Éxodo 19:21 - Q'eqchi Bible

²¹ kiyehe'k re xb'aan li Qaawa': “Kub'en ut q'useb' li tenamit: me'xq'ax chaq li nub'ajl re rilb'al wu, xb'aan naq, wi ta jo'kan, naab'al te'kamq sa' xyanqeb'.

Li Santil hu

²¹ Li Ka̱cuaꞌ quixye re laj Moisés: —Cuben. Ayu. Ta̱ye reheb li cristian nak meꞌjiloc chak arin chicuilbal. Cui nequeꞌjiloc chak arin teꞌca̱mk.

Éxodo 19:21 ပူးပေါင်းရင်းမြစ်များ

1 Samuel 6:19

Sa' xyanqeb' laj Bet-Semes wankeb' ink'a' ke'saho'k xch'ool naq ke'ril li xLoq'laj Kaax li Qaawa'. Jo'kan naq li Yos kixk'e chi kamk lajeeb' xkaak'aal chi winq, ut eb' li tenamit ke'wank sa' rahil ch'oolej xb'aan naq q'axal ke'rahob'tesiik xb'aan li Qaawa'.

Éxodo 3:5

Toja' naq li Qaawa' kixye: “Matjilok chaq. Isi laaperxaab' chawoq, xb'aan naq li na'ajej wankat wi' a'an santil ch'och'”.

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Éxodo 33:20

Ab'an ninye aawe naq li xnaq' wu ink'a' tatruuq chi rilb'al, xb'aan naq maajun naru rilb'al chi toj tkanaaq chi yo'yo”.

Éxodo 3:3

Toja' naq kixye sa' xch'ool: “Jilok we chi rilb'al li sachb'ach'oolej a'in: k'a'ut naq ink'a' na'oso'k li k'ix”.

Números 4:20

Ut ink'a' te'ok jun k'amokaq chi rilb'al li k'a'aq re ru jwal loq', xb'aan naq te'kamq”, chan.

Deuteronomio 5:5

Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Números 4:15

Naq akaq xe'raqe'k laj Aharón ut eb' li ralal chi xlanb'al li k'a'aq re ru jwal loq' re li artal, sa' xjalb'al xna'ajeb', aka' chik eb' li ralal xk'ajol laj Kehat te'wulaq re te'xk'am. Ab'anan maak'a' li k'aru jwal loq' te'xch'e', xb'aan naq te'kamq. A'an a'in li xk'anjeleb' li ralal xk'ajol laj Kehat sa' li Loq'laj Na'ajej.

Números 4:18

“Maawisi eb' laj Kehat sa' xyanqeb' laj Leví.

Números 4:19

B'aanuhomaq chi jo'ka'in, re naq ink'a' te'kamq xb'aan xch'e'b'al li loq'laj eechej re li artal: laj Aharón ut eb' li ralal te'xk'e xk'anjel li junjunq ut te'xye reheb' k'aru te'xk'am.