Éxodo 15:15 - Q'eqchi Bible

¹⁵ K'ajo' naq ke'xiwak eb' li neke'taqlank sa' xb'een Edom; ke'sachk xch'ool eb' li xb'eenil aj Mohab; neke'siksotk chixjunileb' laj Kanahán.

Li Santil hu

¹⁵ Ma̱ caꞌchꞌin nak teꞌxucuak eb li nequeꞌtaklan saꞌ xbe̱neb laj Edom. Sicsotkeb xbaneb xxiu li cuanqueb xcuanquil saꞌ xya̱nkeb laj Moab. Teꞌsachk xchꞌo̱l chixjunileb laj cananeo.

Éxodo 15:15 ပူးပေါင်းရင်းမြစ်များ

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Josué 2:11

K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

Deuteronomio 2:4

Ye li aatin a'in re li tenamit: Naq toxexnume'q sa' xch'och'eb' leeras eeriitz'in, a'eb' li ralal xk'ajol laj Esaú li wankeb' aran Seír, eb' a'an te'xxiwa eeru, ab'anan laa'ex chek'e reetal,

Génesis 36:40

A'aneb' a'in li xk'ab'a'eb' laj jolominel li ke'yo'laak sa' riyajil laj Esaú, jo' chanru li xjunkab'aleb', li xna'ajeb' ut li xk'ab'a'eb': laj Timná, laj Albá, laj Jetet,

Habacuc 3:7

Xwil li xrahil xch'ooleb' laj Kusán, neke'hiich'ank sa' xna'aj eb' li xmuheb'aaleb' laj Madián.

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Ezequiel 21:7

Ut naq eb' a'an te'xpatz' aawe: «K'a'ut naq yookat chi yaab'ak?», taaye reheb': «Ninyaab'ak xb'aan resilal li taak'ulmanq. Naq taawulaq xkutankil a'an, chixjunileb' te'ch'inanq xch'ool ut te'mayoq li raanm; chixjunileb' te'memo'q ut siksootqeb' xb'aaneb' xxiw». K'ehomaq reetal naq ak waye' chaq; relik chi yaal naq taak'ulmanq”, chan li Qaawa'.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Isaías 13:7

Jo'kan naq chixjunileb' maak'a'aq chik xmetz'eweb' ut te'ch'inanq xch'ool eb' li poyanam.

Salmos 68:2

Li Qaawa' naxaqliik ut eb' li xik' neke'ilok re neke'xcha'cha'i rib'eb'; eb' li neke'tz'eqtaanank re neke'elelikje'k chiru.

2 Samuel 17:10

Ut a'atqeb' li yo'ooneb' chi yalok, li wankeb' xkawil xch'ooleb' jo' jun kaqkoj, te'ch'inanq xch'ool, xb'aan naq chixjunileb' laj Israel neke'xnaw naq kaw rib' laayuwa' ut eb' li wankeb' rochb'een yo'ooneb' chi yalok.

1 Samuel 14:16

Eb' laj k'aak'alenel re laj Saúl li wankeb' Kibehá re Benjamín ke'ril li xk'ihaleb' laj Filistea yookeb' chi elelik yalaq b'ar.

Josué 14:8

Laa'in kinwank chi tiik linch'ool chirix li Qaawa' linYos, us ta eb' li was wiitz'in li koheb' wochb'een ke'xch'ina xch'ooleb' li tenamit.

Josué 2:24

chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Deuteronomio 20:8

“Toja' naq eb' laj tz'iib' te'aatinaq wi' chik rik'ineb' li tenamit ut te'xye: «Ani yo xxiw ut nach'inank xch'ool? Xikaq ut sutq'iiq sa' rochoch re naq ink'a' tixch'ina xch'ooleb' li ras riitz'in, jo' naq xch'ina xch'ool a'an», cha'qeb'.

Génesis 36:15

A'aneb' a'in laj jolominel reheb' li ralal xk'ajol laj Esaú. Sa' xyanqeb' li ralal laj Elifás, xb'een ralal laj Esaú, a'aneb' a'in: laj Temán, laj Omar, laj Sefó, laj Kenás,

Salmos 48:5

Eb' li awab'ej xe'xjunaji rib' chi yalok, jun chalikeb' sa' junajil sa' xb'een Sión;

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Génesis 36:16

laj Koré, laj Katán, laj Amalek. A'aneb' a'in laj jolominel sa' xyanqeb' laj Elifás sa' li tenamit Edom; a'aneb' li ri lix Adá.

Habacuc 3:6

Naxhich'hich'i rib' li ch'och' naq naxaqliik li Qaawa', ut eb' li tenamit neke'xiwak naq na'ilok. Nalaje'uq'e'k eb' li najter tzuul ut neke'ha'o'k eb' li mayer b'ool, a'ut li xb'e li Qaawa' wank chi junelik.