Éxodo 19:9 - Q'eqchi Bible

⁹ Kixye li Qaawa' re laj Moisés: “K'e reetal, tinchalq aawik'in sa' jun li choql moymoy ru, re naq li tenamit tine'rab'i naq yooqin chawaatinankil, ut chi jo'kan junelik tate'xpaab'”. Naq laj Moisés kixnumsi re li Qaawa' li xyehom li tenamit,

Li Santil hu

⁹ Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Éxodo 19:9 ပူးပေါင်းရင်းမြစ်များ

Deuteronomio 4:36

Toj sa' choxa katraatina chaq re aatzolb'al; sa' xb'een li ruuchich'och' kixk'ut chawu li xnimal xxam, ut sa' xyi li xam kawab'i li raatin.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Salmos 97:2

Sutsu li Qaawa' xb'aan li choql ut li aak'ab'; li tiikilal ut li yaal a'aneb' xkuut li xk'ojarib'aal.

Éxodo 20:21

Ut naq xaqxookeb' chi najt li tenamit, laj Moisés kinach'ok rik'in li choql moymoy ru b'ar wank wi' li Yos.

Éxodo 14:31

Ut naq eb' laj Israel ke'ril k'aru kixb'aanu li Qaawa' reheb' laj Ejiipt rik'in xnimal xwankil li ruq', li tenamit ke'xxiwa ru li Qaawa' ut ke'xpaab' li Qaawa' jo' ajwi' laj Moisés laj k'anjel chiru.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

San Marcos 9:7

Toja' naq kichalk jun li choql kimuheelank reheb', ut ki'ab'iik jun xyaab' kuxej kichalk sa' li choql: “A'in li walal raaro inb'aan: a'an cherab'ihaq”.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

2 Crónicas 6:1

Toja' naq laj Salomón kixye: “At Qaawa', laa'at xaye naq sa' aak'ab' nakatwank.

1 Reyes 8:12

Toja' naq laj Salomón kixye: “At Qaawa', laa'at xaye naq sa' aak'ab' nakatwank.

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

Éxodo 34:5

Toja' naq li Qaawa' kama' li choql naq kikub'e chaq ut kolkanaaq aran, chi xk'atq laj Moisés, ut a'in kixyaab'a xk'ab'a' li Qaawa'.

Números 12:5

Toja' naq li Qaawa' kikub'e chaq sa' li choql ut kikanaak chire li Loq'laj Muheb'aal. Kixb'oq laj Aharón ut lix María, ut eb' a'an ke'jilok chi xk'atq li Qaawa':

Salmos 99:7

Kiraatinaheb' chaq toj sa' li choql, ut eb' a'an ke'xpaab' li raatin ut li xloq'laj chaq'rab' k'eeb'il reheb'.

Deuteronomio 4:10

“Laa'ex kexwank chiru li Qaawa' leeYos chi xtoon li tzuul Horeb ut aran li Qaawa' kixye we: «Ch'utub'eb' chiwu li tenamit re naq te'rab'i li waatin ut tine'xpaab' naq toj wanqeb' sa' li ruuchich'och' a'in, ut te'xk'ut ajwi' li aatin a'in chiruheb' li ralal xk'ajoleb'».