke'xk'e xloq'al li xna'.

Proverbios 28:24

Li narelq'a k'a'aq ru re li xna' xyuwa' ut naxye naq moko maak ta, a'an xkomoneb' li maa'us aj winq.

Proverbios 15:5

Li maak'a' xna'leb' naxtz'eqtaana li xtijb'al xb'aan li xyuwa'; a'ut li wank xna'leb' naxk'e sa' xch'ool li xq'usb'al.

1 Reyes 2:19

Toja' naq ki'ok lix Betsabé wan wi' laj Salomón li awab'ej re aatinak chirix laj Adonías. Ut li awab'ej kiwakliik chi xk'ulb'al li xna', kixk'utzub' rib' chi xk'eeb'al xsahil xch'ool ut kik'ojlaak wi' chik sa' li xk'ojarib'aal, ut kixpatz' jun xk'ojarib'aal li xna', ut a'in kik'ojlaak sa' li xnim:

Levítico 19:32

“Chatxaqliiq re xk'eeb'al xloq'al eb' li cheekel poyanam. Chaxiwa ru laaYos. Laa'in li Qaawa'.

Efesios 5:21

Chepaab'aq eerib' cherib'il eerib' sa' xk'ab'a' roxloq'inkil li Kriist.

Deuteronomio 4:26

ch'olch'o ru naq tex'oso'q sa' junpaat sa' li na'ajej toxeereechani naq teeq'ax li nima' Jordán: li choxa ut li ruuchich'och' te'xch'olob' leemaak. Moko najt ta texwanq aran xb'aan naq texsache'q chi junajwa.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Deuteronomio 11:8

“Chepaab' b'i' chixjunil li chaq'rab' nekexintaqla wi' anaqwan, re naq texkawuuq ut toxeereechani li ch'och' b'arwi' xik eere.

Deuteronomio 11:9

Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal.

Deuteronomio 21:18

“Mare junaq winq wank junaq ralal yib'ru xna'leb' ut q'etq'et, li ink'a' narab'i xyaab' xkux li xna' xyuwa'. Us ta naq'use'k, ab'an ink'a' na'ab'ink chiru li xna' xyuwa'.

Deuteronomio 27:16

«Tz'eqtaananb'ilaq li ani tixtz'eqtaana li xna' xyuwa'». Ut chixjunil li tenamit te'xye: «Jo'kan».

Proverbios 17:6

Li xsahil xch'ooleb' li ak tiixeb' a'aneb' li ri xmameb'; li xloq'al eb' li alal k'ajolb'ej a'aneb' li xna' xyuwa'eb'.

Jeremías 35:7

Ink'a' ajwi' texkab'laq, chi moko tex'awq; ink'a' tex'awq uub' chi moko wanq k'aru eere, texhilanq b'an sa' kok' muheb'aal chiru chixjunil leeyu'am, re naq texwanq k'iila chihab' sa' li ch'och' a'in li yal numelex wi'».

Jeremías 35:18

Laj Jeremías kixye ajwi' reheb' laj Rekab: “Li Nimajwal Yos, li xYos laj Israel, xye chi jo'ka'in: «Laa'ex xepaab' leechaq'rab'inkil xb'aan laj Jonadab, leexe'toonil yuwa'; xek'uula sa' leech'ool ut xeb'aanu chixjunil li k'a'aq re ru xyehom eere.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Génesis 48:12

Laj José kirisiheb' li kok'al chiru ra' li xyuwa' ut kixhupub' rib' chiru.

Génesis 50:12

Eb' li ralal laj Jakob ke'xb'aanu jo' chanru chaq'rab'inb'ileb' wi':

Li xHu LIX RUT 3:6

Kikub'eek sa' li ch'oxleb'aal ut kixb'aanu chixjunil li kiyehe'k re xb'aan laj alib'ahom re.

1 Samuel 22:3

Chirix chik a'an laj David ki'elk aran ut koho Mispé, sa' xteepal Mohab, ut kixye re li awab'ej re Mohab: “Chakuy inmaak, nintz'aama usilal naq chakanab'eb' chi wank linna' linyuwa' eerik'in; tojo' yaal naq tinnaw k'aru tixb'aanu li Yos wik'in”.