Éxodo 13:14 - Q'eqchi Bible

¹⁴ Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Li Santil hu

¹⁴ Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Éxodo 13:14 ပူးပေါင်းရင်းမြစ်များ

Josué 4:6

re naq a'anaq jun li loq'laj eetalil sa' eeyanq. Naq wulaj kab'ej leeralal eek'ajol te'xpatz' eere: «K'aru xyaalal eb' li pek a'in?», cha'qeb',

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Salmos 145:4

Eb' li yuwa'b'ej te'xseeraq'i laab'aanuhom reheb' li ralal xk'ajol; taapuktesimanq resil laasachb'ach'oolej chi junelik.

Josué 22:24

Ab'an moko jo'kan ta. Li xyaalalil a'an a'in: xqak'oxla naq wulaj kab'ej leeralal eek'ajol mare te'xye reheb' li qalal: «K'aru wank eere laa'ex rik'in li Qaawa', xYos laj Israel?

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 10:2

Chi jo'kan laa'at taaye reheb' laawalal jo'wi' reheb' laawi k'aru xinb'aanu reheb' laj Ejiipt, a'eb' li xninqal reetalil li xink'ut chiruheb'; ut laa'ex teenaw naq Laa'inin li Qaawa'”.

Génesis 30:33

ut a'an ajwi' reetalil xchaab'ilal linch'ool chiruheb' li kutan chaalel. Naq tatwulaq chi rilb'al lintojb'al, chixjunil li ink'a' tzipix ut ch'ulak rix sa' xyanqeb' li chib'aat ut chixjunil li ink'a' q'eq rix sa' xyanqeb' li karneer, a'anaqeb' reetalil li xwelq'a”.

Hechos 13:17

Li xYos li tenamit Israel kixsik'eb' ru li qana' qayuwa', kixnimob'resi li tenamit naq wankeb' chaq sa' xch'och'eb' laj Ejiipt chi ab'lil, ut rik'in xnimal xwankil kirisiheb' chaq.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Éxodo 13:8

Sa' li kutan a'an taach'olob' re laawalal: «Ninb'aanu a'in re xjultikankil li kixb'aanu we li Qaawa' naq kin'elk chaq Ejiipt.

Salmos 78:4

moko tqamuq ta chiruheb' li qalal qak'ajol, tqach'olob' b'an chiruheb' li te'yo'laaq moqon: a' li xnimal xloq'al ut xwankil li Qaawa', ut chixjunileb' li sachb'ach'oolej kilajxb'aanu.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Josué 24:17

Xb'aan naq li Qaawa' li qaYos, a'an ki'isink chaq qe ut eb' li qana' qayuwa' sa' li na'ajej Ejiipt, b'arwi' koowank chaq chi munil. A'an kib'aanunk re xninqal eetalil chiqu ut kooxkol sa' li qab'eenik ut sa'atqeb' chixjunil li tenamit koonume'k wi'.

Jueces 2:12

Ke'xkanab' li Qaawa', li xYos eb' li xxe'toonil yuwa' li ki'isink chaq reheb' sa' li na'ajej Ejiipt, ut ke'ok chi xtaaqenkil li xyoseb' li tenamit wankeb' chi xsutam. Ke'xwiq'ib' rib' chiruheb' ut ke'xchiq' xjosq'il li Qaawa';

Jueces 6:8

li Qaawa' kixtaqla jun li propeet rik'ineb' re xyeeb'al reheb': “Jo'ka'in xye li Qaawa', xYos laj Israel: «Laa'in kin'isink chaq eere Ejiipt b'arwi' kexwank chaq chi munil.

1 Crónicas 16:12

Jultikaq eere li sachb'ach'oolej kilajxb'aanu, li xninqal ru eetalil ut li xloq'laj aatin,

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Salmos 136:11

Ut kirisiheb' laj Israel sa' xyanqeb' a'an, li xnimal xrahom wank chi junelik;

Jeremías 34:13

“Laa'in, li Qaawa', xYos laj Israel, kink'ojob' jun Sumwank rik'ineb' leena' leeyuwa' naq kiwisiheb' chaq Ejiipt, b'arwi' ke'wank chaq chi munil. Ut kinye reheb':

Daniel 9:15

«At Qaawa', at qaYos, laa'at kak'ut li xnimal aawankil naq kawisiheb' chaq laatenamit aran Ejiipt. Sa' xk'ab'a' a'an q'axal nawno aawu chalen toj anaqwan, ab'an laa'o xoomaakob'k ut xqab'aanu li ink'a' us.