Éxodo 19:17 - Q'eqchi Bible

¹⁷ Toja' naq laj Moisés kirisiheb' li tenamit sa' li xmuheb'aaleb' re naq toxe'xk'ul chaq li Yos; ut ke'xaqliik chi xtoon li tzuul.

Li Santil hu

¹⁷ Tojoꞌnak laj Moisés quicꞌamoc be chiruheb nak queꞌel cuan cuiꞌ lix muheba̱leb. Queꞌco̱eb chixcꞌulbal li Dios. Queꞌxakli chi xto̱n li tzu̱l.

Éxodo 19:17 ပူးပေါင်းရင်းမြစ်များ

Deuteronomio 4:10

“Laa'ex kexwank chiru li Qaawa' leeYos chi xtoon li tzuul Horeb ut aran li Qaawa' kixye we: «Ch'utub'eb' chiwu li tenamit re naq te'rab'i li waatin ut tine'xpaab' naq toj wanqeb' sa' li ruuchich'och' a'in, ut te'xk'ut ajwi' li aatin a'in chiruheb' li ralal xk'ajoleb'».

Deuteronomio 5:5

Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Hechos 7:38

A'an a'in li kiwank chaq rik'in li ánjel li ki'aatinank re sa' xb'een li tzuul Sinaí, jo'wi' rik'in li qana' qayuwa' naq ch'utch'uukeb' chaq sa' li chaqich'och'; a'an a'in li kik'uluk chaq eb' li aatin neke'k'ehok yu'am re taaq'axtesimanq qe.

Éxodo 19:13

Moko rik'in uq'ej ta taakamsiiq, rik'in b'an pek malaj simaj; us ta winq malaj xul, ink'a' taakanaaq chi yo'yo. Toj te'rab'i xyaab' li pur, toja' naq truuq te'taqe'q sa' xb'een li tzuul”.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Éxodo 19:18

Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

Levítico 9:5

Eb' laj Israel ke'xk'am toj chiru li Loq'laj Muheb'aal li k'aru kixpatz' laj Moisés ut chixjunil li komonil ke'nach'ok aran ut ke'wank chi xaqxo chiru li Qaawa'.

Deuteronomio 4:11

Toja' naq kexnach'ok ut kexwank chi xtoon li tzuul li yo chi k'atk; toj sa' wi' li choxa nawulak li raq' xxamlel, sa' xyanq q'eqi choql ut xnimal aak'ab'.