Éxodo 12:31 - Q'eqchi Bible

³¹ Chiru ajwi' li q'oqyink a'an laj Parahón kixb'oqeb' laj Moisés ut laj Aharón ut kixye reheb': “Waklinqex ut elenqex sa' lintenamit, laa'ex ut eb' laj Israel, ut ayuqex chi xloq'oninkil ru li Qaawa' kama' xeye.

Li Santil hu

³¹ Ut laj faraón chiru li kꞌojyi̱n aꞌan quixtakla resil riqꞌuin laj Moisés ut laj Aarón. Quixye reheb: —Cuaclinkex. Elenkex saꞌ junpa̱t. Cꞌamomak che̱rix chixjunileb laj Israel. Ayukex ut lokꞌonihomak ru le̱ Dios joꞌ xeye cue.

Éxodo 12:31 ပူးပေါင်းရင်းမြစ်များ

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Salmos 105:38

Q'axal ke'saho'k xch'ool laj Ejiipt sa' relikeb', xb'aan naq numtajenaq nim li xxiweb'.

Éxodo 10:9

Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Éxodo 8:8

Toja' naq laj Parahón kixb'oqeb' laj Moisés ut laj Aharón ut kixye: “Chetz'aama chiru li Qaawa' naq chirisiheb' li amoch wik'in ut rik'in lintenamit, ut laa'in teb'inkanab' chi elk laatenamit re naq toxe'mayejaq chaq chiru li Qaawa'”, chan.

Éxodo 11:8

Toja' naq talaje'chalq wik'in chixjunileb' laj k'anjel a'in, te'xwiq'ib' rib' chiwu ut te'xye: «Elen laa'at aawochb'een chixjunileb' laatenamit». Toja' naq tin'elq”. K'ajo' xjosq'il laj Moisés naq ki'elk rik'in laj Parahón.

Éxodo 10:29

Kichaq'ok laj Moisés ut kixye: “Laa'at xatyehok re. Ink'a' chik twil aawu!”.

Éxodo 8:25

Toja' naq laj Parahón kixb'oqeb' laj Moisés ut laj Aharón ut kixye reheb': “Ayuqex, mayejanqex chiru leeYos, ab'an mayejanqex sa' li tenamit a'in”.

Éxodo 11:1

Kixye li Qaawa' re laj Moisés: “Toj jun chik li rahilal tintaqla sa' xb'een laj Parahón ut sa' xb'eeneb' laj Ejiipt. Chirix chik a'an texxkanab' chi elk arin ut, naq texxkanab' chi xik, texrisi chi junwaakaj arin.

Éxodo 12:39

Naq ke'isiik Ejiipt, ink'a' ke'ruuk chi b'ayk, chi moko ke'ruuk chi xxokb'al xtzekemqeb'. Jo'kan naq chiru li q'em li ke'xxok Ejiipt, ke'xyiib' xsup k'ulujeb', xb'aan naq maji' nasipo'k li q'em.

1 Samuel 6:6

K'a' naq teekawub'resi leech'ool jo' ke'xb'aanu eb' laj Ejiipt ut laj Parahón? Ma ink'a' tab'i' ke'xkanab'eb' laj Israel chi xik naq ke'rahob'tesiik xb'aan li Qaawa'?