Éxodo 15:20 - Q'eqchi Bible

²⁰ Toja' naq li propeet xMiriam, ranab' laj Aharón, kixchap jun tzojtzoj tun, ut chixjunileb' li rech ixqilal koheb' chirix, wankeb' xtzojtzoj tun sa' ruq'eb' ut yookeb' chi xajok.

Li Santil hu

²⁰ Lix María li ranab laj Aarón aꞌan jun xprofeta li Dios. Lix María quixchap jun lix chꞌina cuajb pandero xcꞌabaꞌ. Ut quicꞌamoc be chiruheb li rech ixkilal chirecꞌasinquileb lix pandero ut chi xajoc re xlokꞌoninquil li Dios.

Éxodo 15:20 ပူးပေါင်းရင်းမြစ်များ

Salmos 150:4

Chenima ru rik'in tun ut xajok, chenima ru rik'in xolb' ut chirimiiy.

1 Samuel 18:6

Naq eb' laj puub' ke'sutq'iik chaq, chirix naq laj David ak xkamsi laj Filistea, eb' li ixq ke'elk chaq sa' chixjunileb' li tenamit sa' xteepal Israel ut ke'xk'ul laj Saúl li awab'ej chi saheb' sa' xch'ool, yookeb' chi b'ichank ut xajok rik'ineb' li tzojtzoj ut xwajb'eb'.

Salmos 68:25

At Qaawa', at inYos, at Eechal we, sa' laaloq'laj ochoch naqil eb' li poyanam yookeb' chi ok re xnimankil aawu.

Jueces 11:34

Naq laj Jefté kisutq'iik wi' chik Mispá sa' li rochoch, ki'elk chaq li xrab'in chi xk'ulb'al, yo chaq chi xajok ut chi xch'e'b'al li tzojtzoj ch'iich'. Jun ajwi' li xrab'in laj Jefté; chirix a'an maak'a' chik xkok'al.

Números 26:59

Laj Amrán kisumlaak rik'in lix Yokébed. A'in xrab'in laj Leví ut kiyo'laak aran Ejiipt. Lix Yokébed ut laj Amrán a'aneb' xna' xyuwa' laj Aharón, laj Moisés ut lix María.

Miqueas 6:4

Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Salmos 149:3

Chenimaaq li xk'ab'a' rik'in xajok, chexb'ichanq ut chexwajb'aq rik'in tun ut aarp!

Jueces 4:4

Sa'eb' li kutan a'an yo chi k'amok b'e sa' xyanqeb' laj Israel jun li ixq propeet, xDébora xk'ab'a', rixaqil laj Lapidot.

San Lucas 2:36

Wank ajwi' aran jun propeet, x'Ana xk'ab'a', xrab'in laj Fanuel, yo'lajenaq sa' li xteepal laj Aser. A'an ak xikenaq xhab'. Toj saaj naq kisumlaak ut wuqub' chihab' ajwi' kiwank rik'in li xb'eelom.

Salmos 81:2

Kaw chexb'ichanq sa' xk'ab'a' li Qaawa', li qakawilal, japomaq eere chi xloq'oninkil ru li xYos laj Jakob!

2 Reyes 22:14

Toja' naq laj Jilkías, xb'eenil aj tij, laj Ajikán, laj Akbor, laj Safán ut laj Asaías koheb' rik'in lix Juldá, ixqipropeet, rixaqil laj Salún, ralal laj Tikbá ut ri laj Jarkás, aj k'uulahom re li raq'eb' laj tij. Lix Juldá wank rochoch Jerusalén, sa' li Ak' Na'ajej, ut naq eb' li xtaql li awab'ej ke'aatinak rik'in,

Éxodo 2:4

Ut li ranab' li k'uula'al toj najt kikanaak re rilb'al k'a' tana ru tixk'ul.

Hechos 21:9

Laj Felipe wank kaahib'eb' xrab'in toj tuq'ixqeb', neke'aatinak jo' propeet.

Salmos 68:11

Chi jo'kan eb' laawalal xe'xtaw xna'ajeb', at qaYos, sa' li ch'och' kawresinb'il xb'aan laawusilal cho'q reheb' li neb'a' ut li ra wankeb'.

Salmos 30:11

Chinaawab'i, at Qaawa', chawuxtaana wu! Laa'at taxaq, at Qaawa', laj tenq'ahom we!

