Éxodo 14:13 - Q'eqchi Bible

¹³ Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Li Santil hu

¹³ Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Éxodo 14:13 ပူးပေါင်းရင်းမြစ်များ

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

2 Crónicas 20:15

ut kixye: “Ab'ihomaq chi us, chejunilex aj Judá ut aj Jerusalén, jo'wi' laa'at, a Josafat, at awab'ej. Li Qaawa' yo chi xyeeb'al eere: «Mexxiwak chi moko chi'ok leek'a'uxl chi rilb'aleb' li k'iila aj puub' a'an, xb'aan naq li yalok a'in, maawa' eere laa'ex, re b'an li Qaawa'.

Éxodo 14:30

Sa' li kutan a'an li Qaawa' kixkoleb' laj Israel sa' ruq'eb' laj Ejiipt, ut eb' laj Israel ke'rileb' laj Ejiipt chi kamenaqeb' chik chire li palaw.

2 Reyes 6:16

“Matxiwak -chan laj Eliseo-. Jwal naab'aleb' li wankeb' qik'in laa'o chiruheb' a'an”.

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Oseas 13:4

Xyehom li Qaawa': “Laa'in li Qaawa' laaYos, chalen chaq sa' laawelik Ejiipt. Maak'a' junaq chik yos chiwu laa'in, chi moko wank junaq chik aj kolonel.

Habacuc 3:13

Xat-elk chaq chi xkolb'al laatenamit re xtenq'ankil li sik'b'il ru aab'aan. Xajuk' li rochocheb' li ink'a' useb' xna'leb' ut xak'e chi kutankil li rub'elankil.

Isaías 43:11

Ka'ajin wi' li Qaawa', ut maak'a' chik junaq aj kolonel chiwu.

Deuteronomio 20:3

ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Génesis 49:18

“At Qaawa', aawik'in nawoyb'eni li kolb'a ib'!

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Nehemías 9:9

Laa'at kak'e reetal li xtoq'ob'aal ruheb' li qana' qayuwa' aran Ejiipt ut kawab'i li xyaab' xkuxeb' chire li Kaqi Palaw.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Salmos 3:8

Xaqlin, at Qaawa'! Chinaakol, at inYos! Xatz'ajiheb' chawuq' chixjunileb' li xik' neke'ilok we, xajori li ruuch reheb' li ink'a' useb' xch'ool.

Isaías 26:3

Kaw xaqxo li xpaab'aaleb', ut laa'at, at Qaawa', nakak'e reheb' li wank sa' tuqtuukilal xb'aan naq k'ojk'o xch'ooleb' aawik'in.

San Mateo 28:5

Toja' naq li ánjel ki'ok chi raatinankileb' li ixq ut kixye reheb': —Mexxiwak. Ninnaw naq yookex chi xsik'b'al li Jesus, a' li kik'ehe'k chiru krus.

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

1 Crónicas 11:14

a'an kixxaqab' rib' sa' xyi li na'ajej, kiyalok chi kaw re xkolb'al rix li awimq ut kixq'ax ruheb' laj Filistea. Jo'kan naq aran li Qaawa' kixk'e reheb' jun nimla q'axok u.

Habacuc 3:8

At Qaawa', ma xchalk laajosq'il sa' xb'eeneb' li nima'? Ma naxamlotk laajosq'il sa' xb'een li palaw? Laa'at nakattaqe'k chirixeb' laakawaay ut nakatxik sa' xb'eeneb' laab'eleb'aal ch'iich' jo' jun li xq'axok u sa' li yalok.

Oseas 13:9

“At Israel, ani taatenq'anq aawe sa' laasachik?

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

1 Samuel 11:13

Ab'an laj Saúl kixye: “Maajun chikamq anaqwan, xb'aan naq li Qaawa' xooxkol laa'o aj Israel sa' li kutan a'in”.

1 Samuel 12:16

“Jo'kan b'i', oyb'enihomaq wan toj teeril li nimla sachb'ach'oolej tixb'aanu li Qaawa' cheru laa'ex.

Isaías 7:4

ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Salmos 68:21

Li qaYos a'an jun Yos aj kolonel, a'an na'isink qe sa' ruq' li kamk.

Salmos 78:53

Maak'a' ke'xk'ul naq kixk'ameb' xb'e, a'ut eb' li xik' neke'ilok reheb' ke'nuq'e'k xb'aan li palaw.

Salmos 91:8

Ka'ajwi' taate xsa' laawu ut taawil xq'ajkamunkileb' li ink'a' useb' xna'leb'.

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.