Éxodo 16:20 - Q'eqchi Bible

²⁰ Ab'an ink'a' ke'ab'ink chiru laj Moisés: wan ke'xk'uula b'ayaq re li kutan jun chik; ut kimotzo'ink ut kiq'aak. Jo'kan naq laj Moisés kijosq'o'k sa' xb'eeneb'.

Li Santil hu

²⁰ Cuan li incꞌaꞌ queꞌabin chiru laj Moisés. Cuan li queꞌxcꞌu̱la re cuulaj. Ut quichuhoꞌ ut quimotzoꞌin. Ut laj Moisés quipoꞌ riqꞌuineb.

Éxodo 16:20 ပူးပေါင်းရင်းမြစ်များ

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Efesios 4:26

Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

San Lucas 12:33

“Chek'ayi li k'aru wank eere ut chek'ehaq reheb' li wankeb' sa' rajb'al ru. Cheb'aanu eeb'ools li ink'a' te'q'eeloq, jun leeb'ihomal li ink'a' taalajq taa'oso'q sa' choxa, b'arwi' ink'a' nawulak laj elq', chi moko nasachok li xmaxel.

San Lucas 12:15

Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

San Marcos 10:14

Naq li Jesus kiril a'an, kijosq'o'k ut kixye reheb': —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

San Marcos 3:5

Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

San Mateo 6:19

“Meetamresi eeb'ihomal arin sa' ruuchich'och' b'arwi' li xmaxel ut li xq'olel neke'sachok re, jo'wi' eb' laj elq' neke'xte rokeb'aaleb' ut neke'elq'ak.

Números 16:15

Toja' naq k'ajo' naq kijosq'o'k laj Moisés ut kixye re li Qaawa': “At Qaawa', maak'e sa' aach'ool li xmayejeb'. Laa'in maak'a' xinmaq' chiruheb', chi moko junaq b'uur, chi moko xinb'aanu rahilal reheb'”.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Éxodo 16:19

Moqon laj Moisés kixye reheb': “Maajun tixk'uula b'ayaq re wulaj”.

Éxodo 16:21

Rajlal eq'la neke'xxok jo'nimal tixtzeka li junjunq, a'ut naq natiqwo'k li saq'e, naha'o'k.

Éxodo 16:24

Eb' a'an ke'xk'uula re li kutan jun chik jo' ke'taqlaak wi' xb'aan laj Moisés; ut maak'a' kiq'aak chi moko kimotzo'ink.