Éxodo 18:19 - Q'eqchi Bible

¹⁹ Jo'kan b'i' ab'i li k'aru tinye aawe; tink'e aana'leb' ut li Yos taawanq aawik'in. Laa'ataq laj oksinel aatin chiru li Yos chirixeb' li tenamit ut choxaaye li xch'a'ajkilaleb' re li Qaawa'.

Li Santil hu

¹⁹ Abi li cꞌaꞌru tinye a̱cue. Ut li Dios taxak chitenkꞌa̱nk a̱cue chixba̱nunquil. La̱at aj jalol a̱tin chiru li Dios chirixeb li cristian. Ta̱ye re li Dios cꞌaꞌru li chꞌaꞌajquilal cuanqueb cuiꞌ li cristian.

Éxodo 18:19 ပူးပေါင်းရင်းမြစ်များ

Números 27:5

Laj Moisés kixpatz' re li Qaawa' chirix li ch'a'ajkilal a'in,

Deuteronomio 5:5

Sa' li kutan a'an laa'in wankin sa' yiib'ej rik'in li Qaawa' ut laa'ex, re xq'axtesinkil eere li raatin, xb'aan naq laa'ex yo eexiw chiru li xam ut ink'a' kextaqe'k chiru li tzuul. A'aneb' a'in li aatin kixye:

Éxodo 20:19

“Aatinan laa'at qik'in ut tatqab'i; ab'an mooraatina li Yos: mare anchal tookamq”, chankeb' re laj Moisés.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Proverbios 9:9

Chatij li wank xna'leb', ut q'axal wi' chik tixtaw xkomon na'leb'; chatzol li tiik xch'ool, ut taanimanq li xk'a'uxl.

2 Samuel 14:17

Laa'in aj k'anjel chawu, ut yookin chi royb'eninkil naq laawaatin tixk'ojob' linch'ool, xb'aan naq laa'at, awab'ej, chanchanat jun x'ánjel li Yos: nakanaw xk'eeb'al reetal li us ut li ink'a' us. A' taxaq li Qaawa' Yos chiwanq aawik'in”.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.

Éxodo 18:24

Laj Moisés kixpaab' li raatin laj hi'om re ut kixb'aanu chixjunil li kiyehe'k re xb'aan.

Éxodo 18:15

Kichaq'ok laj Moisés ut kixye re laj hi'om re: “Xb'aan naq li tenamit neke'chalk wik'in chi patz'ok rik'in li Yos.

Éxodo 4:16

A'an taa'aatinaq rik'in li tenamit sa' aak'ab'a': a'anaq laawe ut laa'ataq ruuchil li Yos cho'q re.

Éxodo 4:12

Jo'kan b'i', ayu: laa'in wanqin sa' laawe ut tink'ut chawu li k'aru toxaaye”.

Éxodo 18:20

K'uteb' chiru li xtaqlankileb' ut eb' li chaq'rab'; k'e chixnaweb' li b'e li tento te'xk'am ut li k'anjel te'xb'aanu.