Éxodo 18:21 - Q'eqchi Bible

²¹ Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Li Santil hu

²¹ Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Éxodo 18:21 ပူးပေါင်းရင်းမြစ်များ

Hechos 6:3

Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in.

Ezequiel 18:8

ink'a' naxpatz' ral li tumin li naxk'e chi to' chi moko naxsik' xb'ihomal rik'in a'an; maajun naxrahob'tesi, naraqok aatin sa' xyaalalil rik'ineb' li poyanam wankeb' xch'a'ajkilal;

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

Zacarías 8:16

A'an a'in li teeb'aanu: xyeeb'al li yaal cherib'il eerib', texraqoq aatin sa' tiikilal sa' leeraqleb'aal aatin re twanq li tuqtuukilal;

Zacarías 7:9

“Jo'ka'in naxye li Nimajwal Yos: Chexraqoq aatin sa' tiikilal, aj uxtaanaqex ut rahomaq eerib' cherib'il eerib'.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Jeremías 5:1

“B'eenihomaq eb' li b'e re Jerusalén -chan li Qaawa'-, ilomaq chi us ut k'ehomaq reetal. Sik'omaq sa'atqeb' li ruq' b'e re rilb'al ma teetaw junaq winq li nab'aanunk li tiikilal ut naxsik' li yaal; ut tinkuy raj xmaak Jerusalén.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Proverbios 28:2

Naq nanumtaak li q'etok chaq'rab' sa' li tenamit, neke'numtaak ajwi' laj jolominel; ab'an, wi li awab'ej wank xna'leb', li tenamit nak'ojlaak xch'ool ut kaw rib'.

Salmos 15:5

a' li nak'ehok tumin chi to' ut ink'a' naxpatz' ral, li ink'a' naraj tuminaak re xrahob'tesinkil li maak'a' xmaak. Li nab'aanunk re chixjunil a'in, maajaruj taach'inanq xch'ool chirix li Yos.

Li xHu LAJ JOB 31:13

Naq eb' laj k'anjel chiwu, winq ut ixq, xe'xpatz' li k'aru xe'raj we, maajun sut xintz'eqtaana li xpatz'omeb'.

Li xHu LAJ JOB 29:16

chanchanin chik xyuwa'eb' li neb'a', ut nin'aatinak chi xkolb'aleb' li jalan xtenamiteb'.

Nehemías 7:2

Kinxaqab'eb' chi xjolominkil Jerusalén laj Jananí li wiitz'in jo' ajwi' laj Jananías, xjolomil li kawub'resinb'il na'ajej, xb'aan naq a'an tiik xch'ool ut q'axal naxxiwa ru li Yos.

Nehemías 5:9

Ut laa'in kinye reheb': “Moko us ta li yookex xb'aanunkil. Tento raj sa' eeb'een roxloq'inkil li qaYos re naq ink'a' toohe'xhob' li tenamit li xik' neke'ilok qe.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Éxodo 18:25

Kixsik'eb' ru li winq seeb'eb' xk'a'uxl sa' xyanq chixjunileb' laj Israel ut kixk'eheb' xwankil sa' xb'eeneb' li poyanam: wankeb' ke'xaqab'aak chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Hechos 20:33

Laa'in ink'a' xinrahi xplaat, chi moko x'oor malaj xb'aatal anihaq.

Isaías 59:4

Maajun napatz'ok li tiikilal sa' li raqleb'aal aatin, chi moko wank li naraqok aatin rik'in sa' xyaalal; kaw b'an xch'ooleb' li poyanam chirix li moko yaal ta ut junelik yo'oon wankeb' chi xyeeb'al li tik'ti'. Maa'usilal nasiyaak sa' xch'ooleb', ut nayo'laak chaq li raaxiik'.

Isaías 33:15

A' li nawank sa' tiikilal ut naxye li yaal, li ink'a' nab'ihomo'k rik'in b'alaq' chi moko natuminaak ru; li ink'a' naraj rab'inkil li k'aru naxye laj kamsinel ras riitz'in, chi moko naraj chi ril li maa'usilal.

Génesis 42:18

Sa' rox li kutan laj José kixye reheb': “Laa'in ajwi' ninxiwa ru li Yos. B'aanuhomaq li tinye ut texkole'q.

