Éxodo 12:38 - Q'eqchi Bible

³⁸ Ke'elk ajwi' rochb'eeneb' naab'al chik tenamit ut k'ajo' xk'ihaleb' li karneer ut li wakax.

Li Santil hu

³⁸ Ut cuanqueb ajcuiꞌ laj Egipto li queꞌco̱eb saꞌ xya̱nkeb laj Israel. Ut ma̱ caꞌchꞌin xqꞌuial li queto̱mk queꞌxcꞌam nak queꞌco̱eb.

Éxodo 12:38 ပူးပေါင်းရင်းမြစ်များ

Números 11:4

Sa' xyanqeb' laj Israel wankeb' laj ab'l tenamit li junes wa'ak neke'xk'oxla. Toja' naq eb' laj Israel ke'ok chi wech'ink rik'in xyeeb'al: “Ani tawi' tk'ehoq qatib' re tqatzeka?

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Éxodo 10:9

Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Números 20:19

Ke'chaq'ok eb' laj Israel ut ke'xye re: “Toonume'q sa' li nimb'e, ut wi too'uk'aq sa' laaha' laa'in malaj eb' linketomq, tqatoj chawu. Yal toonume'q chi oqej”, chankeb'.

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

Deuteronomio 3:19

Ka'ajeb' wi' leerixaqil, eb' leeralal eek'ajol ut eb' leeketomq (xb'aan naq ninnaw naq wank naab'al eeketomq) te'kanaaq sa'eb' li tenamit ink'ehom eere,

Josué 8:35

Maajun junaq aatin re chixjunil li xtaqlahom laj Moisés ink'a' ta kiyaab'asimank chiruheb' chixjunil li xLoq'laj Ch'utameb' laj Israel; k'eeb'ileb' ajwi' sa' ajl eb' li ixq, eb' li kok'al ut eb' laj ab'l tenamit li wankeb' sa' xyanqeb' laj Israel.

Nehemías 13:3

Naq eb' laj Israel ke'rab'i li tz'iib'anb'il sa' xChaq'rab' laj Moisés, tikto ke'risi sa' li komonil chixjunileb' laj ab'l tenamit.

Levítico 24:10

Sa' xyanqeb' laj Israel kiwank jun li winq, aj Israel li xna' ut aj Ejiipt li xyuwa'. Li xna' li winq, a'an xSelomit xk'ab'a', xrab'in laj Dibrí sa' xteepal Dan.