Éxodo 19:22 - Q'eqchi Bible

²² Jo'kanaqeb' ajwi' laj tij: wi te'nach'oq wik'in, tento xb'enwa te'xsantob'resi rib'. Mare anchal taachalq linjosq'il sa' xb'eeneb'”.

Li Santil hu

²² Ut ta̱ye reheb li xbe̱n aj tij li teꞌnachꞌok chak cuiqꞌuin nak teꞌxkꞌaxtesi rib saꞌ cuukꞌ chi tzꞌakal, re nak incꞌaꞌ tinrakok a̱tin saꞌ xbe̱neb, chan li Dios.

Éxodo 19:22 ပူးပေါင်းရင်းမြစ်များ

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Hechos 5:10

Tikto kit'ane'k lix Safira chi roq laj Pedro ut ki'elk xch'ool. Naq ke'ok eb' li saaj al, kamenaq chik naq koxe'xtaw; ke'risi ut koxe'xmuq chaq chi xk'atq li xb'eelom.

Hechos 5:5

Naq kirab'i li aatin a'in, laj Ananías kit'ane'k ut ki'elk xch'ool. Ut k'ajo' naq ke'chalk xxiweb' li ke'ab'ink re.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

2 Crónicas 30:15

Ke'xkamsi li mayej re xninq'ehinkil li Paswa, sa' li kaalaju kutan xb'e li xkab' po. Eb' laj tij ut eb' laj Leví chi k'ajo' xxutaaneb' ke'xch'ajob'resi rib' ut ke'xk'am chaq xmayejeb' re xk'atb'al sa' rochoch li Yos.

1 Crónicas 15:13

Sa' li xb'een sut moko xeb'aanu ta chi kama'an; jo'kan naq li Qaawa' li qaYos kirisi xyu'ameb' li junjunq sa' qayanq, xb'aan naq ink'a' xoopatz'ok chan raj ru naraj”.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Éxodo 19:24

Ut li Qaawa' kixye re: “Ayu, kub'en ut moqon taqen chaq wi' chik aawochb'een laj Aharón. Ab'an eb' laj tij ut eb' li tenamit me'xq'ax li nub'ajl ut me'taqe'k chaq wankin wi', re naq ink'a' taachalq linjosq'il sa' xb'eeneb'”.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Números 11:18

Taaye ajwi' reheb' li tenamit: Santob'resiiq eerib' xb'aan naq wulaj textzekanq tib'. Xexwab'i chi q'oqonk rik'in xyeeb'al: «Ani taak'ehoq tib' chiqatzeka? Q'axal sa chik naq xoowank aran Ejiipt». Jo'kan naq li Qaawa' tixk'e eetib' re teetzeka.