Éxodo 14:12 - Q'eqchi Bible

¹² Ma ink'a' tab'i' ak xqaye aawe aran: «Kanab'o sa' tuqtuukilal, tqaj k'anjelak chiruheb' laj Ejiipt? Xb'aan naq jwal us cho'q qe k'anjelak chiruheb' laj Ejiipt chiru naq tookamq sa' li chaqich'och'»”.

Li Santil hu

¹² Nak toj cuanco aran xkaye a̱cue nak toa̱canab chi trabajic riqꞌuineb laj Egipto. Us raj chokꞌ ke li trabajic riqꞌuineb chiru nak toeꞌxcamsi arin saꞌ li chaki chꞌochꞌ, chanqueb.

Éxodo 14:12 ပူးပေါင်းရင်းမြစ်များ

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Éxodo 6:9

Laj Moisés kixye a'in reheb' laj Israel; ab'an eb' a'an ink'a' ke'xpaab', xb'aan naq q'axal raheb' sa' xch'ool xb'aan li kawil k'anjel.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Éxodo 3:9

Ab'i, li xkawil yaab'eb' laj Israel xwulak toj wik'in, ut xwil ajwi' naq k'ajo' rahob'tesinb'ileb' xb'aaneb' laj Ejiipt li neke'numtaak sa' xb'eeneb'.

San Marcos 5:7

ut kixjap re chi xyeeb'al chi kaw xyaab' xkux: —K'aru wank we aawik'in, at Jesus, Ralalat li Nimajwal Yos! Nintz'aama nawelaji chawu sa' xk'ab'a' li Qaawa', minaarahob'tesi.

San Marcos 1:24

—K'aru wank qe aawik'in, at Jesus aj Nazaret? Ma xatchalk chi qajuk'b'al? Ninnaw anihat laa'at: a' li xsantil Alal li Yos, chan.

Oseas 4:17

Laj Efraín xkoho xch'ool chirixeb' li yal k'oxlanb'il yos: kanab'omaq chi xb'aanunkil!

Éxodo 13:17

Naq laj Parahón kixkanab'eb' chi elk li tenamit, li Yos ink'a' kixk'ameb' sa' xb'ehil xch'och'eb' laj Filistea, us ta jwal nach' li b'e a'an, xb'aan naq kixye sa' xch'ool li Qaawa': “Mare anchal te'ok chi yalok lintenamit, ut naq te'xk'ul a'an, te'yot'e'q xch'ool ut te'sutq'iiq wi' chik Ejiipt”.

Salmos 106:7

Eb' li qana' qayuwa' aran Ejiipt ink'a' ke'xtaw ru laaninqal ru eetalil; ink'a' kinaqk sa' xch'ooleb' li xnimal laarahom, ke'xq'etq'eti b'an rib' chiru li Nimajwal Yos chire li Kaqi Palaw.