Éxodo 16:15 - Q'eqchi Bible

¹⁵ Naq eb' laj Israel ke'ril a'an, ke'ok chi xyeeb'al chirib'ileb' rib': “K'aru a'in?”. Xb'aan naq ink'a' neke'xnaw k'aru a'an. Ut laj Moisés kixye reheb': “A'an a'in li wa naxk'e li Qaawa' cho'q eetzekemq.

Li Santil hu

¹⁵ Nak eb laj Israel queꞌril aꞌan, queꞌxye chi ribileb rib: —¿Cꞌaꞌ put ru aꞌan? chanqueb xban nak ma̱ jun sut rilomeb. Ut laj Moisés quixye reheb: —Aꞌin le̱ tzacae̱mk li xqꞌue chak e̱re li Ka̱cuaꞌ Dios.

Éxodo 16:15 ပူးပေါင်းရင်းမြစ်များ

Éxodo 16:4

Kixye li Qaawa' re laj Moisés: “K'e reetal, laa'in tintaqla chaq sa' eeb'een li choxahil wa. Te'elq li tenamit wulaj wulaj chi xxokb'al xwaheb' re li junjunq chi kutan; chi jo'kan tinyaleb' rix re xnawb'al ma yookeb' chi xpaab'ankil linchaq'rab' malaj ut ink'a'.

San Juan 6:58

A'an a'in li wa kikub'e chaq sa' choxa; moko jo' ta li ke'xwa' leena' leeyuwa' ut ke'kamk. Li taawa'oq re li wa a'in, yo'yooq chi junelik.

Éxodo 16:31

Eb' laj Israel maná ke'xk'e cho'q xk'ab'a' li tzekemq a'an. Li maná chanchan riyajil li kulaantr, saq saq, ut li xsahil jo' li k'uluj yiib'anb'il rik'in xya'al kab'.

Deuteronomio 8:3

Us ta kixkub'si laawankil ut katxk'e xkuyb'al aasa', ab'anan kixk'e chawa' li maná li ink'a' aanawom ru laa'at chi moko xnawomeb' ru laana' laayuwa', re xk'utb'al chawu naq moko ka'aj ta wi' rik'in wa yo'yo li winq, rik'in aj b'an wi' chixjunil li na'elk chaq sa' re li Qaawa'.

1 Corintios 10:3

ut chixjunileb' ke'tzekank rik'in jun chi musiq'ejil tzekemq.

Nehemías 9:20

Kak'e ajwi' laachaab'il musiq' re xtijb'aleb'; junelik kataqla chaq li maná re xch'oolaninkileb', ut kak'e ha' reheb' re naq ink'a' te'chaqiq re.

Nehemías 9:15

Kataqla chaq li choxahil wa re naq ink'a' chik te'tz'okaaq, ut naq kichaqik reheb', kak'e chi yo'laak li ha' sa' li saqoonak. Chirix chik a'an kaye reheb' naq toxe'reechani li ch'och' kayeechi'i reheb'.

Josué 5:12

Jo' wulajaq chik kilajk li maná, naq ke'xtikib' xtzekankil ru li rawimq li tenamit. Eb' laj Israel ink'a' chik ke'wank xmaná ut a' chik li ru li rawimq li ch'och' Kanahán ke'xtzeka chiru li chihab' a'an.

San Juan 6:49

Leena' leeyuwa' ke'xwa' li maná sa' li chaqich'och' ut ke'kamk.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

Éxodo 16:33

Kixye ajwi' laj Moisés re laj Aharón: “Chap junaq uk'al, k'e chisa' jo'nimal li maná naxkuy jun ch'ina chakach, ut toxaakanab' chiru li Qaawa' re naq taak'uulamanq cho'q reheb' leeralal eek'ajol”, chan.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

San Lucas 12:30

Chixjunil a'in neke'xk'oxla eb' li maak'a'eb' xpaab'aal sa' li ruuchich'och' a'in. Ab'an ak naxnaw leeYuwa' naq nekeraj ru a'in.

Proverbios 9:5

Wa'inqex wik'in ut uk'umaq linb'iin xink'uub'.

Salmos 78:24

kixhoy chaq li maná sa' xb'eeneb' re te'xwa' ut kixk'e reheb' li choxahil triiw.

Salmos 105:40

Ke'xtz'aama xtzekemqeb', ut kixtaqla chaq eb' laj tonq'; kixk'ojob'eb' xch'ool rik'in choxahil wa.