Éxodo 2:22 - Q'eqchi Bible

²² Ut a'in kiwank jun xk'uula'al, aj Kersón kik'ehe'k cho'q xk'ab'a', xb'aan naq kixye laj Moisés: “Jalan intenamit; wankin sa' ab'l aj ch'och'”, chan.

Li Santil hu

²² Laj Moisés quicuan jun li ralal riqꞌuin lix Séfora. Quixye: —La̱in jalan intenamit. Ma̱cuaꞌin aj arin. Joꞌcan nak tinqꞌue aj Gersón chokꞌ xcꞌabaꞌ.—

Éxodo 2:22 ပူးပေါင်းရင်းမြစ်များ

Hechos 7:29

Naq kirab'i a'in laj Moisés, ki'elelik ut koxkanaaq jo' aj numel sa' xch'och'eb' laj Madián, b'arwi' ke'yo'laak wiib' li ralal.

Éxodo 22:21

“Maahob' li jalan xtenamit chi moko taarahob'tesi, xb'aan naq ab'lex ajwi' laa'ex naq kexwank chaq sa' li tenamit Ejiipt.

Salmos 119:19

Yal aj numelin arin sa' ruuchich'och'; maamuq chiwu laataqlahom.

1 Crónicas 29:15

Xb'aan naq chawu laa'at chanchano li jalaneb' xtenamit ut yal aj numelo, kama'eb' chixjunil li qaxe'toon. Li qayu'am arin sa' ruuchich'och' chanchan jun li mu, li maak'a' royb'enihom.

1 Crónicas 16:20

us ta yookeb' chi xb'eeninkil rib' yalaq b'ar ut jalan jalanq li na'ajej kilaje'nume'k wi',

Salmos 39:12

Naq nakak'ajtesi ru li winq xb'aan li xmaak, nakatij ut nakachaab'ilob'resi li xna'leb'. Chanchan naxb'aanu li xmaxel li che' naq nakaq'aares li k'aru nawulak chiru. Li xyu'am li winq yal jun apunk ajwi'.

Éxodo 2:10

Ut naq ak nim chik li k'uula'al, kik'ame'k rik'in li xrab'in laj Parahón, li kixk'ul jo' tz'aqal xyum, ut aj Moisés kixk'e cho'q xk'ab'a', xb'aan naq kixye: “Sa' nima' xwisi chaq”.

Génesis 23:4

“Laa'in chalenaqin chaq sa' jalan tenamit ut yal aj numelin sa' eeyanq. K'ayimaq we junaq muqleb'aal sa' eeyanq re naq toxinxok linkamenaq ut tinmuq aran”, chan.

Éxodo 4:20

Toja' naq laj Moisés kixk'am li rixaqil ut li ralal, kixk'eheb' chirix jun b'uur ut kiq'ajk sa' li tenamit Ejiipt. Laj Moisés kixchap ajwi' li xxuq' li Yos.

Levítico 25:23

“Li ch'och' ink'a' naru xk'ayinkil chi junajwa: li ch'och' a'an we laa'in ut laa'ex yal aj numelex chisa', chanchanex wula'.

Jueces 18:30

Aran eb' laj Dan ke'xxaqab' li pak'b'il yos re te'xloq'oni. Laj Jonatán, ralal laj Kersón, ralal laj Moisés, jo'wi' eb' li ralal xk'ajol ke'k'anjelak cho'q aj tij chiruheb' li ralal xk'ajol laj Dan chalen toj naq ke'k'ame'k chi najt.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.