Éxodo 15:2 - Q'eqchi Bible

² Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Li Santil hu

² Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Éxodo 15:2 ပူးပေါင်းရင်းမြစ်များ

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Salmos 118:14

Li Qaawa' a'an xkawub' linch'ool ut li ninb'ichank wi'; a'an laj kolol we.

Salmos 18:46

Eb' laj ab'l tenamit neke'lajk xmetz'ew, ut neke'siksotk naq neke'xkanab' chaq li xmuqb'al rib'eb'.

Salmos 59:17

A'ut laa'in tinb'icha li xnimal aawankil, toj eq'la tinpuktesi resil laarahom, xb'aan naq laa'at xatmuheelank we; sa' xkutankil linrahilal laa'at xatkolok we.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Salmos 140:7

Xinye sa' inch'ool re li Qaawa': “Laa'at linYos. At inNa' at inYuwa', chawab'i taxaq xyaab' inkux.

Salmos 99:9

Chenimaaq ru li Qaawa' li qaYos, chehupub'aq eerib' chiru li xloq'laj na'aj: xb'aan naq sant li Qaawa' li qaYos!

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

Salmos 118:28

At Qaawa', laa'at linYos, ninyoxink chawu ut ninterq'usi laak'ab'a'.

Salmos 99:5

Chenimaaq ru li Qaawa' li qaYos, chehupub'aq eerib' chiru li xxaqleb'aal. Sant li Qaawa'!

Salmos 34:3

Laa'in ninnima wib' sa' xk'ab'a' li Qaawa': ab'ihomaq laa'ex li neb'a' ut chisaho'q sa' eech'ool!

Deuteronomio 10:21

Chanima ru li Qaawa' xb'aan naq A'an laaYos, ut aawilom chik rik'in aawu li xninqal b'aanuhom ut li sachb'ach'oolej kixb'aanu sa' aak'ab'a'.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

2 Corintios 5:19

Li Yos kixk'am wi' chik sa' usilal li ruuchich'och' rik'in, sa' xk'ab'a' li Kriist: ink'a' kixk'e sa' xch'ool li xmaakeb' li tenamit, ut kixq'axtesi qe li aatin chirix li k'amok ib' sa' usilal rik'in.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

Salmos 145:1

Xb'ich laj David. Tinnima laaloq'al, at inYos, at inRey, tinloq'oni laak'ab'a' chi junelik.

2 Samuel 22:47

“Chiwanq taxaq xloq'al li Qaawa'! Usilaatinanb'il taxaq li Saqoonak ninkol wi' wib'; chiterq'usiiq xwankil linYos laj kolol we,

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Éxodo 4:22

Toja' naq taaye re: «Jo'ka'in naxye li Qaawa': Laj Israel a'an li walal, a'an li xb'een walal.

Efesios 2:22

Rik'in A'an laa'ex ajwi' kab'lanb'ilex re naq laa'exaq xmuheb'aal li Yos sa' li Musiq'ej.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Salmos 109:1

Re li xjolomileb' laj b'ichanel. Xsaalm laj David. At inYos li ninloq'oni, maatz'apxiki aawib',

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Éxodo 40:34

Toja' naq li choql kixmuheela li xMuheb'aal li ch'utam ut kinujak li Loq'laj Muheb'aal rik'in li xnimal xloq'al li Qaawa'.

Apocalipsis 19:1

Chirix chik a'an kiwab'i sa' choxa jo' xyaab' xkux xiikileb' li poyanam, yookeb' chi xyeeb'al chi kaw: “Aleluya! Li kolb'a ib', li loq'al ut li wankilal ka'ajwi' rik'in li qaYos nachalk,

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

San Juan 4:22

Laa'ex nekeloq'oni li b'arwan ink'a' nekenaw; laa'o naqaloq'oni li naqanaw, xb'aan naq li kolb'a ib' rik'ineb' laj Judiiy nachalk chaq.

