Éxodo 15:16 - Q'eqchi Bible

¹⁶ “Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Li Santil hu

¹⁶ Chacuocsiheb taxak xxiuheb chixjunil li tenamit. Mem ta cheꞌcana̱k nak teꞌrabi lix nimal la̱ cuanquilal re nak la̱o li tenamit li xasicꞌ ru tonumekꞌ saꞌ xya̱nkeb.

Éxodo 15:16 ပူးပေါင်းရင်းမြစ်များ

Salmos 74:2

Chijultiko'q aawe li komonil kaweechani najter q'e kutan, a' li molam kakol laa'at re tkanaaq cho'q aawe; chijultiko'q aawe li tzuul Sión b'arwi' kayiib' laamuheb'aal.

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

1 Samuel 25:37

Wulajaq chik a'an, eq'la, naq ak xnume'k xkalajik laj Nabal, li rixaqil kixseeraq'i re li k'aru kik'ulmank. Kisachk xch'ool li winq chi rab'inkil a'an ut kikanaak chanchan pek.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Jeremías 31:11

Xb'aan naq li Qaawa' xkolok reheb' laj Israel, ut xrisiheb' chaq rub'el xwankil jun tenamit li q'axal kaw rib'.

Deuteronomio 11:25

Maa'ani tixkuy eesumenkil. Li Qaawa' leeYos troksi xnimal xxiweb' chixjunil li tenamit b'arwi' texnume'q, jo' ak xyehom eere li Qaawa'.

Éxodo 11:7

Ab'an sa' xyanqeb' laj Israel chi moko junaq tz'i' taawoob'anq re junaq poyanam malaj ut xul, re teenaw naq tiitookeb' ru eb' laj Israel chiruheb' laj Ejiipt.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Isaías 51:10

Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

1 Samuel 2:9

A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Deuteronomio 32:9

Ab'an li kitz'aqk li Qaawa', a'an li xtenamit; laj Jakob kikanaak tz'aqal cho'q reechanihom.

Deuteronomio 32:6

Ma jo'kan naq nakaq'ajkamu li Qaawa' laaYos, at jip aj tenamit ut maak'a' aana'leb'? Ma ink'a' tab'i' A'an laaYuwa', laj Winqob'resihom aawe?

Éxodo 23:27

“Tink'e naq taawanq xiw ut rahil ch'oolej chawu laa'at sa' chixjunileb' li tenamit tatwulaq wi', ut tink'eheb' chi elelik chawu chixjunileb' li xik' neke'ilok aawe.

Génesis 35:5

Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.

Éxodo 15:5

Ke'muqunk xb'aan li xkaw oq li ha'; kama'eb' li pek naq koxe'naq toj sa' xchamal li palaw.

Éxodo 15:6

“At Qaawa', k'ajo' xwankil ut xkawilal laanim uq'. At Qaawa', laanim uq' naxputz'i eb' li xik' neke'ilok qe.

Éxodo 15:13

Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Éxodo 18:8

Toja' naq laj Moisés kixseeraq'i re li xyuwa' li rixaqil chixjunil li kilajxb'aanu li Qaawa' re laj Parahón ut reheb' laj Ejiipt sa' xk'ab'a'eb' laj Israel, jo' ajwi' chixjunil li ch'a'ajkilal ke'xk'ul chaq sa' b'e ut chanru li Qaawa' kixkoleb'.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Deuteronomio 2:4

Ye li aatin a'in re li tenamit: Naq toxexnume'q sa' xch'och'eb' leeras eeriitz'in, a'eb' li ralal xk'ajol laj Esaú li wankeb' aran Seír, eb' a'an te'xxiwa eeru, ab'anan laa'ex chek'e reetal,

Josué 4:24

Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

Salmos 105:38

Q'axal ke'saho'k xch'ool laj Ejiipt sa' relikeb', xb'aan naq numtajenaq nim li xxiweb'.

Isaías 63:12

ut kirochb'eeni rik'in li xnimal xwankil? Kixjach ru li palaw sa' wiib' chiruheb' re naq nawnooq li xk'ab'a' chi junelik;

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

Salmos 89:14

Q'axal nim laametz'ew ut kaw aawib', kaw laanim uq' chi q'axok u.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.