Éxodo 19:12 - Q'eqchi Bible

¹² K'e xnub'ajlil li tzuul chi xsutam ut ye reheb': «K'ehomaq reetal, mextaqe'k sa' xb'een li tzuul chi moko texwulaq chi xtoon». Chixjunil li taanach'oq rik'in li tzuul, taakamq.

Li Santil hu

¹² Ta̱qꞌue retalil chire li tzu̱l re nak li tenamit incꞌaꞌ teꞌnumekꞌ ut ta̱ye reheb nak cheꞌxba̱nu cue̱nt nak incꞌaꞌ teꞌtakekꞌ chiru li tzu̱l ut incꞌaꞌ naru teꞌxqꞌue li rok aran chire. Li ani tixqꞌue li rok aran ta̱ca̱mk.

Éxodo 19:12 ပူးပေါင်းရင်းမြစ်များ

Josué 3:4

Chi jo'kan teenaw k'a' chi b'ehul teek'am, xb'aan naq toj maajun wa numenaqex sa'eb' li na'ajej a'in. Ab'an mexjilok chi xk'atq li Loq'laj Kaax, chexwanq b'an mer hiil rik'in a'an”, chankeb'.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Deuteronomio 2:4

Ye li aatin a'in re li tenamit: Naq toxexnume'q sa' xch'och'eb' leeras eeriitz'in, a'eb' li ralal xk'ajol laj Esaú li wankeb' aran Seír, eb' a'an te'xxiwa eeru, ab'anan laa'ex chek'e reetal,

Éxodo 34:12

“Maak'e aawib' sa' sumwank rik'ineb' li wankeb' sa' li na'ajej toxat-okaq wi', re naq ink'a' tate'xra'le.

Éxodo 19:23

Kichaq'ok laj Moisés ut kixye: “Li tenamit ink'a' te'ruuq chi taqe'k chiru li tzuul Sinaí, xb'aan naq laa'at xaram chiqu: «K'e xnub'ajlil li tzuul chi xsutam ut kanaaq cho'q loq'», chankat”.

Éxodo 19:21

kiyehe'k re xb'aan li Qaawa': “Kub'en ut q'useb' li tenamit: me'xq'ax chaq li nub'ajl re rilb'al wu, xb'aan naq, wi ta jo'kan, naab'al te'kamq sa' xyanqeb'.

Éxodo 10:28

Ut laj Parahón kixye re laj Moisés: “Elen chiwu! K'e reetal, maak'ut chik aawib' chiwu, xb'aan naq sa' li kutan taawil wi' wu, tatkamq”, chan.

Hebreos 12:18

Ink'a' xexjilok chi xk'atq junaq tzuul naru xch'e'b'al, chi moko rik'in xam nareprotk, malaj rik'in q'oqyink, aak'ab', kaqsut-iq',

Éxodo 34:3

Ab'an maajunaq aawochb'een naq tattaqe'q, ut maajun chiwanq chiru chixjunil li tzuul. Chi moko karneer chi moko b'ooyx chi'ichajib'q chiru li tzuul”.

Éxodo 24:2

Ka'ajwi' laa'at, a Moisés, tatnach'oq wik'in; ut eb' li junch'ol ink'a', chi moko rochb'eenaqeb' ta li tenamit naq te'taqe'q chaq”.