Éxodo 16:3 - Q'eqchi Bible

³ ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Li Santil hu

³ Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Éxodo 16:3 ပူးပေါင်းရင်းမြစ်များ

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Lamentaciones 4:9

Q'axal us xaq reheb' li xe'kamsiik chi q'esnal ch'iich' chiruheb' li xe'kamk xb'aan we'ej, xb'aan naq eb' a'in timil timil xe'kamk xb'aan xmajelal li xtzekemqeb'.

Deuteronomio 28:67

Naq taasaqewq, taaye: «Ani taxaq taak'ehoq we chi ewuuk?» ut naq taa'ewuuq, taaye: «Ani taxaq taak'ehoq we chi saqewk?», cha'qat, xb'aan laaxiw li taasiksikinq laach'ool ut xb'aan li rahilal taawil laa'at.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».

Números 14:2

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

1 Corintios 4:8

Ak xexnujak! Ak xexb'ihomo'k! Xex'ok chi awab'ejink chi ink'a' xexqatenq'a laa'o! Us rajan naq ak ta xex'ok chi awab'ejink re naq laa'o ajwi' too'awab'ejinq eerochb'een!

Josué 7:7

Chirix chik a'an kixye laj Josué: “At inQaawa', k'a' naq xak'e li tenamit a'in chi nume'k junpak'al li nima' Jordán yal re qaq'axtesinkil sa' ruq'eb' laj Amor ut re qasachb'al? Us raj naq xookanaak chaq junpak'al li nima' Jordán!

2 Corintios 11:1

Us raj teekuy kach'inaq li xkaanil wu! Jo'kan utan, chineekuy. Nekexinsowena jo' chanru li Yos naxsowena li xtenamit.

Hechos 26:29

Kichaq'ok laj Pablo ut kixye: —Ink'a' ninnaw ma kach'in malaj naab'al aj chik maa tat-ok chi kristiyanil. Xk'e taxaq li Yos naq moko ka'aj ta wi' laa'at, chixjunileb' b'an li yookeb' chi wab'inkil sa' li kutan a'in jo'kaqeb' taxaq laa'in, ab'anan chi maak'a'aqeb' li kareen a'in.

Li xHu LAJ JOB 3:20

K'a'ut naq li Yos nokooxkanab' chi yo'laak, wi junes rahilal ut ch'a'ajkilal naqil chiru li qayu'am?

Li xHu LAJ JOB 3:10

xb'aan naq kinxkanab' chi yo'laak ut ink'a' kixmuq chiwu chixjunil li rahilal chaalel.

Li xHu LAJ JOB 3:1

Chirix chixjunil a'in laj Job kixtikib' aatinak ut kixmajewa xkutankil li xyo'lajik;

2 Samuel 18:33

K'ajo' naq kiraho'k xch'ool li awab'ej. Koho xjunes sa' li na'ajej wank sa' xb'een li rokeb'aal li tenamit ut ki'ok chi yaab'ak: “At Absalón, at walal! Absalón, at walal, at walal! -chan naq yo chi xik-. Us raj naq laa'in xinkamk ut laa'at toj yo'yooqat, Absalón, at walal, at walal”.

Deuteronomio 8:3

Us ta kixkub'si laawankil ut katxk'e xkuyb'al aasa', ab'anan kixk'e chawa' li maná li ink'a' aanawom ru laa'at chi moko xnawomeb' ru laana' laayuwa', re xk'utb'al chawu naq moko ka'aj ta wi' rik'in wa yo'yo li winq, rik'in aj b'an wi' chixjunil li na'elk chaq sa' re li Qaawa'.

Números 16:41

Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 11:15

Wi jo'kan yooqat we, q'axal us naq taawisi linyu'am, wi yaal naq nikinaara. Chi jo'kan ink'a' chik tin'iloq rahilal jo' li yookin chi xk'ulb'al anaqwan”, chan laj Moisés.

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Éxodo 2:23

K'iila kutan chik xnumik a'an kikamk li awab'ej re Ejiipt. Japjookeb' re chi yaab'ak ut chi q'oqonk eb' laj Israel xb'aan li xnimal rahilal yookeb' chi xk'ulb'al aran naq wankeb' chi munil, ut li xq'oqeb' kitaqe'k toj rik'in li Yos.

Números 14:3

K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Salmos 78:19

Xik' ke'xye chirix li Qaawa': “Ma truuq ta li Yos chi xk'eeb'al qatzekemq sa' chaqich'och'?

Salmos 78:25

Xwaheb' li ánjel kixwa' li winq; numtajenaq li wa kitaqlaak chaq ut ke'k'ojlaak xch'ool chixjunileb'.

Jeremías 42:14

rik'in xyeeb'al: «Jwal us tooxik Ejiipt, b'arwi' ink'a' chik tqil li raaxiik' chi moko tqab'i xyaab'eb' li pur, chi moko tookamq xb'aan li we'ej»,

Jeremías 44:17

tqab'aanu b'an chixjunil li wank sa' qach'ool xb'aanunkil. Toj yooqo chi xmayejankil k'ajpom ut b'iin chiru li xNa' li choxa, jo' naqab'aanu chalen toj anaqwan, jo' ke'xb'aanu chaq eb' li qana' qayuwa', eb' li awab'ej ut eb' li xjolomileb' li qatenamit sa' xteepal Judá ut sa'atqeb' li b'e re Jerusalén. Xb'aan naq junxil chaq k'ajo' li qatzekemq, jwal us koowank ut maajun rahilal kiqataw.

Éxodo 14:11

Ut ke'xye re laj Moisés: “Ma maak'a' tab'i' muqleb'aal kamenaq aran Ejiipt? K'a' naq xoohaak'am chaq chi kamk sa' li chaqich'och'? K'aru rajb'al naq xoohaawisi chaq Ejiipt?

Números 11:20

jun po b'an textzekanq tib', toj reetal taa'elq sa' eeru'uj ut teexawa eerib', xb'aan naq xetz'eqtaana li Qaawa' li wank sa' eeyanq ut xexq'oqonk chiru rik'in xyeeb'al: «K'a'ut naq koo'elk chaq Ejiipt?»”.

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

Salmos 107:5

Te'tz'okaje'q ut te'chaqiqatq reheb', ka'aj chik maa neke'kamk.