Éxodo 16:7 - Q'eqchi Bible

⁷ ut wulaj eq'la teeril li xnimal xloq'al li Qaawa'. Xb'aan naq ak xrab'i li xwech'b'al rix eeb'aan. Ab'an aniho laa'o naq yookex chi qawech'inkil?”, chankeb'.

Li Santil hu

⁷ Cuulaj ekꞌela te̱ril xnimal xlokꞌal li Ka̱cuaꞌ Dios. Aꞌan xrabi nak yo̱quex chixchꞌiꞌchꞌiꞌinquil. ¿Aniho la̱o nak yo̱quex chikacuechꞌinquil?—

Éxodo 16:7 ပူးပေါင်းရင်းမြစ်များ

Isaías 40:5

Toja' naq taak'utunq li xloq'al li Qaawa' ut chixjunileb' li poyanam te'ril ru. Xb'aan naq li Qaawa' xyehok re”.

Números 16:11

Jo'kan naq a' li Qaawa' nekewech' rix laa'at ut eb' laakomon. Ani laj Aharón naq yooqex chi aatinak chirix?”.

San Juan 11:40

Kixye li Jesus re: —Ma ink'a' xinye aawe: «Wi nakapaab', taawil li xnimal xloq'al li Yos»?

San Juan 11:4

Naq kirab'i a'in, li Jesus kixye: —Li yajel a'in moko re ta kamk, re b'an xnimal xloq'al li Yos, re naq taanimaaq xloq'al li Ralal li Yos xb'aan a'an.

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Éxodo 40:34

Toja' naq li choql kixmuheela li xMuheb'aal li ch'utam ut kinujak li Loq'laj Muheb'aal rik'in li xnimal xloq'al li Qaawa'.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Números 16:42

Chixjunil li tenamit ke'ok chi xwech'inkil laj Moisés ut laj Aharón, ut eb' a'in ke'sutq'iik sa' li Loq'laj Na'ajej. Toja' naq li Choql kimuheelank re li Loq'laj Muheb'aal ut kik'utunk xloq'al li Qaawa'.

Números 14:10

Toja' naq chixjunil li komonil ke'ok raj chi xteninkileb' chi pek, ab'an li xloq'al li Qaawa' kixk'ut rib' chiruheb' chixjunil laj Israel sa' li Loq'laj Na'ajej.

Números 14:27

—Jo' najtil chik tinkuy rab'inkil xwech'b'al wix xb'aan li komonil a'in ink'a' useb' xna'leb'? Laa'in xwab'i naq eb' laj Israel neke'xwech' wix.

Éxodo 24:16

Li xloq'al li Qaawa' kihilank sa' xb'een li tzuul Sinaí, ut li choql kimuquk re chiru waqib' kutan. Sa' li xwuq li kutan li Qaawa' kixb'oq chaq laj Moisés toj sa' xyi li choql.

Éxodo 24:10

Aran ke'ril ru li xYos laj Israel: rub'el roq li Qaawa' wank chanchan neb'aal tz'akanb'il rik'in safiro, saqen saqenk kama' xraxal li choxa.

Levítico 9:6

Toja' naq laj Moisés kixye: “A'an a'in li xtaqlahom li Qaawa'. B'aanuhomaq, ut li Qaawa' tixk'ut rib' cheru rik'in xnimal xloq'al”.

Éxodo 16:12

“Xwab'i naq eb' laj Israel yookeb' chi wech'ink. Taaye reheb': «Hoon ewu tib' teetiw ut wulaj eq'la texnujaq chi wa. Chi jo'kan teenaw naq laa'in li Qaawa' leeYos»”.

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Números 17:5

Li winq taatuxmeq li xxuq', a'an li sik'b'il ru inb'aan. Chi jo'kan eb' laj Israel te'xkanab' eewech'b'al”, chan li Qaawa'.