Éxodo 12:29 - Q'eqchi Bible

²⁹ Tuqtu q'oqyink li Qaawa' kulxtiq' chixjunileb' li xb'een alalb'ej sa' li tenamit Ejiipt, chalen li xb'een ralal laj Parahón li wank sa' xk'ojarib'aal li xyuwa' toj rik'in li xb'een ralal li tz'aptz'o sa' tz'alam, jo' ajwi' li xb'een ral chixjunileb' li ketomq.

Li Santil hu

²⁹ Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Éxodo 12:29 ပူးပေါင်းရင်းမြစ်များ

Salmos 78:51

Kixkamsiheb' li xb'een ralaleb' laj Ejiipt, eb' li q'axal kaweb' rib' sa' xmuheb'aaleb' laj Kam.

Éxodo 4:23

Jo'kan naq ninye aawe: Kanab' chi xik li walal re naq toxinxloq'oni; ab'an wi ink'a' taakanab' chi xik, laa'in tinkamsi laawalal, a' li xb'een aawalal»”.

Salmos 135:8

Kixk'eheb' chi kamk li xb'een ralal xk'ajoleb' laj Ejiipt, jo'wi' chixjunileb' li xb'een ral li ketomq.

Salmos 105:36

Ut kixk'e chi kamk chixjunileb' li xb'een alalb'ej, eb' li q'axal kaweb' rib' sa' xyanqeb' laj Ejiipt.

Salmos 136:10

Kixk'eheb' chi kamk li xb'een ralaleb' laj Ejiipt, li xnimal xrahom wank chi junelik!

Números 8:17

Xb'aan naq weheb' chixjunileb' li xb'een ralaleb' laj Israel, jo' li ralaleb' li winq malaj li xb'een raleb' li ketomq: kinsik'eb' ru cho'q we sa' li kutan kinsacheb' wi' chixjunil li xb'een ralaleb' laj Ejiipt.

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Hebreos 11:28

Sa' xk'ab'a' li xpaab'aal kixninq'ehi li Paswa ut kixtaqlaheb' laj Israel chi xkirkisinkil li kik' re naq laj Kamsinel ink'a' tixch'e'eb' li xb'een ralaleb'.

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.

Éxodo 13:15

Laj Parahón kixkawub'resi xch'ool ut ink'a' kooxkanab' chi elk; jo'kan naq li Qaawa' kixkamsi chixjunileb' li xb'een alalb'ej sa' li tenamit Ejiipt, chalen li xb'een ralal li winq toj rik'in li xb'een ral li xul. Jo'kan naq ninmayeja chiru li Qaawa' chixjunil li xb'een raleb' li xul teelom, ut nink'e ruuchil chixjunil li xb'een alalb'ej sa' xyanqeb' li walal.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

Zacarías 9:11

At Jerusalén, sa' xk'ab'a' li sumwank xinb'aanu aawik'in rik'in kik' twisiheb' chaq sa' li jul maak'a' ha' chisa' jo'k'ihaleb' li wankeb' chaq chi preexil.

Jeremías 38:13

Toja' naq eb' li winq ke'risi chaq li propeet chi kelonb'il ut ke'xkanab' chiru xneb'aalil li rochocheb' laj k'aak'alenel.

Jeremías 38:6

Tikto eb' a'an ke'xchap laj Jeremías ut ke'xk'e sa' li xjulel xha' laj Malkías, ralal li awab'ej, li wank chiru xneb'aalil li rochocheb' laj k'aak'alenel. Ke'xkub'si laj Jeremías rik'in k'aam sa' li xjulel li ha'. Aran maak'a' chik ha', junes sulul aj chik wank chisa'; jo'kan naq laj Jeremías kisob'e'k sa' li sulul.

Isaías 51:14

Chi seeb' taa'ach'ab'aaq li wank sa' tz'alam; moko taakamq ta chi b'ak'b'o chi moko taakanaaq chi maak'a' xtzekemq.

Isaías 24:22

Tixch'utub', tixtuub' chixjunileb' ut tixtz'apeb' sa' tz'alam chiru k'iila chihab', ut moqon chik te'k'ehe'q sa' tojb'amaak.

Li xHu LAJ JOB 34:20

Eb' li poyanam sa' junpaat neke'kamk chiru q'oqyink: neke'xmululi rib' li tenamit ut ak maak'a'eb' chik; li winq nim xwankil na'isiik sa' xk'anjel chi junpaat.

Números 3:13

xb'aan naq weheb' chixjunil li xb'een alalb'ej. Sa' li kutan naq kinrahob'tesi chixjunileb' li xb'een ralaleb' laj Ejiipt, kinraheb' cho'q we chixjunileb' li xb'een ralaleb' laj Israel, jo'eb' li winq, jo'kan ajwi' eb' li xb'een ral li ketomq. Weheb' laa'in. Laa'in li Qaawa'”.

Éxodo 9:6

Ak wulajaq chik kixb'aanu li Qaawa' jo' li raatin, ut kilaje'kamk chixjunil li xketomqeb' laj Ejiipt; ab'an maajun xketomqeb' laj Israel kikamk.

Éxodo 12:28

Ut eb' laj Israel koheb' ut ke'xb'aanu li ke'taqlaak wi' laj Moisés ut laj Aharón xb'aan li Qaawa'.

Salmos 78:50

Kixk'ut chi tz'aqal li xjosq'il chiruheb', ink'a' kixkol li xyu'ameb' chiru li kamk, kixk'e b'an rub'el xwankil li raxkamk.

Habacuc 3:5

K'amol b'e li raxkamk chiru li Qaawa' ut chirix A'an yo chi xik li kaqitiq.

Génesis 15:14

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq aran chi naab'alaq li xjunkab'laleb'.

Éxodo 11:1

Kixye li Qaawa' re laj Moisés: “Toj jun chik li rahilal tintaqla sa' xb'een laj Parahón ut sa' xb'eeneb' laj Ejiipt. Chirix chik a'an texxkanab' chi elk arin ut, naq texxkanab' chi xik, texrisi chi junwaakaj arin.

Isaías 41:11

Chixjunileb' li xik' neke'ilok aawe te'kanaaq sa' xutaan ut te'kub'siiq xwankil; tik maak'a'eb' chik te'kanaaq eb' li neke'raj numtaak sa' aab'een.