Éxodo 15:11 - Q'eqchi Bible

¹¹ “Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Li Santil hu

¹¹ Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Éxodo 15:11 ပူးပေါင်းရင်းမြစ်များ

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

1 Samuel 2:2

Maak'a' junaq sant jo' li Qaawa', chi moko junaq saqoonak jo' li qaYos. Maa'ani chik junaq jo' A'an.

2 Samuel 7:22

Q'axal nim laawankil, at Qaawa'. Maajun junaq jo' laa'at, maak'a' chik junaq yos chawu; ka'ajwi' laa'at, jo' ak qab'ihom resil.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

Salmos 86:8

Ani ta chik jo' laa'at sa' xyanqeb' chixjunileb' li yos? Maajun nab'aanunk re jo' li nakab'aanu laa'at!

Salmos 77:14

At inYos, k'ajo' xsantilal laak'a'uxl! Ma wank ta chik junaq q'axal nim xwankil jo' li qaYos?

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Isaías 40:25

“Ani ut nikineejuntaq'eeta wi' laa'ex malaj ani juntaq'eet wik'in?”, chan li Qaawa', li q'axal Sant.

Deuteronomio 33:26

“Maajun junaq jo' li xYos laj Yesurún, li nab'eek sa' xb'eeneb' li choql re aatenq'ankil, sa' xb'een li choxa rik'in xnimal xwankil.

Salmos 77:19

Li xyaab' li kaaq ki'ab'iik sa' li kaqsut-iq' ut kisaqeno'k li ruuchich'och' xb'aan li raq'kaaq. K'ajo' naq kihich'leek li ch'och' xb'aan li hiik.

Isaías 40:18

Ani teejuntaq'eeta wi' li Yos malaj k'aru teejalamuuchi wi'?

Salmos 35:10

Tinye chi anchal li waanm: “At Qaawa', ani ta chik jo' laa'at chi xkolb'al li maak'a' xmetz'ew chiru li kaw rib', jo'wi' li neb'a' chiru li narahob'tesink re?”.

Éxodo 8:10

“Wulaj”, chan laj Parahón naq kichaq'ok. Kixye laj Moisés: “Taa'uxq jo' laawaatin, re naq taanaw naq maajun kama' li Qaawa' li qaYos.

Salmos 66:5

Kimqex chi rilb'al li xb'aanuhom li Yos, kimqex chi rilb'al li sachb'ach'oolej kixb'aanu cho'q qe.

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Salmos 145:17

Tiik xch'ool li Qaawa' sa' chixjunil, ut chaab'il xk'a'uxl rik'in jo'nimal li naxb'aanu.

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Salmos 90:11

Ani tawi' nanawok xkawilal laajosq'il re naq taaxiwaq chiru xnimal laak'a?

Levítico 19:2

“Ye re chixjunil li xkomonileb' laj Israel: “Santaqex, xb'aan naq laa'in, li Qaawa' leeYos, santin.

Isaías 30:11

Elenqex chiqu ut meetaaqe chik li chaab'il b'e; ink'a' chik naqaj rab'inkil leeraatin chirix li xSant laj Israel”.

Salmos 89:18

Xb'aan naq laa'at li xloq'al ut li xkawilaleb'; sa' xk'ab'a' laawusilal naqataqsi li qilob'aal.

Apocalipsis 13:4

ut ke'xloq'oni li nimla k'anti', xb'aan naq kixk'e xwankil li josq' aj xul. Ke'xloq'oni ajwi' li josq' aj xul, yookeb' chi xyeeb'al: “Ani tawi' chanchan li josq' aj xul? Ani tawi' taaruhanq chi yalok rik'in?”.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Éxodo 9:14

Xb'aan naq anaqwan tintaqla chaq chixjunileb' li rahilal chi junk'eeb'al sa' aab'een, sa' xb'eeneb' laj k'anjel chawu ut laatenamit, re naq taanaw naq maajun wank sa' ruuchich'och' kama' laa'in.

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Éxodo 20:3

“Miwank jalan chik aayos chiwu laa'in.

2 Crónicas 2:5

Ut li ochoch ok we xkab'lankil nimaq chi us, xb'aan naq li qaYos jwal nim chiru chixjunileb' li jalanil yos.

2 Crónicas 6:14

“At Qaawa', xYos laj Israel, maak'a' chik junaq Yos jo' laa'at sa' choxa, chi moko sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

Salmos 22:23

Tinye resil laak'ab'a' reheb' li was wiitz'in, ut tinnima aawu sa' li loq'laj ch'utam.

Salmos 113:5

Ani ta chik jo' li Qaawa' li qaYos? A'an nak'ojlaak toj taqe'q,

Salmos 136:4

Ka'ajwi' A'an kixb'aanu sachb'ach'oolej, li xnimal xrahom wank chi junelik!

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Éxodo 8:6

Laj Aharón kixye' li ruq' sa' xb'eeneb' li ha' re Ejiipt: ke'taqe'k chaq li amoch ut ke'xnujob'resi li tenamit Ejiipt.

Deuteronomio 1:30

Li Qaawa' leeYos a'an laj k'amol eeb'e, ut a'an taayaloq cherix, jo' kixb'aanu aran Ejiipt

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

1 Crónicas 16:25

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.

Salmos 60:2

Kitz'iib'aak naq kiyalok rik'ineb' laj Aram aj Naharáhin jo'wi' rik'ineb' laj Aram aj Sobá. Sa' li kutan a'an laj Johab kisutq'iik chaq ut kixq'axeb' ru kab'laju mil aj Edom sa' li xTaq'ahil li atz'am.

Salmos 77:11

Ut ninye: “A' awe' naraho'k wi' linch'ool: naq li Nimajwal Yos xjal li xk'a'uxl sa' qab'een”.

Salmos 86:10

Xb'aan naq k'ajo' xnimal aawankil: laa'at nakatb'aanunk sachb'ach'oolej; ka'jat wi' li yo'yookil Yos!

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.