Éxodo 13:17 - Q'eqchi Bible

¹⁷ Naq laj Parahón kixkanab'eb' chi elk li tenamit, li Yos ink'a' kixk'ameb' sa' xb'ehil xch'och'eb' laj Filistea, us ta jwal nach' li b'e a'an, xb'aan naq kixye sa' xch'ool li Qaawa': “Mare anchal te'ok chi yalok lintenamit, ut naq te'xk'ul a'an, te'yot'e'q xch'ool ut te'sutq'iiq wi' chik Ejiipt”.

Li Santil hu

¹⁷ Nak laj faraón quixcanabeb chi xic laj Israel, nachꞌ raj li be li nanumeꞌ saꞌ xtenamiteb laj filisteo, aban li Dios incꞌaꞌ quixcꞌameb aran. Quixye li Dios: —Ma̱re teꞌpletik eb laj filisteo riqꞌuineb laj Israel ut ma̱re ta̱chꞌina̱k xchꞌo̱leb ut teꞌxic cuiꞌchic xcaꞌ sut Egipto, chan.

Éxodo 13:17 ပူးပေါင်းရင်းမြစ်များ

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Hechos 7:39

“A'ut eb' li qana' qayuwa' ink'a' ke'raj xpaab'ankil, ke'xtz'eqtaana b'an ut ke'xsutq'isi li xch'ooleb' re xik Ejiipt,

Deuteronomio 20:8

“Toja' naq eb' laj tz'iib' te'aatinaq wi' chik rik'ineb' li tenamit ut te'xye: «Ani yo xxiw ut nach'inank xch'ool? Xikaq ut sutq'iiq sa' rochoch re naq ink'a' tixch'ina xch'ooleb' li ras riitz'in, jo' naq xch'ina xch'ool a'an», cha'qeb'.

Hechos 15:38

A'ut laj Pablo kixk'oxla naq ink'a' truuq te'xk'am chirixeb' li kirisi chaq rib' aran Panfilia ut ink'a' koxrochb'eeniheb' chaq sa' li xk'anjeleb'.

Deuteronomio 17:16

Ab'anan li awab'ej a'an ink'a' tixloq' naab'aleb' li xkawaay, chi moko tixtaqlaheb' li rech tenamitul aran Ejiipt re xk'ihob'resinkileb' li xkawaay, xb'aan naq li Qaawa' ak xyehom eere: «Maajun wa chik texsutq'iiq sa' li b'e a'in», chan.

Jueces 7:3

Jo'kan utan, ye reheb' li tenamit naq jo'k'ihaleb' yooqeb' xxiw ut neke'siksotk, che'sutq'iiq sa' rochocheb'”. Chi jo'kan laj Jedehón kixyal rixeb': wiib' xka'k'aal mil (22,000) koheb' ut lajeeb' mil (10,000) ke'kanaak.

Hebreos 11:27

Sa' xk'ab'a' li xpaab'aal laj Moisés kixkanab' Ejiipt chi ink'a' kixxiwa xjosq'il li awab'ej; ut kiwank chi kaw xch'ool chi chanchan yo chi rilb'al Li ink'a' na'ilmank ru.

Éxodo 14:10

Naq yo chaq chi nach'ok laj Parahón, eb' laj Israel ke'xtaqsi rilob'aaleb' ut, naq ke'ril eb' laj Ejiipt chirixeb', k'ajo' naq ke'xiwak ut ke'xyaab'a li Qaawa'.

Deuteronomio 28:68

Li Qaawa' tatxk'am wi' chik Ejiipt, sa' jukub', sa' li b'e b'arwi' xyehom aawe: «Ink'a' chik taawil ru». Ut aran laa'ex teek'ayi eerib' reheb' li xik' neke'ilok eere, re naq texkanaaq cho'q aj mun winq ut aj mun ixq. Ab'anan maajun taaloq'oq eere”.