San Lucas 2:30

xb'aan naq ak xwil rik'in wu li kolb'a ib'

San Lucas 1:77

chi xyeeb'al resil li kolb'a ib' re li xtenamit, a' li xkuyb'al xsachb'aleb' li xmaak.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Jeremías 32:38

A'anaqeb' lintenamit ut laa'inaq li xYoseb'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Salmos 132:5

toj reetal tintaw junaq na'ajej cho'q re li Qaawa', junaq muheb'aal cho'q re li xNimajwal Yos laj Jakob”.

Salmos 68:20

Usilaatinanb'il taxaq li Qaawa' wulaj wulaj! A'an na'ilok qe, a'an li Yos aj kolol qe.

Salmos 30:1

B'ich re xq'axtesinkil li rochoch li Yos. Xsaalm laj David.

Salmos 28:8

Li Qaawa' a'an xkawilal li xtenamit, aj kuutum ut aj kolol re li sik'b'il ru xb'aan.

Salmos 22:10

Laa'at xatxokok we naq xinyo'laak, xak'ojob' linch'ool sa' ruq' linna' naq xin'ok chi tu'uk;

Salmos 22:3

At inNa' at inYuwa', chi kutan ninyaab'a laak'ab'a', ut ink'a' nikinaachaq'b'e chaq; jo'kan ajwi' chi q'eq, ut ink'a' nikinaasume.

1 Reyes 8:27

“Ab'anan ma naru tab'i' nawank li Qaawa' sa' ruuchich'och'? Wi li choxa a'an q'axal nim ut ink'a' tz'aqal cho'q aana'aj, ma toja' ta chik li ochoch a'in li xinyiib' cho'q aawe!

1 Reyes 8:13

Ab'an laa'in xinyiib' jun li ochoch cho'q aamuheb'aal, jun li na'ajej wanqat wi' chi junajwa”.

2 Samuel 22:51

“Nakatenq'a li awab'ej chi q'axok u, k'ajo' naq nakak'ut laarahom chiru li sik'b'il ru aab'aan, a' laj David ut eb' li ralal xk'ajol chi junelik”.

2 Samuel 7:5

“Ayu ut ye re laj David aj k'anjel chiwu: «A'in naxye li Qaawa': Maawa' laa'at li tatyiib'anq re junaq wochoch b'arwi' tinwanq.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Colosenses 2:9

Xb'aan naq rik'in li Kriist wank xtz'aqlojik li Yosilal chi yaal,

Génesis 49:18

“At Qaawa', aawik'in nawoyb'eni li kolb'a ib'!

Jueces 5:21

Li nima' Kisón, li najteril roqha' kikelonk reheb'. Kawaq aach'ool, at waanm, b'ehen chi maak'a'aq aaxiw!

Salmos 48:14

K'ehomaq reetal chanru li tz'ak sutsu wi', cheb'eeni chixjunileb' li xninqal ru ochoch, re naq teepuktesi resil reheb' li maji' yo'lajenaqeb':

Habacuc 3:13

Xat-elk chaq chi xkolb'al laatenamit re xtenq'ankil li sik'b'il ru aab'aan. Xajuk' li rochocheb' li ink'a' useb' xna'leb' ut xak'e chi kutankil li rub'elankil.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

2 Samuel 7:24

Laa'at xatxaqab'ank reheb' laj Israel re naq a'anaqeb' laatenamit chi junelik ut laa'ataq li xYos.

2 Samuel 22:3

ut linYos. Laa'at li saqoonak li ninkol wi' wib', jo'kat li koleb' ch'iich' nakolok we; laa'at laj k'aak'alehom ut laj tenq'ahom we, laa'at laj kolonel li na'isink we sa' li raaxiik'.

1 Crónicas 16:14

Li Qaawa' a'an li qaYos ut na'awab'ejink sa' xb'een chixjunil li ruuchich'och'.

Salmos 118:21

Ninyoxink chawu xb'aan naq xinaawab'i; laa'at xinaatenq'a ut xinaakol.