Éxodo 13:12 - Q'eqchi Bible

¹² chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Li Santil hu

¹² Nak cua̱nkex aran la̱ex te̱kꞌaxtesi saꞌ rukꞌ li Dios li xbe̱n e̱ralal. Ut te̱kꞌaxtesi ajcuiꞌ re chixjunil li xbe̱n raleb le̱ queto̱mk li te̱lom.

Éxodo 13:12 ပူးပေါင်းရင်းမြစ်များ

Números 18:15

“Chixjunil li xb'een ralal eb' laj Israel malaj li xb'een raleb' li ketomq li namayejaak we, tink'eheb' aawe. Ab'an chirixeb' li xb'een ralaleb' li winq ut li xb'een raleb' li xul li ink'a' natzekamank, taapatz' xtojb'aleb' rix.

Levítico 27:26

“Maajun truuq tixmayeja li xb'een ral li xketomq: a'an ak re li Qaawa', xb'aan naq xb'een aleb'. Us ta junaq ch'ina wakax malaj junaq ch'ina karneer, a'an re li Qaawa'.

Éxodo 34:19

“Chixjunil li xb'een alalb'ej wehaq laa'in; jo'kan ajwi' chixjunileb' li xb'een ral li wakax malaj li karneer, a'eb' li kok' teelom, wehaqeb' laa'in.

Ezequiel 44:30

Li k'aru jwal chaab'il re li xb'een ru li awimq ut re chixjunil li namayejaak, rehaqeb' laj tij. Ut naq laa'ex teeyiib' li q'em, tento teek'e reheb' li xb'een taa'elq. Chi jo'kan li wosob'tesihom wanq junelik sa' eeb'een sa' leerochoch.

Éxodo 13:2

“Q'axtesinb'ilaqeb' sa' wuq' chixjunileb' li xb'een alalb'ej, chixjunil li xb'een ralaleb' laj Israel, jo' winq jo' xul, xb'aan naq we chixjunileb'”.

Deuteronomio 15:19

“Chixjunileb' li xb'een ral eb' laawakax malaj eb' laakarneer, wi teelomeb', taaq'axtesiheb' re li Qaawa' laaYos. “Maak'e chi k'anjelak li xb'een ral laawakax chi moko taab'es li rismal li xb'een ral laakarneer.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Números 8:17

Xb'aan naq weheb' chixjunileb' li xb'een ralaleb' laj Israel, jo' li ralaleb' li winq malaj li xb'een raleb' li ketomq: kinsik'eb' ru cho'q we sa' li kutan kinsacheb' wi' chixjunil li xb'een ralaleb' laj Ejiipt.

Números 3:12

“K'e reetal naq xinsik' ruheb' laj Leví sa' xyanqeb' laj Israel, ruuchileb' chixjunileb' li xb'een ralaleb' laj Israel. Wehaqeb' laj Leví,

San Lucas 2:23

jo' tz'iib'anb'il sa' li xChaq'rab' li Qaawa': “Chixjunil li xb'een alalb'ej teloom q'axtesinb'ilaq sa' ruq' li Qaawa'”.

Éxodo 13:1

Li Qaawa' kiraatina laj Moisés ut kixye re:

Ezequiel 16:20

«Chirix chik a'an kamayeja chiruheb' a'an eb' li walal ink'ajol ke'wank aawik'in. Ink'a' kitz'aqlok aawe li xmuxb'al aawib',

Éxodo 22:28

“Maamajewa li Yos chi moko taamaa'usila li xb'eenil li tenamit.

Éxodo 34:20

Li xb'een ral li b'uur taak'e junaq karneer cho'q reeqaj ut, wi ink'a' taak'e reeqaj, tik taatoq xb'aqel xkux. Taak'e reeqaj chixjunileb' li xb'een ralaleb' laawalal ut maajun taak'ulunq wik'in chi maak'a' ta tixk'am chaq.

Números 3:13

xb'aan naq weheb' chixjunil li xb'een alalb'ej. Sa' li kutan naq kinrahob'tesi chixjunileb' li xb'een ralaleb' laj Ejiipt, kinraheb' cho'q we chixjunileb' li xb'een ralaleb' laj Israel, jo'eb' li winq, jo'kan ajwi' eb' li xb'een ral li ketomq. Weheb' laa'in. Laa'in li Qaawa'”.

Nehemías 10:36

Tqak'am ajwi' sa' rochoch li qaYos li xb'een qalal jo'wi' li xb'een ral li qawakax, li qakarneer ut chixjunil li qaketomq, jo' chanru tz'iib'anb'il sa' li Chaq'rab', ut taaqaq'axtesi reheb' laj tij li neke'k'anjelak sa' li Loq'laj Ochoch.

Nehemías 10:37

Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.