Éxodo 15:21 - Q'eqchi Bible

²¹ Ut lix Miriam kixsume li b'ich chi kama'in: “B'ichanqex chiru li Qaawa', xb'aan naq jwal nim xwankil: kixkuteb' sa' palaw li kawaay ut eb' li b'eleb'aal ch'iich'”.

Li Santil hu

²¹ Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

Éxodo 15:21 ပူးပေါင်းရင်းမြစ်များ

Éxodo 15:1

Toja' naq laj Moisés ut eb' laj Israel ke'xb'icha li b'ich a'in re li Qaawa'; ke'xye: “Tinb'ichanq chiru li Qaawa' xb'aan naq q'axal nim xwankil: kixkuteb' sa' palaw li kawaay ut eb' li b'eleb'aal ch'iich'.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

2 Crónicas 5:13

Toja' naq sa' komonil ke'ok chi xyaab'asinkileb' li tronpeet ut chi b'ichank chi junaj xyaab' xkuxeb', re yoxink ut xnimankil xk'ab'a' li Qaawa', rik'in xyaab'asinkileb' li xtronpeet, eb' li xtzojtzoj ut li xkomon xwajb'eb'; yookeb' ajwi' chi xb'ichankil: “Chenima ru li Qaawa', xb'aan naq a'an q'axal chaab'il ut li xrahom wank chi junelik”. Sa' ajwi' li honal a'an li rochoch li Yos kinujak rik'in jun li choql.

1 Samuel 18:7

Ut naq yookeb' chi xajok ut b'ichank, ke'xye: “Laj Saúl xkamsi jun mileb' chi poyanam, ab'an laj David xkamsiheb' lajeeb' mil”.

Jueces 5:3

Ab'ihomaq, ex awab'ej; chineerab'ihaq, ex k'amol b'e! Twaj tinb'ichanq chiru li Qaawa'; tinb'icha xloq'al li Qaawa', xYos laj Israel.

Apocalipsis 14:3

Yookeb' chaq chi xb'ichankil jun li ak' b'ich chiru li nimajwal k'ojarib'aal jo'wi' chiruheb' li kaahib' chi yo'yookeb' ut eb' li cheekel winq. Ut maa'ani kiruhank chi xtzolb'al li b'ich a'an, ka'ajwi' li kaahib' xwaqxaqk'aal mil, a'aneb' li ke'kole'k sa' xyanqeb' li wankeb' sa' ruuchich'och'.

1 Samuel 18:6

Naq eb' laj puub' ke'sutq'iik chaq, chirix naq laj David ak xkamsi laj Filistea, eb' li ixq ke'elk chaq sa' chixjunileb' li tenamit sa' xteepal Israel ut ke'xk'ul laj Saúl li awab'ej chi saheb' sa' xch'ool, yookeb' chi b'ichank ut xajok rik'ineb' li tzojtzoj ut xwajb'eb'.

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

2 Samuel 6:14

Chirix chik a'an ki'ok chi xajok chi anchal xch'ool sa' xk'ab'a' li Qaawa', chi tiqto yal rik'in jun efod liin.

Salmos 76:6

Warenaqeb' li jwal kaweb' rib', ut xmaq'mank chiruheb' chixjunileb' li k'anjelob'aal re yalok; jo'k'ihaleb' li wankeb' xwankil moq'mo xe'kanaak.

Éxodo 15:4

“Kixkuteb' sa' palaw li xb'eleb'aal ch'iich' laj Parahón jo' ajwi' eb' laj puub'. Ut eb' li jwal kaweb' rib' sa' xyanqeb' laj puub' ke'sub'e'k sa' li Kaqi Palaw.