Éxodo 15:26 - Q'eqchi Bible

²⁶ Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Li Santil hu

²⁶ Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Éxodo 15:26 ပူးပေါင်းရင်းမြစ်များ

Salmos 103:3

A'an nakuyuk re chixjunil linmaak ut naxk'irtasi chixjunil linyajel;

Deuteronomio 7:15

Li Qaawa' trisi aawik'in chixjunil li yajel; maajun junaq reheb' li xninqal rahilal li ak aawilom ru aran Ejiipt taachalq sa' aab'een, taaxik b'an rik'ineb' chixjunil li xik' neke'ilok aawe.

Éxodo 23:25

Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Salmos 147:3

Xk'irtasiheb' li toq'ob'eb' ru ut xb'an chixjunileb' li xtiq'ilaleb'.

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Levítico 26:13

Laa'in li Qaawa' leeYos, li kin'isink chaq eere Ejiipt re naq ink'a' chik wanqex rub'el xwankilaleb'. Kint'upi li kareen b'ak'b'ookex wi' aran ut kexink'e chi b'eek chi taqenaq leerilob'aal.

Li xHu LAJ JOB 5:18

xb'aan naq a'an natiq'ok ut nak'irtasink, narahob'tesink ut naxkotz li rahilal.

Deuteronomio 28:60

Tixk'e wi' chik chi t'ane'k sa' aab'een chixjunileb' li yajel li q'axal xiw xiw, li ke'xk'ul chaq eb' laj Ejiipt, ut relik chi yaal naq te'xletz rib' aawik'in.

Deuteronomio 12:28

“Ab'i ut paab' chixjunil li nakatintaqla wi', re naq junelik sa wanqat laa'at jo'wi' eb' laawalal aak'ajol, rik'in xb'aanunkil li q'axal us ut tiik chiru li Qaawa' laaYos.

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Deuteronomio 13:18

Tixb'aanu chi jo'kan wi taawab'i xyaab' xkux li Qaawa' laaYos ut taapaab' chixjunil li xchaq'rab' xink'e aawe anaqwan, ut wanqat sa' tiikilal chiru li Qaawa' laaYos.

2 Reyes 20:5

“Sutq'in ut ye re laj Esekías, li xjolomil lintenamit: «Jo'ka'in xye li Qaawa', xYos laj David laayuwa': Xwab'i laatij ut xwil li xya'al laawu. Tatink'irtasi, ut sa' rox li kutan tatxik sa' rochoch li Qaawa'.

Deuteronomio 28:27

“Li Qaawa' tatxrahob'tesi rik'in xxoxel Ejiipt, rik'in saqijoj, rik'in tuuxn ut saqlep; ut chiruheb' li yajel a'in ink'a' tatk'iraaq.

Ezequiel 18:5

“Li winq tiik xch'ool naxb'aanu li us ut li tiikilal:

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

2 Reyes 22:2

Laj Josías kixb'aanu li nawulak chiru li Qaawa', ut tz'aqal kixtaaqe li xb'e laj David li xyuwa': kixpaab' li Yos chi tz'aqal re ru.

Levítico 26:3

“Wi texwanq jo' chanru naxye li waatin, wi teepaab' linchaq'rab' ut teek'anjela ru,

1 Reyes 11:38

Wi taapaab' chixjunil li tinye aawe, wi tatwanq sa' xyaalal ut taab'aanu li tiikilal chiwu rik'in xpaab'ankil li waatin ut linchaq'rab' jo' kixb'aanu laj David laj k'anjel chiwu, laa'in wanqin aawik'in ut tinxaqab' laawankilal chi junajwa jo' naq kinb'aanu re laj David.

Deuteronomio 28:58

“Wi ink'a' taak'e aach'ool chi xk'anjelankil chixjunil li raatinul li chaq'rab' a'in, li tz'iib'anb'il sa' li tasb'il hu a'in, ut wi ink'a' taawoxloq'i li xloq'laj k'ab'a' li Qaawa' laaYos, li Nimajwal,

Éxodo 12:29

Tuqtu q'oqyink li Qaawa' kulxtiq' chixjunileb' li xb'een alalb'ej sa' li tenamit Ejiipt, chalen li xb'een ralal laj Parahón li wank sa' xk'ojarib'aal li xyuwa' toj rik'in li xb'een ralal li tz'aptz'o sa' tz'alam, jo' ajwi' li xb'een ral chixjunileb' li ketomq.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Éxodo 19:6

Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 12:25

Maatzeka li kik' re naq sa wanqat chiru laayu'am, aawochb'eeneb' laawalal aak'ajol, rik'in xb'aanunkil li q'axal us chiru li Qaawa'.

Deuteronomio 32:39

Chek'e reetal naq laa'in injunes wib' ut maak'a' chik junaq yos chiwu laa'in. Nink'ehok chi kamk ut nink'e ajwi' li yu'am, nintiq'ok ut nink'irtasink. Maajun tixkol rib' chiru linwankil.

2 Reyes 2:21

laj Eliseo koho chire li yu'amha', kixkirkiri chi atz'am ut kixye: “Jo'ka'in xye li Qaawa': «Laa'in xinb'an li ha' a'in; ink'a' chik taakamsinq ut chaab'ilaq chik li ch'och'»”.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Jeremías 17:24

«Ab'anan, wi laa'ex nikineepaab' -chan li Qaawa'-, wi nekeroxloq'i li kutan sábado ut maajun k'anjel teeb'aanu chi moko teenumsi leeriiq sa'eb' li rokeb'aal Jerusalén,

Jeremías 30:17

Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

Números 12:13

Toja' naq laj Moisés ki'elajink chiru li Qaawa' ut kixye re: “At Qaawa' Yos, b'aanu usilal, k'irtasi lix María”, chan.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Salmos 81:9

“Ex intenamit, chineerab'i; ok we cheq'usb'al. Ex aj Israel, us raj teerab'i li k'aru tinye!

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Oseas 11:3

Laa'in kinch'ilo chi ruq' laj Efraín ut kink'ut li b'eek chiru; ab'an ink'a' ke'xtaw ru naq laa'in nin'ilok reheb'.