Éxodo 16:6 - Q'eqchi Bible

⁶ Toja' naq laj Moisés ut laj Aharón ke'xye re chixjunil li xkomonileb' laj Israel: “Hoon ewu teenaw naq li Qaawa' ki'isink chaq eere sa' li tenamit Ejiipt,

Li Santil hu

⁶ Queꞌchakꞌoc laj Moisés ut laj Aarón, ut queꞌxye reheb chixjunileb laj Israel: —Anakcuan saꞌ li ecuu aꞌin, la̱ex te̱nau nak li Ka̱cuaꞌ Dios, aꞌan li qui-isin chak e̱re saꞌ li tenamit Egipto.

Éxodo 16:6 ပူးပေါင်းရင်းမြစ်များ

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Números 16:30

Ab'anan, wi li Qaawa' tixb'aanu xninqal b'aanuhom ut taatehonq li ch'och' ut tixnuq'eb' rochb'een chixjunil li k'aru wank reheb' ut te'xik sa' xb'alb'a chi yo'yo, aran teenaw naq eb' li winq a'in xe'xtz'eqtaana li Qaawa'”, chan laj Moisés.

Números 16:28

Toja' naq kixye laj Moisés: “Rik'in a'in teenaw naq li Qaawa' xtaqlank chaq we chi xb'aanunkil chixjunil a'in ut moko yal ta xinyoob' wib' injunes.

Salmos 77:20

Laa'at katnume'k sa' li palaw; sa' xchamal li ha' katnume'k chaq ut ink'a' kik'utunk xna'aj laawoq.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Éxodo 32:7

Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Salmos 81:11

Laa'in li Qaawa', laaYos, laa'in kin'isink chaq aawe sa' li tenamit Ejiipt. Chate laawe, ut laa'in tinnujob'resi.