San Lucas 18:4

Chiru k'iila kutan laj raqol aatin ink'a' kiraj, ab'anan moqon chik kixye sa' xch'ool: «Us ta ink'a' ninxiwa ru li Yos chi moko nawoxloq'iheb' li poyanam,

San Lucas 18:2

“Sa' jun li tenamit kiwank jun aj raqol aatin li ink'a' naxxiwa ru li Yos chi moko naroxloq'iheb' li poyanam.

Isaías 16:5

toja' naq jun sa' xyanqeb' li ralal xk'ajol laj David taa'ok cho'q awab'ej, taa'awab'ejinq rik'in chaab'ilal ut tiikilal, tixk'e xch'ool chi xsik'b'al li yaal ut seeb'aq xk'a'uxl chi raqok aatin jo' xk'ulub' li junjunq.

1 Reyes 18:12

Naq tin'elq chawu, li xmusiq' li Qaawa' tatxk'am sa' junaq na'ajej li ink'a' ninnaw laa'in. Ut naq akaq xo'inye re laj Ajab naq wankat arin, taachalq li awab'ej chasik'b'al; ab'anan ink'a' tatxtaw, jo'kan naq tinxkamsi. Laa'in ninpaab'ank chiru li Qaawa' chalen chaq sa' insaajilal.

1 Reyes 18:3

Toja' naq laj Ajab kixtaqla xb'oqb'al laj Abdías, laj ilol re li rochoch li awab'ej. Laj Abdías k'ajo' naq naxloq'oni ru li Qaawa',

1 Samuel 8:12

Wankeb' li tixxaqab' chi xjolominkil lajeetqk'aal rox o'q'ob' (1,000) malaj lajeetq roxk'aal (50) aj puub'. Wankeb' li tixk'eheb' chi k'anjelak sa' li xch'och' ut xq'olb'al li rawimq, wankeb' li tixk'e chi xyiib'ankileb' li ch'iich' re yalok jo'wi' li k'anjelob'aal reheb' li xkaar.

Josué 22:14

Ke'xtaqla ajwi' lajeeb' li neke'k'amok b'e sa' xyanqeb' li junjunq chi teep, xjolomileb' ajwi' li junqkab'al.

Números 10:4

Ab'an naq jun ajwi' taayaab'asiiq, te'xch'utub' rib' chak'atq ka'ajwi' li xjolomileb' li xch'uuteb' laj Israel.

Génesis 47:6

Wank chawu chixjunil li tenamit Ejiipt: kanab'eb' b'i' laayuwa' ut eb' laawas chi hilank wan wi' li xq'emal ch'och'. Che'hilanq sa' li na'ajej Gosen ut, wi laa'at nakanaw naq sa' xyanqeb' wankeb' li neke'xnaw xk'anjel, chaxaqab'eb' cho'q xb'eenileb' laj ilol ketomq, sa' xb'een li k'aru wank we”, chan.

Números 1:4

Textenq'aaq xb'aaneb' li xjolomil li junqkab'al, jun re li junq teep.

Números 1:16

A'aneb' a'in li winq ke'xaqab'aak xb'aaneb' li komonil, xjolomileb' li junq teep, aj k'amol b'eheb' sa' xyanqeb' laj Israel.

Deuteronomio 22:18

Li winq a'an wank xmaak. Jo'kan naq eb' li cheekel winq te'xchap li winq ut te'xrahob'tesi.

Esdras 7:25

“Ut laa'at, Esdras, jo' chanru li choxahil na'leb' k'eeb'il aawe xb'aan laaYos, chaxaqab'eb' aj raqol aatin ut aj tz'iib' li te'taqlanq sa' xb'eeneb' chixjunileb' li tenamit li wankeb' junpak'al li nima' Éwfrates, ut sa' xb'eeneb' chixjunileb' li neke'nawok re li xChaq'rab' laaYos. Ut eb' li ink'a' neke'xnaw li Chaq'rab', taak'ut chiruheb'.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Salmos 15:1

Xsaalm laj David. At Qaawa', ani truuq taahilanq sa' laamuheb'aal? Ani taawanq sa' laaloq'laj tzuul?

Éxodo 17:9

Toja' naq laj Moisés kixye re laj Josué: “Taasik'eb' ru winq li te'xik chawix wulaj re yalok rik'ineb' laj Amalek. Laa'in xaqxooqin sa' xb'een li tzuul, chi wanq xxuq' li Yos sa' wuq'”.

2 Samuel 18:1

Laj David kirajlaheb' laj puub' li wankeb' rochb'een, ut kixxaqab'eb' li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub'.