Éxodo 18:12 - Q'eqchi Bible

¹² Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

Li Santil hu

¹² Ut laj Jetro quixqꞌue lix cꞌatbil mayej chiru li Ka̱cuaꞌ Dios. Laj Aarón rochbeneb li cui̱nk li nequeꞌcꞌamoc be saꞌ xya̱nkeb laj Israel, queꞌchal ut queꞌcuaꞌac rochben re xlokꞌoninquil li Ka̱cuaꞌ Dios.

Éxodo 18:12 ပူးပေါင်းရင်းမြစ်များ

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Génesis 31:54

Chirix chik a'an laj Jakob kimayejak chiru li Qaawa' sa' xb'een li tzuul ut kixb'oqeb' li rech'alal chi tz'aqonk. Eb' a'an ke'tz'aqonk ut ke'xnumsi li q'oqyink aran.

Éxodo 24:11

Ab'an li Qaawa' ink'a' kixrahob'tesi eb' li xb'eenil aj Israel; eb' a'in ke'ril ru li Yos, ut ke'wa'ak ke'uk'ak chi maak'a' ke'xk'ul.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

1 Corintios 10:31

Jo'kan utan, wi texwa'aq tex'uk'aq malaj k'a'aq chik re ru teeb'aanu, b'aanuhomaq chixjunil re xloq'oninkil ru li Yos.

1 Corintios 10:21

Ink'a' naru teeruk' xsa' li xsek' li Qaawa' ut xsa' xsek'eb' li maa'us. Ink'a' naru textz'aq rik'in li xmeex li Qaawa' ut rik'in xmeexeb' li maa'us.

1 Corintios 10:18

K'ehomaq reetal li tenamit Israel. Eb' li neke'tzekank re li namayejaak, ma ink'a' tab'i' neke'tz'aqonk rik'in li artal?

San Lucas 14:15

Naq kirab'i a'in, jun reheb' li ula' kixye re li Jesus: —Us xaq re li taawa'aq sa' li xnimajwal wankilal li Yos.

San Lucas 14:1

Sa' jun li sábado koho li Jesus chi wa'ak sa' rochoch jun reheb' li xb'eenileb' laj Pariseey, ut eb' a'an yookeb' chi xk'aak'alenkil.

Daniel 10:3

ink'a' kintzeka li sahil tzekemq, ink'a' kintiwok tib' chi moko kin'uk'ak b'iin, ink'a' kinyul wib' sa' sununkil b'an toj reetal kiraqe'k li oxib' xamaan.

Li xHu LAJ JOB 42:11

Toja' naq chixjunileb' li ras riitz'in, rochb'eeneb' li xkomon ut eb' li ramiiw li ke'wank junxil, ke'wulak chi rilb'al laj Job ut ke'ninq'ehik sa' li rochoch. Ke'ril xtoq'ob'aal ru ut ke'xk'ojob' xch'ool chirix li rahilal kik'ehe'k chi xk'ul xb'aan li Qaawa'. Chixjunqaleb' ke'xsi junjunq xtumin plaat ut junjunq xmatq'ab' oor.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

2 Samuel 9:7

Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

Deuteronomio 27:7

Aran ajwi' taayeechi'i laamayej re xk'amb'al aawib' sa' usilal rik'in li Yos; tatwa'aq ut taasaho'q aach'ool chiru li Qaawa' laaYos.

Éxodo 2:20

Toja' naq kixpatz' reheb' li xrab'in: “B'ar wank a'an? K'a' naq xekanab' chaq chi jo'ka'in li winq a'an? B'oqomaq chaq re naq taawa'aq”, chan.

Génesis 43:25

Toja' naq eb' a'an, naq yookeb' chi royb'eninkil xk'ulunik laj José sa' wa'leb', ke'xkawresi li xmaatan, xb'aan naq ke'rab'i resil naq aran te'wa'aq.

Génesis 26:25

Toja' naq laj Isahak kixyiib' aran jun li artal ut kixyaab'a xk'ab'a' li Qaawa'. Sa' li na'ajej a'an kixyiib' li xmuheb'aal, ut eb' laj k'anjel ke'xb'ek jun xjulel li ha'.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Génesis 4:4

Jo'kan ajwi' laj Abel kixmayejaheb' li xb'een raleb' li xkarneer ut chixjunil li xxeeb'ul. Li Qaawa' kisaho'k xch'ool rik'in laj Abel jo'wi' rik'in li xmayej,

Éxodo 2:16

Laj tij re Madián wank wuqub' xrab'in, ut eb' a'in koheb' chi risinkil xha'eb' ut chi xnujob'resinkil li ruk'leb'aaleb' li ketomq re xk'eeb'aleb' chi uk'ak li xkarneer li xyuwa'.

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Éxodo 18:13

Sa' li kutan jun chik laj Moisés kik'ojlaak chi raqok aatin sa' xb'eeneb' li tenamit, ut tik jun kutan ke'wank li tenamit chiru laj Moisés chalen eq'la toj ewu.

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Éxodo 33:7

Laj Moisés kixxok li Muheb'aal ut kixxaqab' najt kach'in chirix li na'ajej wankeb' wi' laj Israel: xMuheb'aal li ch'utam kixk'e cho'q xk'ab'a'. Jo'kan naq chixjunil li naraj patz'ok rik'in li Qaawa', naxik sa' xMuheb'aal li ch'utam, li wank toj chirix li xna'ajeb' laj Israel.

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Génesis 26:30

Toja' naq laj Isahak kixk'e jun ninq'e; ke'wa'ak ut ke'uk'ak.