Éxodo 12:37 - Q'eqchi Bible

³⁷ Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.

Li Santil hu

³⁷ Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Éxodo 12:37 ပူးပေါင်းရင်းမြစ်များ

Números 1:46

li xk'ihaleb' li ke'ajlamank sa'eb' li xteepaleb', a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Éxodo 38:26

li junjunq chi winq li ak xket junmay chihab' kixk'e waqib' graam chi plaat, jo' chanru neke'b'isok sa' li Loq'laj Na'ajej, sut chixjunileb' li k'eeb'ileb' sa' ajl a'aneb' oxib' xjunlajuk'aal xkab' o'q'ob' mil rik'in lajeeb' xwaqxaqk'aal xkab' o'q'ob' (603,550).

Números 33:5

Eb' laj Israel ke'elk chaq Ramsés ut koxe'hilanq aran Sukot.

Números 33:3

Sa' li o'laju xb'e li xb'een po ke'elk eb' laj Israel sa' li na'ajej Ramsés, eweraq xninq'ehinkil li Paswa. Kaweb' xch'ool naq ke'elk eb' laj Israel chiruheb' chixjunil laj Ejiipt.

Números 11:21

Kixye laj Moisés re li Qaawa': “Eb' li tenamit wochb'een, wankeb' lajeek'aal xkab' o'q'ob' mil (600,000), ut laa'at yookat chi xyeeb'al naq taak'eheb' chi tzekank tib' chiru jun po?

Génesis 47:11

Laj José kixpaab' li kiyehe'k re xb'aan laj Parahón: kixk'e xna'ajeb' li ras ut li xyuwa' sa' li ch'och' q'axal chaab'il re Ejiipt, sa' xteepal Ramsés.

Éxodo 1:11

Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Números 26:51

Naq ke'ajlamank eb' laj Israel, kik'eemank reetal naq wankeb': jun xjunlajuk'aal xkab' o'q'ob' mil rik'in lajeeb' xwuqlajuk'aal xkab' o'q'ob' (601,730).

Números 2:32

A'an a'in xk'ihaleb' laj Israel li ke'ajlaak, chi teep ut chi xjunqkab'alileb' li xyuwa'eb'. Li xk'ihal chixjunileb' li winq ke'ajlamank re yalok, a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Éxodo 10:9

Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Éxodo 13:20

Ke'elk eb' laj Israel aran Sukot ut koxe'hilanq Etán, chire li chaqich'och':

Números 1:2

“Ajlahomaqeb' chixjunil li xkomonileb' laj Israel, chi teep ut chi junqkab'alil; teetz'iib'a chi junqal li xk'ab'a'eb' li winq.