Éxodo 15:1 - Q'eqchi Bible

¹ Toja' naq laj Moisés ut eb' laj Israel ke'xb'icha li b'ich a'in re li Qaawa'; ke'xye: “Tinb'ichanq chiru li Qaawa' xb'aan naq q'axal nim xwankil: kixkuteb' sa' palaw li kawaay ut eb' li b'eleb'aal ch'iich'.

Li Santil hu

¹ Laj Moisés rochbeneb laj Israel queꞌbichan re xlokꞌoninquil li Ka̱cuaꞌ Dios. Aꞌin lix bicheb: La̱in tinbicha̱nk chiru li Ka̱cuaꞌ Dios xban nak kꞌaxal nim lix cuanquilal. Quixcanabeb chi osocꞌ saꞌ li haꞌ li cacua̱y joꞌ eb ajcuiꞌ li cuanqueb chirix.

Éxodo 15:1 ပူးပေါင်းရင်းမြစ်များ

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Éxodo 15:21

Ut lix Miriam kixsume li b'ich chi kama'in: “B'ichanqex chiru li Qaawa', xb'aan naq jwal nim xwankil: kixkuteb' sa' palaw li kawaay ut eb' li b'eleb'aal ch'iich'”.

Salmos 106:12

Toja' naq eb' laj Israel ke'xpaab' raatin li Qaawa' ut q'axal ke'xb'icha li xwankil.

Salmos 107:8

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil!

Colosenses 2:15

Kixjuk' xwankileb' li musiq'ej neke'taqlank ut neke'awab'ejink, kixk'eheb' chi se'eek chiruheb' chixjunil ut kixk'ameb' chirix xb'aan xnimal xwankilal.

Salmos 107:15

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil!

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Éxodo 14:27

Ut laj Moisés kixye' li ruq' sa' xb'een li palaw ut naq ak xhik'e'k, li palaw kisutq'iik wi' chik sa' xna'aj: eb' laj Ejiipt ke'raj raj elelik, ab'an ke'rame'k xb'aan li ha', ut li Qaawa' kixkuteb' laj Ejiipt sa' xyi li palaw.

Números 21:17

Toja' naq eb' laj Israel ke'xb'icha li b'ich a'in: “Yo'lan, at ha'. B'ichahomaq ru li xjulel li ha'.

Nehemías 9:11

Laa'at kajach li palaw chiruheb', ut ke'nume'k junpak'al chi chaqi ru li xb'eheb'. Kama'eb' li pek sa' xchamal li palaw naq kasub'eb' sa' ha' li ke'aanilasink chaq reheb'.

Li xHu LAJ JOB 36:24

Chixjunileb' neke'xb'icha ru li xloq'al. Jo'kanaq ajwi' laa'at: jultikaq aawe xnimankil ru li xb'aanuhom.

Salmos 32:7

Laa'at li xkolb'al wib', laj tenq'ahom we sa' li rahilal: wankat chinsutam re intenq'ankil.

Salmos 76:6

Warenaqeb' li jwal kaweb' rib', ut xmaq'mank chiruheb' chixjunileb' li k'anjelob'aal re yalok; jo'k'ihaleb' li wankeb' xwankil moq'mo xe'kanaak.

Salmos 105:43

Jo'ka'in kirisi li xtenamit chi saheb' sa' xch'ool; k'ajo'eb' chi b'ichank li sik'b'ileb' ru xb'aan.

Proverbios 29:6

Li maak li naxb'aanu li winq, a'an ajwi' nat'anok re; ab'an li tiik xch'ool sa wank ut sa nab'ichank.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Jeremías 51:21

Wochb'eenat naq xinkamsiheb' li kawaay ut eb' li neke'b'eek chirixeb'; xinputz'iheb' li b'eleb'aal ch'iich' jo'wi' eb' li neke'b'eresink reheb'.

Habacuc 3:18

ab'an laa'in taasaho'q linch'ool rik'in li Qaawa', k'ojk'ooq li waanm rik'in li Yos laj kolol we.

Éxodo 14:26

Kixye ut li Qaawa' re laj Moisés: “Ye' laawuq' sa' xb'een li palaw re tixjunaji rib' li ha' sa' xb'eeneb' laj Ejiipt, sa' xb'eeneb' li xb'eleb'aal ch'iich' jo' ajwi' eb' laj puub'”, chan.

Salmos 76:7

At xYos laj Jakob, eb' li b'eleb'aal ch'iich' ut eb' li kawaay ink'a' chik xe'eek'ank sa' xna'ajeb' naq xaxib'esiheb'.

Oseas 2:17

Twisi sa' xch'ool li xk'ab'a'eb' laj Bahal ut maajoq'e chik tixpatz'eb' -chan li Yos-.