Éxodo 14:8 - Q'eqchi Bible

⁸ Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Li Santil hu

⁸ Li Ka̱cuaꞌ Dios quixcacuubresi xchꞌo̱l laj faraón lix reyeb laj Egipto re nak tixta̱keheb laj Israel. Ut eb laj Israel nequeꞌtzololnac chi xic. Ut li Ka̱cuaꞌ Dios yo̱ chi cꞌamoc be chiruheb riqꞌuin lix nimal xcuanquilal.

Éxodo 14:8 ပူးပေါင်းရင်းမြစ်များ

Hechos 13:17

Li xYos li tenamit Israel kixsik'eb' ru li qana' qayuwa', kixnimob'resi li tenamit naq wankeb' chaq sa' xch'och'eb' laj Ejiipt chi ab'lil, ut rik'in xnimal xwankil kirisiheb' chaq.

Números 33:3

Sa' li o'laju xb'e li xb'een po ke'elk eb' laj Israel sa' li na'ajej Ramsés, eweraq xninq'ehinkil li Paswa. Kaweb' xch'ool naq ke'elk eb' laj Israel chiruheb' chixjunil laj Ejiipt.

Deuteronomio 26:8

Li Qaawa' koorisi chaq Ejiipt rik'in xnimal xwankil, rik'ineb' xiwajel eetalil ut sachb'ach'oolej;

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Éxodo 13:16

Ut a'an taak'anjelaq aawe cho'q reetalil sa' laawuq', cho'q xsahob' ru laapeekem, xb'aan naq li Qaawa' rik'in xkawilal li ruq' koorisi chaq Ejiipt»”.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Salmos 86:13

xb'aan naq jwal nim linraab'al aab'aan: laa'at xatkolok we chiru li kamk.

Deuteronomio 32:27

Ab'anan ink'a' xwaj naq eb' li xik' neke'ilok reheb' te'xnimob'resi rib' ut te'xye: Laa'o xoosachok reheb', moko a' ta li Qaawa' xb'aanunk re a'in.

Éxodo 13:18

Jo'kan naq li Yos kixk'ameb' chi xk'eeb'al q'oot sa' xb'ehil li chaqich'och', sa' xjayal li Kaqi Palaw. Chi tzoltzo ke'elk Ejiipt eb' laj Israel.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Éxodo 9:12

Ab'anan li Qaawa' kixkawub'resi xch'ool laj Parahón, ut a'in ink'a' kirab'iheb', kama' yeeb'il chaq re laj Moisés xb'aan li Qaawa'.

Éxodo 10:27

Ab'an li Qaawa' kixkawub'resi xch'ool laj Parahón, ut a'in ink'a' kixkanab'eb' chi elk.

Éxodo 14:7

Kixk'am lajeek'aal xkab' o'q'ob' (600) xb'eleb'aal ch'iich' li sik'b'ileb' ru, jo' ajwi' chixjunileb' li xb'eleb'aal ch'iich' eb' laj Ejiipt rochb'eeneb' laj puub'.

Éxodo 14:17

K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.

Éxodo 15:9

Li xik' na'ilok qe kixye: «Tinxik chi xchapb'aleb', toxintaweb'. Tinjek'i li k'aru reheb', ut taak'ojlaaq linch'ool; twisi linch'iich', ut te'sache'q ru xb'aan li wuq'».

Lamentaciones 3:65

Cha'aalob'resi li xch'ooleb' ut chamajewaheb'.

Levítico 26:13

Laa'in li Qaawa' leeYos, li kin'isink chaq eere Ejiipt re naq ink'a' chik wanqex rub'el xwankilaleb'. Kint'upi li kareen b'ak'b'ookex wi' aran ut kexink'e chi b'eek chi taqenaq leerilob'aal.

Josué 11:20

Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.

Jueces 4:7

Laa'in tink'am chaq aawik'in, chire li nima' Kisón, laj Sísara, xjolomileb' laj puub' re laj Jabín, rochb'eeneb' li xb'eleb'aal ch'iich' ut eb' laj puub'. Te'chalq chi yalok aawik'in, ab'an laa'in tinq'axtesiheb' sa' laawuq'»?”.

Salmos 105:43

Jo'ka'in kirisi li xtenamit chi saheb' sa' xch'ool; k'ajo'eb' chi b'ichank li sik'b'ileb' ru xb'aan.