Éxodo 14:25 - Q'eqchi Bible

²⁵ Kixt'il li xb'eleb'aaleb' li kaar, ut ch'a'aj chik naq yookeb' chi xik. Toja' naq ke'xye eb' laj Ejiipt: “Eleliqo chiruheb' laj Israel xb'aan naq li Qaawa' yo chi yalok qik'in laa'o aj Ejiipt chirixeb' a'an”, chankeb'.

Li Santil hu

²⁵ Ut eb li carruaje queꞌxtiquib tꞌilc. Chꞌaꞌaj chic nak yo̱queb chi xic. Eb laj Egipto queꞌxucuac ut queꞌxye chi ribileb rib: —Us tosukꞌi̱k. Us toe̱lelik chiruheb laj Israel. Li Ka̱cuaꞌ Dios yo̱ xtenkꞌanquileb aꞌan ut la̱o aj Egipto xicꞌ yo̱ chikilbal, chanqueb.

Éxodo 14:25 ပူးပေါင်းရင်းမြစ်များ

Éxodo 14:14

Li Qaawa' taayaloq cherix. Mexk'oxlak”.

Jeremías 51:21

Wochb'eenat naq xinkamsiheb' li kawaay ut eb' li neke'b'eek chirixeb'; xinputz'iheb' li b'eleb'aal ch'iich' jo'wi' eb' li neke'b'eresink reheb'.

Li xHu LAJ JOB 20:24

Wi taakole'q chiru li ch'iich', q'anch'iich' chik taapaynumiiq wi'.

Deuteronomio 3:22

Maaxiwaheb' ru, xb'aan naq a' ajwi' li Qaawa' leeYos taayaloq sa' eek'ab'a'», chankin.

Amós 9:1

Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.

Salmos 76:6

Warenaqeb' li jwal kaweb' rib', ut xmaq'mank chiruheb' chixjunileb' li k'anjelob'aal re yalok; jo'k'ihaleb' li wankeb' xwankil moq'mo xe'kanaak.

Salmos 68:12

Li Qaawa' xyehom li raatin; ut naab'aleb' li ixq xe'yehok resil:

Salmos 46:9

Kimqex chi rilb'al li xb'aanuhom li Qaawa', cheka'ya li sachb'ach'oolej xb'aanu sa' ruuchich'och'.

Li xHu LAJ JOB 27:22

Taachiq'chiq'iiq xb'aan, chi ink'a' taatoq'ob'aaq ru; chi moko taaruuq elelik chiru.

Li xHu LAJ JOB 11:20

A'ut li ink'a' useb' xna'leb' te'mutz'o'q ut te'oso'q: ka'aj chik li kamk yooqeb' royb'eninkil.

Amós 1:14

Jo'kan naq tink'e xxamlel li xsuttz'akil li tenamit Rabá ut te'k'ate'q eb' li xchaq'alil ru ochoch. Tinb'aanu chi jo'kan sa' xkutankil li yalok, sa' li nimla mululij ib', jo' xyaab' li kawil kaqsut-iq'.

Jueces 4:15

ut li Qaawa' kiroksi xxiweb' laj puub' re laj Sísara, sa' xyanqeb' li xb'eleb'aal ch'iich', chiru laj Barak. Laj Sísara kikub'eek sa' li xb'eleb'aal ch'iich' ut ki'elelik chi roq.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Éxodo 14:18

Ut naq taanimaaq inloq'al rik'in li te'xk'ul laj Parahón, eb' laj puub', li xb'eleb'aal ch'iich' ut eb' li wankeb' chirixeb' li kawaay, te'xnaw eb' laj Ejiipt naq laa'in li Qaawa'”.

Deuteronomio 32:31

Neke'xnaw chi us eb' li xik' neke'ilok qe naq laj ilol reheb' moko jo' ta laj Ilol qe laa'o.

Nehemías 6:16

Naq chixjunileb' li xik' neke'ilok qe ke'rab'i resil a'an ut chixjunileb' li tenamit chi qasutam ke'ril, k'ajo' naq ke'sachk xch'ool ut ke'xk'e reetal naq li k'anjel a'in uxb'il xb'aan xnimal ruxtaan li qaYos.

Éxodo 15:3

Li Qaawa' a'an q'axal kaw rib'; Qaawa' Yos: a'an li xk'ab'a'.

Deuteronomio 1:30

Li Qaawa' leeYos a'an laj k'amol eeb'e, ut a'an taayaloq cherix, jo' kixb'aanu aran Ejiipt

Josué 10:14

Maajun sut kik'ulmank chi jo'kan jo' li kik'ulmank sa' li kutan a'an, chi moko junxil chi moko moqon: li Qaawa' kirab'i xyaab' xkux jun li winq, xb'aan naq li Qaawa' kiyalok sa' xk'ab'a'eb' laj Israel.

2 Crónicas 20:29

Naq ke'rab'i resil naq li Qaawa' kiyalok rik'ineb' li xik' neke'ilok reheb' laj Israel, k'ajo' naq ke'ok xxiw chixjunileb' li tenamit sa' ruuchich'och'.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.

Nehemías 9:11

Laa'at kajach li palaw chiruheb', ut ke'nume'k junpak'al chi chaqi ru li xb'eheb'. Kama'eb' li pek sa' xchamal li palaw naq kasub'eb' sa' ha' li ke'aanilasink chaq reheb'.

Salmos 35:1

Xsaalm laj David. At Qaawa', yalon rik'ineb' li neke'raj yalok wik'in, pleetin rik'ineb' li neke'pleetink we.

Isaías 31:4

Jo'ka'in kixye we li Qaawa': “Jo' naq li kaqkoj malaj li ral naxjap re sa' xb'een li xtzak ut ink'a' naxxiwa ruheb' laj ilol ketomq us ta te'xch'utub' rib' re raanilasinkil ut japjo'q reheb' chirix, jo'kan ajwi' naq taachalq li Nimajwal Yos chi yalok sa' li tzuul Sión.