Éxodo 14:29 - Q'eqchi Bible

²⁹ A'ut eb' laj Israel ke'nume'k sa' li palaw chi chaqi ru xb'eheb', xb'aan naq li ha' chanchan li tz'ak kikanaak chi xka'pak'alil li b'e.

Li Santil hu

²⁹ Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Éxodo 14:29 ပူးပေါင်းရင်းမြစ်များ

Éxodo 14:22

Eb' laj Israel koxe'okaq sa' li palaw chi chaqi ru xb'eheb': chanchan li tz'ak naq kikanaak li ha' chi xka'pak'alil li b'e.

Isaías 51:13

K'a'ut naq nakatz'eq chirix laach'ool li Qaawa', laj yoob'tesihom aawe, li kihelok re li choxa ut kixk'ojob' li ruuchich'och'? K'a'ut naq nakanumsi li kutan chi xxiwankil ru laj rahob'tesinel, li junelik naxyal xq'e chasachb'al? Ab'anan, b'ar wank anaqwan li xjosq'il laj rahob'tesinel?

Isaías 51:10

Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

1 Corintios 10:1

Ex was wiitz'in, twaj teenaw naq eb' li qana' qayuwa' chixjunileb' ke'wank chaq rub'el li choql ut chixjunileb' ke'nume'k sa' li palaw.

Éxodo 15:8

Rik'in rapusihom laajosq'il kixtuub' rib' li ha'; chanchan tz'ak naq ke'xaqliik li xkaw oq li palaw, ut toj sa' xyi kipeko'k li xchamal.

Éxodo 15:19

Naq eb' li xkawaay laj Parahón, eb' li xb'eleb'aal ch'iich' ut eb' li wankeb' sa' xb'eeneb' koxe'okaq sa' li palaw, li Qaawa' kixjunaji li ha' sa' xb'eeneb', a'ut eb' laj Israel ke'nume'k sa' xyi li palaw chi chaqi ru xb'eheb'.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

2 Reyes 2:8

Toja' naq laj Elías kirisi chirix li xb'aatal, kixb'ach'i, ut chiru a'an kixsak' li ha' li kixjek' rib' chi xka'pak'alil. Jo'kan naq eb' li wiib' chi winq ke'nume'k chiru chaqich'och'.

Nehemías 9:11

Laa'at kajach li palaw chiruheb', ut ke'nume'k junpak'al chi chaqi ru li xb'eheb'. Kama'eb' li pek sa' xchamal li palaw naq kasub'eb' sa' ha' li ke'aanilasink chaq reheb'.

Salmos 78:13

Aran kixjach chirib'il li palaw ut kixnumsiheb' junpak'al; kixram li ha', ut chanchan li tz'ak naq kixaqliik.

Salmos 106:9

Kixq'us li Kaqi Palaw, ut a'an kichaqik; kixnumsi li xtenamit sa' xyi li ha' chanchan sa' chaqich'och'.

Salmos 136:13

Kixjach sa' xyi li Kaqi Palaw, li xnimal xrahom wank chi junelik;