Éxodo 2:14 - Q'eqchi Bible

¹⁴ Kichaq'ok a'an: “Ani xxaqab'ank aawe cho'q aj jolominel ut aj raqol aatin sa' qab'een? Ma nakak'oxla inkamsinkil jo' naq xakamsi laj Ejiipt?”, chan. K'ajo' naq ki'ok xxiw laj Moisés, ut kixye sa' xch'ool: “Ch'olch'o naq xnawmank li k'aru xinb'aanu”.

Li Santil hu

¹⁴ Ut aꞌan quichakꞌoc ut quixye re: —Ut la̱at, ¿ani xqꞌuehoc a̱cue chi takla̱nc saꞌ kabe̱n? ¿Ma tina̱camsi la̱in joꞌ nak xacamsi laj Egipto? chan. Tojoꞌnak laj Moisés quixucuac ut quixye saꞌ xchꞌo̱l: —Xnauman peꞌ li cꞌaꞌru xinba̱nu.—

Éxodo 2:14 ပူးပေါင်းရင်းမြစ်များ

San Lucas 12:14

Kichaq'ok li Jesus ut kixye: —At winq, ani xxaqab'ank we cho'q aj raqol aatin malaj aj jek'onel junkab'lal sa' eeyanq?

San Mateo 21:23

Kiwulak li Jesus sa' rochoch li Yos. Ut naq yo chi xtzolb'aleb' li tenamit, ke'wulak li xb'eenileb' aj tij ut eb' li xcheekel winqilaleb' li tenamit, ut ke'xye re: —K'aru aawankil naq nakab'aanu a'in? Ani xk'ehok aawe li wankilal a'in?

San Lucas 19:14

Ab'anan eb' li rech tenamitul xik' neke'ril li winq a'an; jo'kan naq ke'xtaqlaheb' xtaql re xyeeb'al sa' li najtil tenamit: «Ink'a' naqaj naq a'an taa'awab'ejinq qe».

Génesis 19:9

A'ut eb' a'an ke'chaq'ok: “Elen arin! Junaq chalenaq sa' jalan tenamit ma taaraqoq aatin sa' qab'een? Anaqwan q'axal ra chik taak'ul laa'at chiruheb' a'an”, chankeb'. Tikto ke'xtiikisi laj Lot ut ke'xyal xweqb'al li kab'l;

Hechos 7:35

“Eb' laj Israel ke'xtz'eqtaana laj Moisés naq ke'xye re: «Ani xxaqab'ank aawe cho'q aj jolominel ut aj raqol aatin?». Ab'an li Yos kitaqlank re cho'q aj jolominel ut aj kolonel, naq li ánjel kixk'ut rib' chiru sa' li k'ix.

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 16:3

Ke'xch'utub' rib' chi xwech'b'al laj Moisés ut laj Aharón, ut ke'xye reheb': “Jwal naxik wi' chik xb'een nekeb'aanu. Chixjunileb' li komonil santob'resinb'ileb' ut li Qaawa' wank sa' xyanqeb'. K'a'ut naq laa'ex nekek'e eewankil sa' xb'een li xkomonil li Qaawa'?”, chankeb'.

Génesis 13:8

Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

San Lucas 19:27

Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Hebreos 11:27

Sa' xk'ab'a' li xpaab'aal laj Moisés kixkanab' Ejiipt chi ink'a' kixxiwa xjosq'il li awab'ej; ut kiwank chi kaw xch'ool chi chanchan yo chi rilb'al Li ink'a' na'ilmank ru.

Génesis 34:27

Ke'wulak ajwi' eb' li junch'ol chik li ralal laj Jakob, ke'nume'k sa' xb'eeneb' li kamenaq ut ke'relq'a li k'aru wank reheb' li poyanam li ke'xmux xtuq'ixqilal li ranab'.