Éxodo 2:3 - Q'eqchi Bible

³ ab'anan, naq kixk'e reetal naq ink'a' chik naru xmuqb'al, kixchap jun chakach yiib'anb'il rik'in b'ayal, kixtz'api ru rik'in b'etuun ut xq'ol che', kixk'e li k'uula'al chisa' ut koxkanab' chaq sa' xyanqeb' li kaxlan aj, chire li nima'.

Li Santil hu

³ Nak incꞌaꞌ chic quiru xmukbal li cꞌulaꞌal, li naꞌbej quixyi̱b jun li chacach riqꞌuin li bayal. Quixtzꞌap ru li chacach riqꞌuin jun li ban asfalto xcꞌabaꞌ joꞌ ajcuiꞌ lix kꞌol li cheꞌ brea re nak incꞌaꞌ ta̱oc li haꞌ chi saꞌ. Quixqꞌue li cꞌulaꞌal saꞌ li chacach. Tojoꞌnak coxcanab chak saꞌ nimaꞌ bar cuiꞌ cuan li caxlan aj.

Éxodo 2:3 ပူးပေါင်းရင်းမြစ်များ

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Hechos 7:19

Li awab'ej a'an kixrahob'tesi li qatenamit sa' b'alaq'il na'leb', toj reetal kixmineb' ru li qana' qayuwa' chi xkanab'ankil chi kamk li xk'uula'aleb'.

Génesis 6:14

Taayiib' junaq aajukub' kab'l rik'in li che' wank xq'ol. Taayiib' li jukub' kab'l chi tz'ulb'il ut taab'on rik'in b'etuun chisa' ut chirix.

San Mateo 2:16

Naq laj Herodes kixk'e reetal naq kib'alaq'iik xb'aaneb' laj q'e, k'ajo' naq kichalk xjosq'il, ut kixtaqla xkamsinkil chixjunileb' li k'uula'al li toj maji'eb' aj wiib' chihab', eb' li wankatqeb' Belén ut sa' li xsutam, jo' chanru kixtz'il rix rik'ineb' laj q'e.

Isaías 18:2

a'an li tenamit li nataqlank reheb' li xtaql chiru ha' sa' kok' jukub' yiib'anb'ileb' rik'in b'ayl. Ex taql, ayuqex chi junpaat wankeb' wi' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil. Ayuqex rik'in li tenamit jwal kaweb' rib' chi yalok ut sutsuukeb' xb'aaneb' li nima'.

San Mateo 2:13

Tojo'aq relikeb' laj q'e naq li x'angel li Qaawa' kixk'ut rib' chiru laj José sa' xmatk' ut kixye re: “Waklin, k'am li k'uula'al rochb'een li xna', elelin ut ayu Ejiipt. Aran wanqat chaq toj laa'in toxinyehoq chaq aawe, xb'aan naq laj Herodes ok re xsik'b'al li k'uula'al re xkamsinkil”.

Génesis 11:3

Toja' naq ke'xye chirib'ileb' rib': “Qayiib'aq qaxan ut taaqak'at”, chankeb'. Chi jo'kan li xan kik'anjelak cho'q reeqaj li pek, ut li b'etuun cho'q reeqaj li semeent.

Isaías 19:6

te'chaqiq ut te'chuho'q eb' li roqha' wankeb' Ejiipt, te'tz'umaje'q eb' li kaxlan'aj ut eb' li say.

Génesis 14:10

Li xtaq'ahil Sidim nujenaq chi xjulel li b'etuun; ut naq yookeb' chi elelik li awab'ej re Sodoom ut laj Gomoor, ke't'ane'k aran, ut eb' li rochb'een ke'elelik sa'atqeb' li tzuul.

Isaías 35:7

Li chaqich'och' taakanaaq jo' li saab' ru ut li pojtz' ch'och' taasutq'iiq cho'q yo'leb'aal ha'. Sa' li na'ajej li xe'wank wi' li josq' aj xul taak'iiq chik li kaxlan'aj ut li kala'.