Éxodo 17:10 - Q'eqchi Bible

¹⁰ Laj Josué kixb'aanu jo' kiyehe'k re xb'aan laj Moisés; ki'elk chi yalok rik'ineb' laj Amalek, ut laj Moisés, laj Aharón ut laj Jur ke'taqe'k sa' xb'een li tzuul.

Li Santil hu

¹⁰ Ut queꞌco̱eb laj Josué chi pletic riqꞌuineb laj Amalec joꞌ quiyeheꞌ re laj Josué xban laj Moisés. Queꞌco̱eb laj Moisés saꞌ xbe̱n tzu̱l rochbeneb laj Aarón ut laj Hur.

Éxodo 17:10 ပူးပေါင်းရင်းမြစ်များ

Éxodo 24:14

Ut kixye reheb' li cheekel winq: “Chooheeroyb'eni arin toj reetal toosutq'iiq chaq eerik'in. Te'kanaaq sa' eeyanq laj Aharón ut laj Jur: wi wanq junaq ch'a'ajkilal, yehomaq reheb' a'an”, chan.

Josué 11:15

Jo' tz'aqal kixye li Qaawa' re laj Moisés laj k'anjel chiru, jo'kan ajwi' naq kichaq'rab'iik laj Josué xb'aan laj Moisés, ut kixb'aanu chi tz'aqal re ru: maajun reheb' li aatin yeeb'il xb'aan li Qaawa' re laj Moisés ink'a' ta kixb'aanu.

Éxodo 31:2

“K'e reetal. Sa' xyanqeb' li ralal xk'ajol laj Judá laa'in xinsik' ru laj Besalel, ralal laj Urí, ralal laj Jur,

Éxodo 17:12

Ke'lub'k li ruq' laj Moisés; jo'kan naq ke'xchap jun li pek ut ke'xk'e cho'q xk'ojarib'aal, ut laj Moisés kihilank sa' xb'een. Laj Aharón ut laj Jur wankeb' chi xka'pak'alil, yookeb' chi xtaqsinkil li ruq' laj Moisés. Jo'kan naq eb' li ruq' ke'xkuy wank chi ye'yo toj reetal ki'ok li saq'e.

San Juan 15:14

Laa'ex li wamiiw wi nekeb'aanu li nekexintaqla wi'.

San Juan 2:5

Kixye li na'b'ej reheb' laj k'anjel: —B'aanuhomaq li k'aru tixye eere.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Éxodo 17:11

Ut kik'ulmank a'in: naq ye'yookeb' li ruq' laj Moisés, q'axal kaweb' rib' laj Israel; ut naq kub'sinb'ileb', a'eb' chik laj Amalek kaweb' rib'.

1 Crónicas 2:19

Naq kikamk lix Asubá, laj Kaleb kisumlaak rik'in lix Efratá, ut kiwank jun ralal rik'in: a'an laj Jur.