Éxodo 12:41 - Q'eqchi Bible

⁴¹ Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Li Santil hu

⁴¹ Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Éxodo 12:41 ပူးပေါင်းရင်းမြစ်များ

Hechos 1:7

Kichaq'ok a'an ut kixye: —Moko eere ta laa'ex xnawb'al li xq'ehil ut li honal xaqab'anb'il xb'aan li Yuwa'b'ej rik'in li xwankil.

San Juan 7:8

Taqenqex laa'ex sa' li ninq'e; laa'in ink'a' tintaqe'q sa' li ninq'e a'in xb'aan naq maji' natz'aqlok linhonal.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Salmos 102:13

A'ut laa'at, at Qaawa', nakat-awab'ejink chi junelik; maajoq'e taakanab'aaq xpatz'b'al laak'ab'a'.

Josué 5:14

Kichaq'ok a'an ut kixye: “Ink'a', laa'in b'an aj jolominel reheb' li xk'iila ánjel li Qaawa'. Toja' xinchalk”, chan. Toja' naq laj Josué kixhupub' rib', kixloq'oni ut kixye re: “Laa'in aamoos, wa'. K'aru taawaj tinb'aanu?”, chan.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Éxodo 12:17

Cheroxloq'i li xNinq'e li wa ink'a' yuub'il, xb'aan naq sa' ajwi' li kutan a'an laa'in xexwisi chi tzoltzo sa' li tenamit Ejiipt. Chenima junelik li kutan a'an jo' chaq'rab' xaqxo chi junajwa.

Éxodo 7:4

laj Parahón ink'a' texrab'i. Toja' naq tintaqsi li wuq' sa' xb'een Ejiipt ut rik'in xninqal rahilal twisi aran lintenamit, eb' linteepal, a'aneb' laj Israel.

Éxodo 3:10

Jo'kan b'i', ayu; laa'in tatintaqla rik'in laj Parahón re naq taawisiheb' chaq Ejiipt lintenamit Israel”.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Éxodo 6:26

A' laj Aharón ut laj Moisés a'in ke'yehe'k wi' xb'aan li Qaawa': “Cherisiheb' laj Israel sa' li tenamit Ejiipt chi tzoltzo”.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Éxodo 13:16

Ut a'an taak'anjelaq aawe cho'q reetalil sa' laawuq', cho'q xsahob' ru laapeekem, xb'aan naq li Qaawa' rik'in xkawilal li ruq' koorisi chaq Ejiipt»”.

Levítico 23:43

re naq eb' leeralal eek'ajol te'xnaw naq kiwisiheb' chaq laj Israel aran Ejiipt ut keb'ink'e chi wank rub'el kok' muheb'aal. Laa'in li Qaawa', leeYos”.

Números 23:22

Naq li Qaawa' kirisiheb' chaq laj Israel aran Ejiipt, kixk'ut li xnimal xkawilal chiruheb', jo' xkawilal li b'ooyx li wank sa' k'iche'.

Números 33:1

Jo'ka'in naq ke'elk chaq Ejiipt eb' laj Israel ut ke'chalk chi tzol jo'keb' laj puub', k'amol b'eheb' chaq laj Moisés ut laj Aharón.

Deuteronomio 4:37

A'an kixraheb' laana' laayuwa'; jo'kan naq kixsik'eb' ru li ralal xk'ajoleb' ut katrisi chaq Ejiipt rik'in xnimal xwankil,

Deuteronomio 16:1

“Chawoxloq'i li po Abib ut aran taaninq'ehi li Paswa sa' xk'ab'a' li Qaawa' laaYos, xb'aan naq sa' li po Abib, chi q'eq, li Qaawa' laaYos katrisi chaq Ejiipt.

Josué 24:5

Toja' naq kintaqla laj Moisés ut laj Aharón, ut kinrahob'tesiheb' laj Ejiipt rik'in li xninqal eetalil kinb'aanu sa' xyanqeb'. Moqon chik ke'wisi chaq aran.

1 Reyes 6:1

Kaak'aal xkab' o'q'ob' (480) chihab' relikeb' chaq laj Israel sa' li tenamit Ejiipt, ak kaahib' chihab' chik rokik chi awab'ejil laj Salomón sa' li tenamit Israel, chiru li po Sif (a' li xkab' xpohil li chihab') laj Salomón kixtikib' xkab'lankil rochoch li Qaawa'.

2 Crónicas 14:12

Toja' naq li Qaawa' kixtenq'a laj Asá ut eb' laj Judá chi xq'axb'al ruheb' laj Etiopía; ut eb' a'in ke'elelik.

Salmos 114:1

Naq ke'elk eb' laj Israel aran Ejiipt, naq ki'elk li xjunkab'al laj Jakob sa' jalanil tenamit,

Salmos 136:11

Ut kirisiheb' laj Israel sa' xyanqeb' a'an, li xnimal xrahom wank chi junelik;