Éxodo 13:3 - Q'eqchi Bible

³ Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Li Santil hu

^3-4 Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:3 ပူးပေါင်းရင်းမြစ်များ

Deuteronomio 24:18

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos ki'isink chaq aawe aran. Jo'kan naq yookin chi xk'eeb'al aawe li chaq'rab' a'in.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 16:12

Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 16:3

“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am.

Deuteronomio 8:14

“Mare anchal taasachq sa' laach'ool li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Josué 24:17

Xb'aan naq li Qaawa' li qaYos, a'an ki'isink chaq qe ut eb' li qana' qayuwa' sa' li na'ajej Ejiipt, b'arwi' koowank chaq chi munil. A'an kib'aanunk re xninqal eetalil chiqu ut kooxkol sa' li qab'eenik ut sa'atqeb' chixjunil li tenamit koonume'k wi'.

Deuteronomio 13:10

Taateni chi pek toj reetal taakamq, xb'aan naq xraj aawisinkil sa' xb'e li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 24:22

Chijultiko'q aawe naq katwank chaq chi munil sa' li tenamit Ejiipt. Jo'kan naq yookin chi xk'eeb'al aawe li chaq'rab' a'in.

Éxodo 12:42

Chiru li q'oqyink a'an kiyo'lek li Qaawa' re risinkileb' aran Ejiipt. Chiru ajwi' li q'oqyink a'an tento te'yo'leq eb' laj Israel re xnimankil ru li Qaawa', junq'e junq'e kutan.

Deuteronomio 13:5

Ut li propeet malaj laj matk' a'an tento taakamq xb'aan naq xatxtakchi'i chi xq'etq'etinkil aawib' chiru li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil. Tento taakamq xb'aan naq kiraj raj aawisinkil sa' li b'e xk'ehom chab'eeni li Qaawa' laaYos. Jo'ka'in taak'e chi oso'k chi junajwa li ink'a' us sa' eeyanq.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Éxodo 23:15

Taanima ru li xninq'e li wa ink'a' yuub'il. Chiru wuqub' kutan tatwa'oq wa ink'a' yuub'il, jo' chanru laataqlankil, sa' xq'ehil, chiru li po Abib, xb'aan naq chiru li po a'an kat-elk chaq Ejiipt. Maajun taachalq wik'in chi maak'a' ta tixk'am chaq.

Éxodo 20:8

“Jultikaq aawe li sábado re naq taasantob'resi.

Éxodo 12:19

Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Éxodo 12:8

Sa' ajwi' li q'oqyink a'an teetiw li xtib'el, chi pomb'il, rik'in wa ink'a' yuub'il ut rik'in k'ahil ichaj.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Éxodo 3:20

Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Salmos 105:5

Jultikaq eere li sachb'ach'oolej kilajxb'aanu, li xninqal eetalil ut li xloq'laj aatin,

Efesios 1:19

Chenaw ajwi' naq k'ajo' xnumtajenaqil li xwankil qik'in laa'o li nokoopaab'ank, jo' chanru nak'utunk xb'aaneb' li xninqal ru xb'aanuhom li xwankilal.

1 Corintios 11:24

ut naq ak xyoxink chiru li Yos, kixjachi ut kixye: “A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil”.

1 Corintios 5:8

Jo'kan utan, ninq'ehiqo ink'a' rik'in najter ch'amal q'em chi moko rik'in xch'amal li lab'al malaj li maa'usilal, rik'inaq b'an li wa maak'a' xch'amal, naraj naxye chi saqaq ru li qach'ool ut sa' xyaalal.

San Lucas 22:19

Chirix chik a'an kixchap li wa, kiyoxink, kixjachi ut kixk'e reheb': —A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil.

Nehemías 9:10

Kab'aanu xninqal eetalil ut sachb'ach'oolej sa' xb'een laj Parahón, sa' xb'eeneb' laj k'anjel chiru jo'wi' sa' xb'een chixjunil li xtenamit, xb'aan naq aawilom chanru naq ke'xq'etq'eti rib' chiruheb' laj Israel. Jo'kan naq chalen anaqwan nawno aawu yalaq b'ar.

