Éxodo 15:14 - Q'eqchi Bible

¹⁴ Ke'rab'i a'an eb' li tenamit ut ke'xsiksiki rib'; chanchan xrahil alank kichalk sa' xb'eeneb' laj Filistea.

Li Santil hu

¹⁴ Eb li jalaneb xtenamit teꞌrabi resil li cꞌaꞌru xaba̱nu. Ut sicsotkeb xbaneb xxiu. Ut cꞌajoꞌ nak teꞌxucuak laj filisteo.

Éxodo 15:14 ပူးပေါင်းရင်းမြစ်များ

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Isaías 14:31

Japomaq eere chi yaab'ak, ex tenamit aj Filistea, chexxiwaq chejunilex li wankex aran, xb'aan naq sa' xjayal chaq releb'l iq' yookeb' chi chalk k'iila o'q'ob' chi aj puub' kama' li sib', ut maajun nach'inank xch'ool sa' xyanqeb'.

Salmos 48:6

ab'anan naq xe'ril li tenamit, xe'sachk xna'leb', k'ajo' naq xe'xiwak ut xe'siksotk!

Josué 9:24

Ut eb' a'an ke'xye re laj Josué chi jo'ka'in: “Nawb'il qab'aan laa'o aamoos li xtaqlahom li Qaawa' laaYos cho'q re laj Moisés aj k'anjel chiru. Kixye naq tixq'axtesi eere chixjunil li na'ajej a'in ut tixsach ruheb' jo'k'ihaleb' wankeb' arin sa' leek'ulunik. Jo'kan naq q'axal xooxiwak chirix li qayu'am ut xqab'aanu a'an.

Números 14:14

Ut ke'xseeraq'i reheb' li wankeb' Kanahán. At Qaawa', ak neke'xnaw naq laa'at wankat sa' qayanq ut nakak'ut aawib' chiqu. Neke'xnaw naq laa'at, at Qaawa', wankat junelik sa' xb'een li tenamit a'in sa' laachoql; k'amolb'ehat chiruheb' chi kutan sa' li choql, ut chiru li q'oqyink, sa' li xam.

Isaías 14:29

“Ex aj Filistea, misaho'k leech'ool naq xtoqe'k li xche' li xrahob'tesink eere; xb'aan naq sa' xyanq xmol junaq k'anti' taayo'laaq jun q'anb'olay, ut chirix a'an jun li xiwajel k'anti' taarupupiq.

Números 22:5

ut kixtaqlaheb' aj yehol esil re xsik'b'al laj Balaham, ralal laj Pehor, li wan chaq Petor, chire li nima' Éwfrates sa' xteepaleb' laj Amab'. Kixye re: “Arin wankeb' k'iila poyanam; ke'elk chaq Ejiipt, ke'xcha'cha'i rib' sa' xb'een chixjunil li ruuchich'och' ut nach' ke'kanaak wankin wi'.

Josué 10:2

K'ajo' naq kixiwak laj Adonisédek, xb'aan naq Gabahón a'an jun nimla tenamit jo' xk'ulub'eb' li awab'ej, ut jwal nim chiru Ay; jo'kan ajwi' chixjunileb' li xwinqul q'axal kaweb' rib'.

1 Samuel 4:7

ke'ok xxiweb' ut ke'xye: “Li Yos wank sa' xyanqeb'. Toq'ob' qu! Maajun sut kik'ulmank jo' a'in.

1 Crónicas 14:17

Jo'kan naq laj David kinawe'k ru sa' chixjunil li na'ajej, ut li Qaawa' kixk'eheb' xxiw chixjunileb' li tenamit.

Isaías 23:5

Naq eb' laj Ejiipt te'rab'i resil li xsachik Tiro, k'ajo' naq taamayoq xch'ooleb'.

Ezequiel 32:9

«Naab'aleb' li tenamit te'raho'q xch'ool naq taawulaq resil laasachik sa'atqeb' li na'ajej ink'a' aanawom ru.

Habacuc 3:7

Xwil li xrahil xch'ooleb' laj Kusán, neke'hiich'ank sa' xna'aj eb' li xmuheb'aaleb' laj Madián.

Josué 2:11

K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Josué 9:9

“Sa' najtil tenamit xoochalk chaq sa' xk'ab'a' li Qaawa' laaYos -chankeb'-. Xqab'i resil li kilajxb'aanu chaq aran Ejiipt,

1 Samuel 4:8

Toq'ob' qu! Ani taakoloq qe sa' ruq' li Yos li q'axal nim xwankil? A'an a'in li kirahob'tesink reheb' laj Ejiipt rik'in xninqal rahilal sa' li chaqich'och'!

Salmos 48:7

Sachaamileb' xch'ool ut aakaneb' aj chik, jo'keb' chaq jun li ixq ok re chi alank,

Habacuc 3:6

Naxhich'hich'i rib' li ch'och' naq naxaqliik li Qaawa', ut eb' li tenamit neke'xiwak naq na'ilok. Nalaje'uq'e'k eb' li najter tzuul ut neke'ha'o'k eb' li mayer b'ool, a'ut li xb'e li Qaawa' wank chi junelik.