2 Samuel 6:14

Chirix chik a'an ki'ok chi xajok chi anchal xch'ool sa' xk'ab'a' li Qaawa', chi tiqto yal rik'in jun efod liin.

1 Samuel 10:5

Moqon chik tatwulaq Kibehá re li Yos, b'arwi' wankeb' li xjolomileb' laj Filistea. Ut naq tat-ok sa' li tenamit, taak'uleb' jun ch'uuteb' chi propeet li yookeb' chaq chi kub'eek taqe'q, aj k'amol xb'eheb' laj aarp, laj xolb' ut laj tzojtzoj.

Jueces 21:21

Q'esaq eeru, ut naq eb' li ixqa'al aj Siló te'elq chi xajok chi ch'utch'u, laa'ex tex'elq chaq sa'eb' li awimq ut teerelq'a chaq junjunqaq leerixaqil sa' xyanqeb' li ixqa'al aj Siló, ut xikaqex chi junpaat sa' leetenamit.

Números 20:1

Chixjunil li xkomonileb' laj Israel ke'wulak sa' li chaqich'och' re Sin sa' li xb'een po, ut ke'kanaak sa' li tenamit Kadés. Aran kikamk lix María ut aran ajwi' kimuqe'k.

1 Corintios 11:5

Ut wi junaq ixq natijok malaj na'aatinak jo' propeet chi ink'a' lanlo li xjolom, naxk'ut xxutaan li xjolom; chanchan wi' b'esb'il rismal xjolom.

2 Samuel 6:16

Naq li xLoq'laj Kaax li Qaawa' ki'ok sa' xTenamit laj David, lix Mikal, xrab'in laj Saúl, yo chi ilok sa' b'entaan, ut naq kiril li awab'ej yo chi pisk'ok ut xajok chiru li Qaawa', kixtz'eqtaana sa' li xch'ool.

2 Samuel 6:5

Laj David ut chixjunileb' laj Israel yookeb' chi xajok chiru li Qaawa' chi anchaleb' xch'ool. Yookeb' ajwi' chi b'ichank rik'in aarp, tzojtzoj, xolb', tanb'oor ut sursuukil ch'iich'.

1 Corintios 14:34

me'aatinak li ixq sa' li ch'utam. Maak'a'aq xna'ajeb' chi aatinak, us b'an te'xkub'si rib' jo' ajwi' naxye xChaq'rab' laj Moisés.

Números 12:1

Lix María ut laj Aharón ke'ok xwech'inkil rix laj Moisés, xb'aan naq kixk'am cho'q rixaqil jun li ixq aj Etiopía.

Génesis 31:27

K'a'ut naq xat-elelik sa' muqmu? Xinaab'alaq'i ut maak'a' xaye we. Laa'in xatinchaq'rab'i raj sa' sahil ch'oolej, b'ichank ut wajb'ak.

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

1 Crónicas 6:3

Eb' li ralal xk'ajol laj Amrán a'aneb' a'in: laj Aharón, laj Moisés ut lix María. Eb' li ralal xk'ajol laj Aharón a'aneb' a'in: laj Nadab, laj Abihú, laj Elehasar ut laj Itamar.

1 Crónicas 15:16

Kixye ajwi' laj David reheb' li xjolomileb' laj Leví naq sa' xyanqeb' li xkomoneb' te'xsik' ruheb' laj b'ichanel chi wanqeb' xwajb', aarp, tzojtzoj re naq te'xtoch' chi saheb' sa' xch'ool.

Eclesiastés 3:4

Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Números 12:2

Ut ke'xye: “Li Qaawa' moko ka'aj ta wi' rik'in laj Moisés na'aatinak, na'aatinak aj b'an wi' qik'in laa'o”, chankeb'. Ut li Qaawa' kirab'i a'in.

Nehemías 6:14

Toja' naq kintijok chi jo'ka'in: “At inYos, chijultiko'q aawe laj Tobías ut laj Sanbalat rik'in li k'aru xe'xb'aanu. Misachk ajwi' sa' aach'ool lix Nohadía li propeet jo' ajwi' li junch'oleb' chik chi propeet li ke'raj roksinkil inxiw”.

Salmos 68:26

Chi uub'ej neke'xik laj b'ichanel, chi ixb'ej wankeb' li neke'wajb'ak; sa' yiib'ej neke'b'eek eb' li tuq'ixq, chi wankeb' xtzojtzoj tun sa' ruq'eb'.