1 Crónicas 16:12

Jultikaq eere li sachb'ach'oolej kilajxb'aanu, li xninqal ru eetalil ut li xloq'laj aatin,

San Mateo 10:12

Ut naq toxex'okaq sa' li kab'l, chek'e xsahilaleb' xch'ool.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 7:4

laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Éxodo 12:17

Cheroxloq'i li xNinq'e li wa ink'a' yuub'il, xb'aan naq sa' ajwi' li kutan a'an laa'in xexwisi chi tzoltzo sa' li tenamit Ejiipt. Chenima junelik li kutan a'an jo' chaq'rab' xaqxo chi junajwa.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

1 Reyes 8:42

(xb'aan naq xe'rab'i resil li xnimal laak'ab'a' ut laawankil),

Salmos 114:1

Naq ke'elk eb' laj Israel aran Ejiipt, naq ki'elk li xjunkab'al laj Jakob sa' jalanil tenamit,

Salmos 136:11

Ut kirisiheb' laj Israel sa' xyanqeb' a'an, li xnimal xrahom wank chi junelik;

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 12:2

“Li po a'in a'anaq xtiklajik li chihab' cho'q eere, a'anaq li xb'een po.

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Éxodo 34:18

“Chawoxloq'i li xNinq'e li Wa ink'a' yuub'il. Chiru wuqub' kutan tatwa'oq wa ink'a' yuub'il jo' chanru xatintaqla wi', sa' xq'ehil, sa' li po Abib, xb'aan naq chiru li po Abib kat-elk chaq Ejiipt.

Deuteronomio 6:21

Ut laa'at taaye re laawalal: «Laa'o koowank chaq rub'el xwankil laj Parahón aran Ejiipt, ut li Qaawa' koorisi chaq aran rik'in xkawilal li ruq'.

Deuteronomio 9:12

ut kixye we: «Ayu, kub'en chi junpaat, xb'aan naq laatenamit li kawisiheb' chaq Ejiipt xe'xpo' xch'ooleb'. Sa' junpaat xe'xkanab' li b'e ink'utum chiruheb' ut xe'xyiib' jun li yos yiib'anb'il rik'in ch'iich'», chan.

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,

Deuteronomio 13:11

Ut naq te'rab'i a'in chixjunileb' laj Israel, te'xiwaq ut te'xkanab' xb'aanunkil li yib'ruhil na'leb' a'in sa' eeyanq.

Deuteronomio 16:1

“Chawoxloq'i li po Abib ut aran taaninq'ehi li Paswa sa' xk'ab'a' li Qaawa' laaYos, xb'aan naq sa' li po Abib, chi q'eq, li Qaawa' laaYos katrisi chaq Ejiipt.

Deuteronomio 26:8

Li Qaawa' koorisi chaq Ejiipt rik'in xnimal xwankil, rik'ineb' xiwajel eetalil ut sachb'ach'oolej;

Jueces 2:12

Ke'xkanab' li Qaawa', li xYos eb' li xxe'toonil yuwa' li ki'isink chaq reheb' sa' li na'ajej Ejiipt, ut ke'ok chi xtaaqenkil li xyoseb' li tenamit wankeb' chi xsutam. Ke'xwiq'ib' rib' chiruheb' ut ke'xchiq' xjosq'il li Qaawa';

Jueces 6:8

li Qaawa' kixtaqla jun li propeet rik'ineb' re xyeeb'al reheb': “Jo'ka'in xye li Qaawa', xYos laj Israel: «Laa'in kin'isink chaq eere Ejiipt b'arwi' kexwank chaq chi munil.

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Salmos 89:14

Q'axal nim laametz'ew ut kaw aawib', kaw laanim uq' chi q'axok u.

Salmos 136:12

rik'in xwankil li ruq' ut xkawilal li xtel, li xnimal xrahom wank chi junelik!

Jeremías 34:13

“Laa'in, li Qaawa', xYos laj Israel, kink'ojob' jun Sumwank rik'ineb' leena' leeyuwa' naq kiwisiheb' chaq Ejiipt, b'arwi' ke'wank chaq chi munil. Ut kinye reheb':

Daniel 9:15

«At Qaawa', at qaYos, laa'at kak'ut li xnimal aawankil naq kawisiheb' chaq laatenamit aran Ejiipt. Sa' xk'ab'a' a'an q'axal nawno aawu chalen toj anaqwan, ab'an laa'o xoomaakob'k ut xqab'aanu li ink'a' us.