Éxodo 12:8 - Q'eqchi Bible

⁸ Sa' ajwi' li q'oqyink a'an teetiw li xtib'el, chi pomb'il, rik'in wa ink'a' yuub'il ut rik'in k'ahil ichaj.

Li Santil hu

⁸ Saꞌ li kꞌojyi̱n aꞌan te̱tiu li tib chi pombil. Te̱cuaꞌ li caxlan cua xcomon li ma̱cꞌaꞌ xchꞌamal ut te̱tiu ajcuiꞌ li ichaj li cꞌa.

Éxodo 12:8 ပူးပေါင်းရင်းမြစ်များ

Éxodo 34:25

“Maayeechi'i xkik'el linmayej rochb'een li wa li wank xyu, chi moko taakanaaq toj sa' li kutan jun chik li xul kamsinb'il sa' xninq'e li Paswa.

Deuteronomio 16:7

Taachiq ut taatzeka sa' li na'ajej tixsik' ru li Qaawa' laaYos, ut wulajaq chik tatxik ut tatsutq'iiq sa' laawochoch.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Éxodo 23:18

“Maayeechi'i xkik'el linmayej rochb'een wa li wank xyu, chi moko taak'uula xxeeb'ul linninq'e toj sa' li kutan jun chik.

Éxodo 13:7

Taawa'manq li wa ink'a' yuub'il chiru wuqub' kutan ut ink'a' chik taawanq li wa wank xyu sa' laawochoch, chi moko li nasipob'resink re li wa, sa' chixjunil laana'aj.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 1:14

ut ke'xrahob'tesiheb' rik'in kawil k'anjel chi b'eelank seb', yiib'ank xan ut rik'in yalaq k'a' chi k'anjelil na'uxmank sa' k'aleb'aal. Chixjunil li k'anjel a'in ke'xb'aanu eb' laj Israel chi q'axal rahob'tesinb'ileb' ut minb'ileb' ru.

1 Ts 1:6

Laa'ex xek'am eere qik'in ut rik'in li Qaawa', ut xek'ulub'a li Loq'laj Aatin sa' xyanqeb' li k'iila rahilal chi sa sa' leech'ool xb'aan li Santil Musiq'ej.

Gálatas 5:9

“B'a'b'ay li yu naxch'amob'resi chixjunil li q'em”.

San Mateo 26:26

Ut naq yookeb' chi wa'ak, li Jesus kixchap li wa, kiyoxink sa' xb'een, kixjachi, kixk'e reheb' li xtzolom ut kixye: —K'ulumaq, wa'omaq; a'an a'in lintz'ejwal.

San Mateo 16:12

Toja' naq ke'xtaw ru naq ink'a' kixye naq chiru li xch'amal li wa tento te'xkol rib'eb', chiru b'an li xk'utumeb' laj Pariseey ut eb' laj Saduseey.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Amós 4:5

K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.

Salmos 22:14

jwal k'apk'ookeb' re sa' inb'een, chanchaneb' li kaqkoj neke'xjap re ut neke't'upink.

Éxodo 12:9

Meetiw chi rax chi moko chi chiqb'il, chi pomb'il b'an, rik'in li xjolom, li roq ut li xk'amk'ot.

2 Crónicas 35:13

Ke'xpom sa' ru xam li mayej re li Paswa, jo' chanru li mayejak; ut li k'a' chik ru jwal loq' ke'xchiq sa'eb' li uk'al ut chi junpaat ke'xjek'i reheb' li tenamit.